ރަތްމަންދޫ ސުކޫލުގައި 14 ދަރިވަރުން، ރައީސްގެ ލަފަޔަކީ ސެޓަލައިޓް ސްކޫލަކަށް ބަދަލުކުރުން

ރަތްމަންދޫއަށް ކުރެއްވި ދަތުރުފުޅުގައި ރައީސް ކުޑަކުއްޖަކާ ސަލާމް ކުރައްވަނީ. ރަތްމަންދޫގެ އާބާދީ އިތުރުނުވާ މައިގަނޑު އެއް ސަބަބަކީ އެކަށީގެންވާ ތައުލީމު ރަށުން ނުލިބުން ކަމަށް އެ ރަށު ރައްޔިތުން ދެކޭ --- ފޮޓޯ: މިރާޝް ނާޝިމް/އަދަދު

ރަތްމަންދޫއަށް ކުރެއްވި ދަތުރުފުޅުގައި ރައީސް ކުޑަކުއްޖަކާ ސަލާމް ކުރައްވަނީ. ރަތްމަންދޫގެ އާބާދީ އިތުރުނުވާ މައިގަނޑު އެއް ސަބަބަކީ އެކަށީގެންވާ ތައުލީމު ރަށުން ނުލިބުން ކަމަށް އެ ރަށު ރައްޔިތުން ދެކޭ --- ފޮޓޯ: މިރާޝް ނާޝިމް/އަދަދު

ކުޑަކުޑަ އާބާދީއެއް ދިރިއުޅޭ މ. ރަތްމަންދޫ ރައްޔިތުންގެ ކަންބޮޑުވުންތަކުގެ ދިގެވެ. ބަނދަރާއި ރަށް ގިރުމުގެ މައްސަލަ އެވެ. ދެން އޮތީ ރަށު ސުކޫލުގެ މައްސަލަ އެވެ. ސުކޫލުން ބޭނުންވާ އެކަށީގެންވާ ތައުލީމު ނުދެވުމެވެ.

"ރަށުގެ ތިބެގެން އަޅުގަނޑުމެންގެ ދަރީންނަށް ތައުލީމު ދެވޭނެ ގޮތެއް ނެތުމަކީ މިއަދު ރަތްމަންދޫގެ ކޮންމެ ރައްޔިތެއްގެ ވެސް އެންމެ ބޮޑު ކަންބޮޑުވުން، ގްރޭޑު ހައެއް ނިމުމުން ދަރިފުޅާއެކެ މާލެއަށް ނުވަތަ އެހެން ރަށަކަށް ބަދަލުވާން ޖެހުމަކީ ރަށުގެ ކުރިމަގަށް އެޅިގެންދާ އެންމެ ބޮޑު ހުރަސް،" ކައުންސިލްގެ މެންބަރު އިސްމާއިލް ނާހިދު ވިދާޅުވި އެވެ.

އޭނާ ވިދާޅުވީ ސުކޫލުގެ މައްސަލައަށް ހައްލެއް ލިބިގެން މެނުވީ ރައްޔިތުންނަށް "އުފަލެއް ވެސް، އެއްވެސް އުންމީދެއް" ވެސް ނެތް ކަމަށެވެ.

ރަތްމަންދޫގައި ބޭއްވި ކެމްޕެއިނު ޖަލްސާ-- ފޮޓޯ: މިރާޝް ނާޝިމް / އަދަދު
ރަތްމަންދޫގައި ބޭއްވި ކެމްޕެއިނު ޖަލްސާ-- ފޮޓޯ: މިރާޝް ނާޝިމް / އަދަދު

ރަތްމަންދޫގައި ބޭއްވި ކެމްޕެއިނު ޖަލްސާ-- ފޮޓޯ: މިރާޝް ނާޝިމް / އަދަދު

މި ރަށުން މި ނޫހާ ވާހަކަ ދެއްކި އުމުރުން ދުވަސްވީ އަންހެނަކު ބުނި ގޮތުގައި ރަށުގެ އާބާދީގެ އިތުރުނުވާ މައިގަނޑު ސަބަބެއް ކަމަށް ރައްޔިތުން ދެކެނީ ވެސް ސުކޫލުން ތައުލީމު ނުލިބުމެވެ.

"ކައިރީގައި ރިސޯޓެއް އޮތަސް، ވަޒީފާ ލިބުނަސް، ތައުލީމު ނުލިބެންޏާ ރަށުގައި މަޑު ނުކުރާނެތާ، އެންމެ ދިރިއުޅެނީ މާލެ އާއި ހުޅުމާލޭގައި،" އޭނާ ކަންބޮޑުވުން ފާޅުކުރި އެވެ.

އާބާދީގައި 118 މީހުން ދިރިއުޅޭ ރަތްމަންދޫގެ ދަރިވަރުންނަށް ވެސް އާއިލާއާއެކު ރަށުގައި ތިބެ، ކިޔެވުމުގެ ފުރުސަތު ހޯދައިދިނުމަށް ރަށު ރައްޔިތުންގެ ފަރާތުން ކައުންސިލުން ސަރުކާރުގައި އެދުނެވެ.

އެ ކަންބޮޑުވުމާ ގުޅިގެން ރައީސް އިބްރާހިމް މުހައްމަދު ސޯލިހު ފާޅުކުރެއްވީ މި ރަށުގައި ވެސް ސެޓެލައިޓު މެދުވެރިކޮށް ކިޔަވައިދެވޭނެ ނިޒާމު ގާއިމް ކުރުމުގެ ހިޔާލެވެ.

ސެޓަލައިޓް ސްކޫލަކީ އާބާދީ ކުޑަވެ، ސުކޫލު ބަންދު ކުރަން ޖެހުނު ރަށްރަށުގެ ދަރިވަރުން އެހެން ރަށަކަށް ނުގޮސް ކިޔެވޭނެ ގޮތް ހަމަޖައްސައިދިނުމަށް މި ސަރުކާރުން ފެށި ސިޔާސަތެކެވެ. އޮންލައިން ކިޔެވުމާ އެއްގޮތް އެހެންނަމަވެސް ވީޑިއޯ އާއި ވެބިނާތަކާއި ލައިވްސްޓްރީމް ތަކާއި އެންމެ ފަހުގެ ތައުލީމީ ކަންކަން ސެޓެލައިޓު ސުކޫލުގައި އިތުރަށް ހިމެނެ އެވެ.

"ސުކޫލުގައި މިވަގުތަށް ބޭނުންވާ ހުރިހާ ކަމެއް އެޑިއުކޭޝަން މިނިސްޓްރީން މިވަގުތަށް ދަނީ ފޯރުކޮށްދެމުން، އެހެންނަމަވެސް އާއިލާތައް ބޭނުންވާނީ ރަށުގައި ތިބެ ދަރިންނަށް އެންމެ މައްޗަށް ކިޔަވައިދޭން، އެހެންކަމުން މީގައި އޮތް އެންމެ ރަނގަޅު އެއް ހައްލަކަށް އަޅުގަނޑަށް ފެންނަނީ މިތަނަށް ސެޓެލައިޓު ސުކޫލުގެ ހިދުމަތް ފޯރުކޮށްދިނުން،" ރައީސް ވިދާޅުވި އެވެ.

ރައީސް ވިދާޅުވީ އެއީ ރައްޔިތުން އެދޭ ގޮތެއް ނަމަ، އެ މަސައްކަތް ލަސްނުކޮށް ފަށައިގެން ކުރިއަށް ދާނެ ކަމަށެވެ.

"ގްރޭޑު 10 އަކާ ހަމައަށް ވެސް މި ރަށުގައި ކިޔަވައިދިނުމަކީ ދަތިކަމަކަށް ވެގެން ނުވާނެ،" ރައީސް ވިދާޅުވި އެވެ.

ސެޓެލައިޓު ސުކޫލު އިންތިޒާމު ވެފައިވާ ގޮތް

އެ ސްކޫލުތަކުގެ ދަރިވަރުންނަށް ކިޔަވައިދޭ ޓީޗަރުން ތިއްބަވަނީ ސެންޓްރަލް ސްކޫލުގަ އެވެ. އެގޮތުން އެޑިއުކޭޝަން މިނިސްޓްރީން ނިންމާފައިވާ ސްކޫލަކީ ހުޅުމާލޭ ހުރަވީ ސްކޫލެވެ. އެ ޓީޗަރުންނަކީ އެ ސްކޫލުގެ ޓީޗަރުންގެ އިތުރުން އެޑިއުކޭޝަން މިނިސްޓްރީން ހާއްސަކޮށް އެކަމަށް ކަނޑައަޅާފައިވާ ޓީޗަރުންނެވެ.

ސެންޓްރަލް ސްކޫލުގަ ހުންނަ ޓީޗަރު ކުއްޖާއަށް ކިޔަވައިދޭއިރު ސެޓްލައިޓް ސްކޫލުގައި ދަރުވަރުން ކިޔަވަމުން ދާއިރު ކުއްޖާއަށް ކްލާސްރޫމް ތެރެއިން ކުދިންނަށް ބޭނުންވާ ތަފާތު އެހީތެރިކަން ފޯރުކޮށްދިނުމަށް ޓީޗަރެއް ހަމަޖައްސާފައި ހުންނާނެ ކަމަށް އެޑިއުކޭޝަން މިނިސްޓްރީން ބުނެ އެވެ.

ކިޔަވައިދޭއިރު ކޮންމެ ދަރިވަރަކަށް ވެސް ބޭނުންވާނެ އިންޓަނެޓާއި ކޮމްޕިއުޓަރުގެ ވަސީލަތްތައް އެޑިއުކޭޝަން މިނިސްޓްރީން ހަމަޖައްސައި ދޭނެ އެވެ. ކިޔެވުމުގެ އިތުރުން އެހެނިހެން ތަޖުރިބާތައް ދަރިވަރުންނަށް ދޭނީ އެހެން ސްކޫލްތަކާ ވެސް ގުޅިގެންނެވެ.

އެގޮތުން ކޮންމެ ސެޓްލައިޓް ސްކޫލެއްގެ ޕޭރެންޓް ސްކޫލެއް ވެސް ހުންނާނެ އެވެ. އެއީ އެ ސްކޫލުގަ ކިޔަވައިދިނުމުގެ އިތުރުން ދެން ހުންނަ އިތުރު ހަރަކާތްތަކާއި ސްކޫލުގެ އެޑްމިނިސްޓްރޭޝަން ފަދަ ކަންކަން ބެލެހެއްޓުމަށެވެ.

ބ. ފެހެންދު އާއި ވ. ރަކީދު އާއި ތިނަދޫގައި މިހާރު އަންނަނީ ސެޓެލައިޓު ސުކޫލުގެ ހިދުމަތް ދެމުންނެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox