އެމްއެމްޕީއާރުސީ ހިޔާނާތުގައި ހިމެނޭ ކަމަށް ތުހުމަތު ކުރެވޭ ބިލިއަނަރު އޮންގް، ސިންގަޕޫރުގައި ހައްޔަރު ކުރަނީ

އެމްއެމްޕީއާރުސީ ހިޔާނާތުގައި ހިމެނޭ ކަމަށް ތުހުމަތު ކުރެވޭ ބިލިއަނަރު އޮންގް، ސިންގަޕޫރުގައި ހައްޔަރު ކުރަނީ

ރާއްޖޭގައި މިހާތަނަށް ހިންގި އެންމެ ބޮޑު ހިޔާނާތް ކަމަށްވާ އެމްއެމްޕީއާރުސީގެ ހިޔާނާތުން މަންފާވި ކަމަށް ބެލެވޭ ސިންގަޕޫރުގެ ބިލިއަނަރު އޮންގް ބެންގް ސެންގް އެ ގައުމުގެ އިދާރާތަކުގެ ބެލުމުގެ ދަށަށް ގެނެސްފި އެވެ.

އޮންގްގެ ހޮޓެލްސް ޕްރޮޕަޓީސް ލިމިޓެޑް (އެޗްޕީއެލް) އިން ރާއްޖޭގައި އަށް ރިސޯޓަކާއި ލިވަބޯޑެއް މިވަގުތު ވެސް ގެންދަނީ ހިންގަމުންނެވެ. އޭގެ ތެރޭގައި ފޯ ސީޒަންސް އާއި ސިކްސް ސެންސަސްގެ ރިސޯޓުތައް ހިމެނެ އެވެ.

ސިންގަޕޫރުގެ ކޮރަޕްޓް ޕްރެކްޓިސަސް އިންވެސްޓިގޭޝަން ބިއުރޯ (ސީޕީއައިބީ) އިން ވަނީ އެ ގައުމުގެ ޓްރާންސްޕޯޓް މިނިސްޓަރު ސުބްރަމަނިއަމް އިސްވަރާންއާ ދެމެދު ހިނގާފައިވާ މުއާމަލާތްތަކުގެ މައުލޫމާތު ހޯދުމަށް އެދިފަ އެވެ. އިސްވަރާންގެ މައްޗަށް ގެންދަނީ ހިޔާނާތުގެ ތަހުގީގެއް ހިންގަމުންނެވެ. އަދި, އޮންގް ހައްޔަރު ކުރުމަށް ނޯޓިސްއެއް ވަނީ ނެރެފަ އެވެ.

އެޗްޕީއެލްއިން ހާމަކޮށްފައިވާ ގޮތުގައި އޮންގް ހައްޔަރު ކުރުމަށް ނެރުނު ނޯޓިސްއާ ގުޅިގެން މިއަދު އެގައުމަށް އޭނާ ދާނެކަން އެވެ. އަދި, ކަފާލާތުގެ ގޮތުގައި ދައްކަން ޖެހޭ އެއް ލައްކަ ސިންގަޕޫރު ޑޮލަރު ވެސް އޭނާ ވަނީ ދައްކާފަ އެވެ.

މިއީ ސީދާ އޮންގްގެ މައްޗަށް ހިންގާ ތަހުގީގަކަށް ނުވި ނަމަވެސް, އެނބުރި ސިންގަޕޫރަށް އައިސް އޭނާގެ ޕާސްޕޯޓު ސީޕީއައިބީއާ ހަވާލުކޮށް އޭނާ ހުންނާނީ އެ ބިއުރޯގެ ބެލުމުގެ ދަށުގަ އެވެ. އޭނާގެ މައްޗަށް އޮތީ ހައްޔަރުކޮށްގެން ކޯޓަށް ހާޒިރު ކުރަން ޖެހޭ ފަދަ އަމުރަކަށް ނުވާތީ އޭނާ ހުންނާނީ ކަފާލާތުގެ ދަށުން މިނިވަން ވެފަ އެވެ.

މި އަމުރާއެކު ސީޕީއައިބީއަށް ދޭން ޖެހޭ އެއްބާރުލުން އެންމެ ފުރިހަމައަށް އޮންގް ދެމުންދާ ކަމަށް ވެސް އެޗްޕީއެލުން ވަނީ ބުނެފަ އެވެ. އޮންގް އިދާރާތަކުގެ ބެލުމުގެ ދަށަށް ގެންދިޔުމާ އެކު އެޗްޕީއެލްގެ ހިއްސާގެ އަގުތައް ވަނީ ހަ އިންސައްތަ ދަށަށް ގޮސްފަ އެވެ.

ރާއްޖޭގައި ވެސް ނުފޫޒުގަދަ ވިޔަފާރިވެރިޔެއް

އޮންގްގެ ކުންފުނިން ރާއްޖޭގައި ހިންގަމުންދަނީ އެންމެ މަތީ ފަންތީގެ ރިސޯޓުތަކެކެވެ. އެ ރިސޯޓުތަކަކަކީ;

  1. އިންޓަކޮންޓިނެންޓަލް މޯލްޑިވްސް މާމުނަގައު
  2. ސިކްސް ސެންސަަސް ލާމު
  3. ސިކްސް ސެންސަސް ކަނުހުރާ
  4. ހޮލިޑޭ އިން ކަނޑޫމާ
  5. ގިލި ލަންކަންފުށި
  6. ފޯ ސީޒަންސް ކުޑަ ހުރާ
  7. ފޯ ސީޒަންސް ލަނޑާގިރާވަރު
  8. ފޯ ސީޒަންސް ޕްރައިވެޓް އައިލެންޑް މޯލްޑިވްސް އެޓް ވޯވާ
  9. ފޯ ސީޒަންސް އެކްސްޕްލޯރާ (ލިވަބޯޑް)

ކޮވިޑު ދުވަސްވަރު ރާއްޖެއަށް އެހީތެރިކަން ފޯރުކޮށްދިން ބޭރުގެ ވިޔަފާރިވެރިންގެ ލިސްޓުގެ ކުރީގައި އޮންގް ހިމެނެ އެވެ. އެގޮތުން, އޭނާ ވަނީ ރާއްޖެއަށް 15 ވެންޓިލޭޓަރާއި 150,000 މާސްކު ވެސް ހަދިޔާކޮށްފަ އެވެ.

އެމްއެމްޕީއާރުސީގެ ހިޔާނާތުގެ ތެރެއިން އޭނާއަށް މަންފާވި ކަމަށް އޯގަނައިޒްޑް ކްރައިމް އެންޑް ކޮރަޕްޝަން ރިޕޯޓިން ޕްރޮޖެކްޓް (އޯސީސީއާރުޕީ) ގެ ރިޕޯޓަކުން ވަނީ ހާމަވެފަ އެވެ. އެއީ, ނައިބު ރައީސްގެ މަގާމުގައި ހުންނެވި އަހްމަދު އަދީބުގެ ފޯނުގައި ހުރި މައުލޫމާތުތައް އެއްކޮށްގެން އެކުލަވާލި ރިޕޯޓެކެވެ.

އެގޮތުން, އޯސީސީއާރުޕީން ފަޅާއަރުވާލި މައުލޫމާތުތަކުން އެނގޭ ގޮތުގައި ވ. ފޮއްތެޔޮ ބޮޑުފުށި ހޯދުމަށް އެޗްޕީއެލްއިން މަޝްވަރާ ކުރަމުން ދިޔަ ވަގުތުގައި ރާއްޖޭގެ އޭރުގެ ރައީސް އަބްދުالله ޔާމީނާއި އަދީބަށް އަގުބޮޑު ހޮޓެލްތަކުގައި ތިބުމުގެ ފުރުސަތާއި އަދި މާއްދީ އެކި ހަދިޔާ ދީފައިވެ އެވެ.

އެގޮތުން, ސިންގަޕޫރަށް އަދީބާއި ޔާމީން ވަޑައިގަތުމުން އޮންގް ގެ އެޗްޕީއެލްއިން ހިންގާ ހިލްޓަން ސިންގަޕޫރުގެ ޕްރެޒިޑެންޝަލް ސޫޓުގައި އެ ދެ ބޭފުޅުން ތިއްބެވިކަން ވެސް އެނގެ އެވެ. އަދި, އެތަނުގައި އެ ތިން ބޭފުޅުން ބައްދަލުކުރައްވައި މަޝްވަރާ ކުރެއްވި އެވެ. ހަމައެހެންމެ, ސިންގަޕޫރުގައި ބޭއްވި ފޯމިއުލާ ވަންގެ ރޭހަކަށް ވެސް އޮންގްގެ މެހެމާނުންގެ ގޮތުގައި ޔާމީނާއި އަދީބު ވަޑައިގަތެވެ.

ފޮއްތެޔޮ ޑީލުގެ ތެރެއިން އޮންގްގެ އަންހެނުން ހިންގާ ކޮމޯ ބްރޭންޑުގެ ރާއްޖޭގެ ރިސޯޓު ކަމަށްވާ ކޮމޯ މާލިފުށި ކައިރީގައި އޮތް ލަވަދޫ ނަމަކަށް ކިޔާ ރަށެއް އޭނާއަށް ދިން ކަމަށް ވެސް އޯސީސީއާރުޕީގެ ފައިލްތަކުން އެނގެ އެވެ. އަދި, އެ ރިސޯޓުގައި ޗުއްޓީ ހޭދަކުރުމަށް އަދީބާއި ޔާމީންގެ އަރިހުން އޮންގް އެދުނުކަން ވެސް އެ ރިޕޯޓުން އެނގެ އެވެ.

އެމްއެމްޕީއާރުސީގެ ހިޔާނާތާ ގުޅިގެން އޮންގްއާ ދެކޮޅަށް ރާއްޖޭގައި ވެސް އެއްވެސް ތަހުގީގެއް ހިންގާފައިވާކަން އެނގެން ނެތެވެ. އަދި, އެއްވެސް ތަހުގީގީ އިދާރާއަކުން އޭނާއާ އެ މައްސަލާގައި ސުވާލުކޮށްފައިވާކަން ވެސް އެނގެން ނެތެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox