މުލި-ނާލާފުށި ކޯޒްވޭގެ މަސައްކަތް އެއާޕޯޓް ނިމުމާއެކު ފަށަނީ

ނާލާފުށި ކެމްޕެއިނު ޖަލްސާގައި ރައީސް ސޯލިހު ވާހަކަ ދައްކަވަނީ-- ފޮޓޯ: މިރާޝް ނާޝިމް/އަދަދު

ނާލާފުށި ކެމްޕެއިނު ޖަލްސާގައި ރައީސް ސޯލިހު ވާހަކަ ދައްކަވަނީ-- ފޮޓޯ: މިރާޝް ނާޝިމް/އަދަދު

މ. މުލީގައި ތަރައްގީ ކުރަމުން އަންނަ އެއާޕޯޓުގެ މަސައްކަތް ނިމުމާއެކު، އެ ރަށާއި ނާލާފުށި ގުޅުވާލާ ކޯޒްވޭގެ މަސައްކަތް ފަށަން ރައީސް އިބްރާހިމް މުހައްމަދު ސޯލިހު ވައުދުވެވަޑައިގެންފި އެވެ.

މުލި-ނާލާފުށި ކޯޒްވޭއަކީ ރައީސްގެ ވައުދެކެވެ. 2022 ވަނަ އަހަރަށް ލަފާކުރި ބަޖެޓުގައި ވެސް އެ މަސައްކަތް ހިމެނި ނަމަވެސް، ފާސްކުރި ބަޖެޓުގައި ނެތެވެ. މި އަހަރަށް ލަފާކޮށް ފާސްކުރި ބަޖެޓުގައި އެ މަސައްކަތަށް 910,000ރ. ހިމަނައިފައިވެ އެވެ.

އެ މަސައްކަތް މިހާތަނަށް ބަޔަކާ ހަވާލުކޮށްފައިވާކަން އެނގެން ނެތް ނަމަވެސް ރައީސް މިއަދު ވިދާޅުވީ އެ މަޝްރޫއު މިހާރު އޮތީ ޕްލޭން ކޮށް ނިމިފައި ކަމަށެވެ.

"ކުރިއަށް އޮތް އަހަރު ތެރޭގައި [ފަށާނެ]. [މުލީ] އެއާޕޯޓު މި އަހަރު އިރާދަކުރެއްވިއްުޔާ އެއާޕޯޓު ނިމޭނެ، ނިމުމާއެކުގައި މި ދެ ރަށް ގުޅާލުމުގެ މަސައްކަތް ފެށިގެން ދާނެ،" ރައީސް ވިދާޅުވި އެވެ.

ރައީސް ވިދާޅުވީ ކޯޒްވޭ އެޅުމާއެކު ކުޑަކުޑަ ނާލާފުށިން ލިބެން ނެތް ހިދުމަތްތައް ހޯދުމަށް ފަސޭހަކަމާއެކު އެއްގަމު މަގުން ދަތުރުކޮށް ހިދުމަތް ހޯދޭނެ ކަމަށެވެ.

"އޭރުން މި ދެ ރަށަށް ވެސް ވަރަށް ބޮޑު ފަސޭހައެއް ވެގެންދާނެ،" ރައީސް ވިދާޅުވި އެވެ.

ނާލާފުއްޓަކީ 400 އެއްހާ މީހުން ދިރިއުޅޭ ރަށެއް ނަމަވެސް މި ރަށަށް ވެސް ކޮށްދޭން ޖެހޭ ކަންކަން ކޮށްދިނުމުގައި ތަފާތެއް ނުކުރާނެ ކަން ފާހަގަކޮށް މީގެ ކުރިން ސަރުކާރުތަކުން ގެންގުޅެމުން އައި ސިޔާސަތަށް އެމަނިކުފާނު ފާޑުވިދާޅުވި އެވެ.

"ކުރީގެ ސިޔާސަތާ އެއްގޮތަށް ހިނގަމުން ދިޔަނަމަ މި ރަށަށް ތަރައްގީ އަންނާނީ ވިހި، ފަނަރަ އަހަރު ފަހުން، އަޅުގަނޑުމެންގެ ސަރުކާރުން އެކަން ބަދަލުކޮށްފިން،" ރައީސް ވިދާޅުވި އެވެ.

މިދިޔަ ރިޔާސީ އިންތިހާބުގައި މި ރަށުން ލިބުނީ 38 ޕަސެންޓު ކަން ފާހަގަކުރައްވައި ރައީސް ވިދާޅުވީ ހިދުމަތްތައް ފޯރުކޮށްދީ ތަރައްގީ ގާއިމް ކޮށްދިނީ އެކަމަށް ވެސް ބެލުމެއް ނެތި ކަމަށެވެ. އަދި ކުރިއަށް އޮތް އިންތިހާބުގައި އެ ނަތީޖާ ބޮޑުތަނުން ބަދަލުވެގެންދާނެ ކަމަށް ގަބޫލުކުރައްވާ ކަމަށް އެމަނިކުފާނު ވިދާޅުވި އެވެ.

ރައީސް މިއަދު ވަނީ ދެ ވަނަ ދައުރެއްގައި މި ރަށު ބަނދަރު ތަރައްގީ ކުރައްވަން ވައުދުވެވަޑައިގެންފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox