ރަޝިއާގެ ކުލީ ސިފައިންގެ ގްރޫޕް ވާގްނާގެ ވެރިޔާ ޔެވްގެނީ ޕްރިގޯޝިންއަށް ޒަހަރުދީފާނެ ކަމަށް ވިދާޅުވެ، އެމެރިކާގެ ރައީސް ޖޯ ބައިޑެން އިންޒާރު ދެއްވައިފި އެވެ.
މިދިޔަ މަހު ޕްރިގޯޝިން ވަނީ ރަޝިއާ ސިފައިންގެ ވެރިންނާ ދެކޮޅަށް ބަގާވާތެއް ހިންގަން މަސައްކަތްކޮށް، އެންމެ ފަހު ވަގުތު ހަތިޔާރު ބަހައްޓައިފަ އެވެ.
ޔޫރަޕްގެ ތިން ގައުމަކަށް ކުރައްވަމުންދާ ދަތުރުގެ ތެރެއިން ބުރާސްފަތި ދުވަހު ބައިޑެން ވިދާޅުވީ ޕްރިގޯޝިންގެ ފުރާނައަށް މިހާރު ނުރައްކާ އެބަ އޮތް ކަމަށެވެ.
"އަޅުގަނޑަކީ އޭނާ ނަމަކާ އެއްޗިއްސާ މެދު ސަމާލުވާނަން،" ބައިޑެން ނޫސްވެރިންނަށް ވިދާޅުވި އެވެ.
ރަޝިއާގެ ރައީސް ލެޑިމިއަ ޕުޓިންއާ ދެކޮޅު އިސް ފަރާތްތަކަށް ރަޝިއާގެ ސެކިއުރިޓީ އިދާރާތަކުން މީގެ ކުރިން ޒަހަރުދީފައިވެ އެވެ. އެގޮތުން ނާވް އޭޖެންޓާއި ޕޮލޯނިއަމް ފަދަ ޒަހަރުގެ ސަބަބުން ބައެއް މީހުން މަރުވެފައިވެ އެވެ.
ނޭޓޯގެ ބައްދަލުވުމުގެ ތެރެއިން ލީޑަރުން މަޝްވަރާ ކުރި އެއް ކަމަކީ މި ވަގުތު ޕްރިގޯޝިން ހުރި ތަނެއް ސާފުނުވާ މައްސަލަ އެވެ.
ބަގާވާތް ހިންގަން އުޅުމަށް ފަހު އޭނާ އެންމެ ފުރަތަމަ ދިޔައީ ބެލަރޫސްއަށެވެ. އެކަމަކު މި ހަފުތާގައި ރަޝިއާ ސަރުކާރުން ބުނީ ޕުޓިން ވަނީ ޕްރިގޯޝިން އާއި އެހެން ކޮމާންޑަަރުންނާ ބައްދަލުކުރައްވާފައި ކަމަށެވެ.
