އެމްއޭސީއެލްގެ ޖިންސީ ފުރައްސާރަ ބަލާ ކޮމިޓީގައި ފަސް މެންބަރުން ތިބެގެން ނިންމި މައްސަލައެއް ގޯސްވެއްޖެ!

ޖިންސީ ކުށްތަކާ ދެކޮޅަށް މާލޭ އުސްފަސްގަނޑު ސަރަހައްދުގައި މީގެ ކުރިން ޒުވާނުންތަކެއް ކުރި މުޒާހަރާއެއްގެ ތެރެއިން -- ފޮޓޯ: އަދަދު

ޖިންސީ ކުށްތަކާ ދެކޮޅަށް މާލޭ އުސްފަސްގަނޑު ސަރަހައްދުގައި މީގެ ކުރިން ޒުވާނުންތަކެއް ކުރި މުޒާހަރާއެއްގެ ތެރެއިން -- ފޮޓޯ: އަދަދު

މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް)ގެ ފަސް މެމްބަރުންގެ މައްޗަށް އެކުލަވޭ ޖިންސީ ފުރައްސާރައިގެ މައްސަލަތައް ބަލާ ކޮމިޓީއަކުން މީހަކު ވަޒީފާއިން ވަކި ކުރުން ގޯސް ކަމަށާއި އެފަދަ ކޮމިޓީތަކުގައި ތިބެން ޖެހޭނީ ގާނޫނު ބުނާ ގޮތުން ތިން މެމްބަރުން ކަމަށް މިދިޔަ ބުދަ ދުވަހު ހައި ކޯޓުން ހުކުމްކޮށްފި އެވެ.

ހައި ކޯޓުން މިގޮތަށް ނިންމީ، އެމްއޭސީއެލްގެ ސީނިއާ އެޑްމިނިސްޓޭޓިވް އޮފިސަރުގެ މަގާމުގައި ހުރި މީހަކު، އޭނާގެ ދަށުން މަސައްކަތް ކުރި ތިން މުވައްޒަފަކަށް ޖިންސީ ފުރައްސާރަ ކުރިި ކަމަށް އެ ކުންފުނީގެ ޖިންސީ ފުރައްސާރަ ބަލާ ކޮމިޓީން މަދަނީ މިންގަނޑުން ނިންމުމުން، އެކަމާ ގުޅިގެން އޮގަސްޓް 2020 ގައި އޭނާ ވަޒީފާއިން ވަކިކުރުމުން އޭނާ ވަޒީފާއާ ބެހޭ ޓްރައިބިއުނަލަށް ހުށަހެޅި މައްސަލަތަކެއްގެ އިސްތިއުނާފުގަ އެވެ.

އެ މައްސަލާގައި ވަޒީފާއިން ވަކި ކުރި މީހާ ޓްރައިބިއުނަލަށް ހުށަހެޅީ ދެ މައްސަލައެކެވެ. އޭގެ ތެރެއިން އެއް މައްސަލައަކީ، އެމްއޭސީއެލްގެ ޖިންސީ ފުރައްސާރަ ކޮމިޓީން އޭނާގެ މައްސަލަ ބެލި އިރު ކޮމިޓީގައި ތިބީ ފަސް މެމްބަރުން ކަމަށްވާތީ، އެ ކޮމިޓީ ގާނޫނާ ހިލާފު ކަމަށް ބުނެ ހުށަހެޅި މައްސަލައެކެވެ. ދެވަނަ މައްސަލައަކީ އޭނާ ވަޒީފާއިން ވަކިކުރުން ސައްހަ ނޫން ކަމަށް ބުނެ، ވަޒީފާ އާއި، މުސާރަ އާއި އިނާޔަތުގެ އިތުރުން ގެއްލުމުގެ ބަދަލު ހޯދަން ހުށަހެޅި މައްސަލައެކެވެ.

Advertisement

ޓްރައިބިއުނަލުން ނިންމީ އެމްއޭސީއެލްއިން ފަސް މެމްބަރުން ހިމެނޭ ގޮތަށް އެކުލަވާލި ކޮމިޓީ ގާނޫނާ ހިލާފު ކަމަށާއި ތިބެން ޖެހޭނީ ތިން މެމްބަރުން ކަމަށެވެ. ގާނޫނާ އެއްގޮތަށް ކޮމިޓީ އެކުލަވާލާފައި ނުވާތީ 5000ރ.އިން އެ ކުންފުނި ޖޫރިމަނާ ވެސް ކުރި އެވެ.

ވަޒީފާއިން ވަކި ކުރުމާ ގުޅިގެން ހުށަހެޅި މައްސަލައިގައި ނިންމީ، އޭނާގެ ޖިންސީ ފުރައްސާރައިގެ މައްސަލަ ކޮމިޓީން ބެލުމުގައި މައުލޫއީ އަދުލުވެރިކަން ގާއިމްކޮށްފައިވީ ނަމަވެސް، ކޮމިޓީ ގާނޫނާ ހިލާފުވާތީ އޭނާ ވަކިކުރުމުގައި އިޖުރާއީ ކަންކަން ފުރިހަމަ ނުވާ ކަމަށެވެ. އެހެންވެ، ޓްރައިބިއުނަލުން ނިންމީ އޭނާއަށް ދެ މަހުގެ މުސާރަ ދޭން ޖެހޭ ކަމަށެވެ.

މި މައްސަލައިގައި ހައި ކޯޓުގައި އެފެދުނު ސުވާލަކ،ީ "ކޮމެޓީ އެކުލަވާލާނީ 3 މެންބަރުންގެ މައްޗަށް" ކަމަށް ޖިންސީ ފުރައްސާރަކުރުމާއި ގޯނާކުރުން ހުއްޓުވުމުގެ ގާނޫނުގައި ބަޔާން ކޮށްފައި އޮއްވައި އެ ކޮމިޓީގައި އެއަށްވުރެ ގިނަ މެންބަރުން ހިމެނުމަކީ ގާނޫނީ ގޮތުން ކުރެވިދާނެ ކަމެއް ކަމާ މެދު އެވެ.

އެމްއޭސީއެލްގެ ފަރާތުން ބުނެފައި ވަނީ ގާނޫނުގައި ބުނާ މިންގަނޑަށް ވުރެ އިތުރަށް ކޮމިޓީއަށް މެމްބަރުން ހަމަޖެއްސީ އެ ކުންފުންޏަކީ 3000 އަށް ވުރެ ގިނަ މުވައްޒަފުން އުޅޭ ކުންފުންޏަކަށް ވެފައި، ކޮމިޓީގެ މެންޑޭޓު ބޮޑުއިރު، ހުސްކަމެއް ނައިސް ކޮމިޓީގެ މަސައްކަތްތައް ކުރެވޭނެ ގޮތް ހަމަޖެއްސުމަށް ކަމަށެވެ.

މި މައްސަލައިގެ ރިޔާސަތު ފަނޑިޔާރު ހުސެއިން މަޒީދަށް ފެނިވަޑައިގަތީ، ގާނޫނުގެ މައިގަނޑު މަގުސަދަށް ރިއާޔަތް ކުރާއިރު، އަދި މާއްދާގައި މުވައްޒަފުންގެ އަދަދަށް ރިއާޔަތް ކޮށްފައިވާތީ، އެންމެ ރަނގަޅު ގޮތަކީ ތިން މެމްބަރުންނަކީ ކޮންމެހެން ގާނޫނު ލާޒިމު ކުރާ އަދަދު ނޫން ކަމަށް ބެލުން ކަމަށެވެ. އެހެންވެ، މަޒީދަށް ފެނިވަޑައިގަތީ ޓްރައިބިއުނަލްގެ ނިންމުން ގާނޫނުގެ މަގުސަދާ ހިލާފު ކަމަށެވެ.

"... ކޮމިޓީގެ މަސައްކަތް ހުއްޓުމަ ކާނުލައި އަބަދުމެ ކުރެވޭނެހެން މަސައްކަތް ބައްޓަންވުމަކީ ގާނޫނުގެ މަގުސަދު ހާސިލުކުރުމަށް ބާރަކަށް ވެގެންދާނެ ކަމެކެވެ. އެހެންކަމުން އެ މަގުސަދު ހާސިލުކުރުމަށްޓަކައި ކޮމިޓީގެ މަސައްކަތް އަބަދުމެ ހިނގަހިނގާ އޮންނާނެކަން ކަށަވަރުކުރުމަށްޓަކައި ގާނޫނު ލާޒިމްކުރާ އަދަދަށްވުރެ ގިނަ މެންބަރުން އެ ކޮމިޓީގައި ތިބުމަކީ މި ގާނޫނުގެ މަގްސަދާ ހިލާފު ކަމެއް ކަމުގައި ނުދެކެމެވެ." ފަނޑިޔާރު މަޒީދުގެ ރައުޔުގައިވެ އެވެ.

އެކަމަކު، ބެންޗުގައި ތިއްބެވި ފަނޑިޔާރު މުހައްމަދު ނިޔާޒާއި ފަނޑިޔާރު ފާތިމަތު ފަރުހީޒާގެ ހިޔާލު އެކަމުގައި ތަފާތުވި އެވެ. އެ ދެ ފަނޑިޔާރުންނަށް ވެސް ފެނިވަޑައިގަތީ ގާނޫނުގައި ވަކި ކޮމެޓީއެއްގެ ނުވަތަ ވަކި މަޖިލީހެއް ނުވަތަ ވަކި ތަނެއްގައި ތިބޭނެ މީހުންގެ އަދަދު ކަނޑައަޅައި ބަޔާން ކުރުމުން، މަގްސަދަށް ބަލައިގެން، އެ އަދަދަށް އުނިއިތުރު ގެނައުމަކީ ކޯޓުގެ ދައުރެއް ނޫން ކަމަށެވެ. ގާނޫނުގައި ވަކި އަދަދެއް ކަނޑައަޅާފައި އޮއްވާ މުވައްޒަފުންގެ އަދަދަށް ބަލައިގެން އުނި އިތުރު ނުކުރެވޭނެ ކަމަށް ވެސް ވެ އެވެ.

"މިސާލަކަށް ވަޒީފާއާ ބެހޭ ގާނޫނުގެ ދަށުން ޓްރައިބިއުނަލްގެ މެންބަރުންގެ އަދަދަކީ ހަތެއް މެންބަރުންނެވެ. ނަމަވެސް ހުށަހެޅޭ މައްސަލަތައް ގިނަވުމުން، އިންސާފު އަވަސްކޮށް ދިނުމުގެ މަގްސަދުގައި އެ ޓްރައިބިއުނަލަކީ ނުވަ މެންބަރުން ކަމަށް ތަރުޖަމާދީ މައްސަލަތައް ބަލަން ފަށައިފިނަމަ، އެއީ ގާނޫނީ ރަނގަޅު ހަމައެއްކަމުގައި ނުވާނެ އެވެ." ފަނޑިޔާރު ނިޔާޒުގެ ރައުޔުގައިވެ އެވެ.

ވަޒީފާއިން ވަކި ކުރި މީހާއަށް ކުރެވުނު ތުހުމަތުތަކުގެ ތެރޭގައި މުވައްޒަފުންގެ ގައިގައި އަތްލުމާއި ފޯނުން ގުޅައިގެން ވާހަކަ ދައްކަން އުޅުމާއި ވީޑިއޯ ކޯލުގައި އަމިއްލަ ޖިންސީ ގުނަވަން ދެއްކުން ހިމެނެ އެވެ. އެ ޝަކުވާއާ ގުޅިގެން ލިބިފައިވާ ބަޔާންތަކާއި ހެކިތައް ބަލައި ކޮމިޓީން މައްސަލަ ނިންމީ ރަނގަޅަށް ކަމަށާއި މައުލޫއީ އަދުލުވެރިކަން ފުރިހަމަވާ ކަމަށް ތިން ފަނޑިޔާރުން ވެސް އިއްތިފާގުވި އެވެ.

އެކަމަކު، ކޮމިޓީ އެކުލަވާލި ގޮތް ގޯސް ކަމަށް ދެ ފަނޑިޔާރުންގެ އަގުލަބިއްޔަތުން ފާސްވެފައިވާތީ ހުކުމުގައި ވަނީ އިޖުރާއީ އަދުލުވެރިކަން ގާއިމް ނުކުރެވޭ ކަމަށެވެ. އެހެންވެ، އޭނާއަށް ދެ މަހުގެ މުސާރަ ދިނުމަށް ވަޒީފާއާ ބެހޭ ޓްރައިބިއުނަލުން ނިންމި ނިންމުމަށް ދެ ފަނޑިޔާރުންގެ އަގުލަބިއްޔަތުން ހައި ކޯޓުން ތާއީދު ކުރި އެވެ.

ޓްރައިބިއުނަލްއިން އެމްއޭސީއެލް ޖޫރިމަނާ ކުރަން ނިންމާފައި ވަނީ ގޯސްކޮށް ކަމަށް މައްސަލަ ބެއްލެވި ތިން ފަނޑިޔާރުން ވެސް އިއްތިފާގުވި އެވެ. އެފަދަ ޖޫރިމަނާއެއް ކުރެވޭނީ އެއްވެސް ވަރަކަށް ކޮމިޓީ އެކުލަވާލާފައި ނުވާ ނަމަ ކަމަށް ހުކުމުގައިވެ އެވެ.

ވަޒީފާއިން ވަކި ކުރި މީހާ ބުނެފައި ވަނީ އޭނާ ގާނޫނާ ހިލާފަށް ވަޒީފާއިން ވަކިކުރމުގެ ސަބަބުން އެމްއޭސީއެލްއިން ގުރުއަތުން ހޮވި ގަންނަން ލިބިފައި އޮތް ފްލެޓު ގަތުމުގެ ފުރުސަތު އޭނާ ގެއްލިފައިވާ ކަމަށެވެ. އޭނާގެ ދައުވާގައި އެދުނީ ވަޒީފާ އިއާދަކޮށްދިނުމަށާއި، މުސާރައާއި އިނާޔަތް ދިނުމަށާއި، ގެއްލުމުގެ ބަދަލުގެ ގޮތުގައި 269،250ރ. ދެއްކުމަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox