މީގެ ނުވަ އަހަރު ކުރިން ތައިލޭންޑްގައި އަސްކަރީ ބަގާވާތެއް ހިންގައި އިންތިހާބީ ސަރުކާރު ވައްޓާލި ސިފައިންފެ ވެރިޔާ ޕްރަޔުތް ޗަަން އޮޗާ ސިޔާސީ ދާއިރާއިން ރިޓަޔާކުރަން ނިންމަވައިފި އެވެ.
ބަގާވާތަށް ފަހު ބޮޑު ވަޒީރުގެ މަގާމުގައި ހުންނެވި ޕްރަޔުތް މިދިޔަ މޭ މަހު އާއްމު އިންތިހާބުގައި ވާދަކުރައްވައި ލިބުނީ ބޮޑު ނާކާމިޔާބީއެކެވެ. ޕްރަޔުތްގެ ޕާޓީއަށް ލިބުނީ ޕާލަމެންޓުގެ 500 ސީޓުގެ ތެރެއިން އެންމެ 36 ސީޓެވެ.
އިންތިހާބުގެ ކުރިން ނެގި ޕޯލްތަކުން ވެސް ދެއްކީ 2014 ގައި ވެރިކަމުގެ ބާރުތައް ހޯދި ޕްރަޔުތްގެ މަގްބޫލުކަން ކުޑަވަމުންދާ ކަމަށެވެ.
ޕްރަޔުތްގެ ކޯލިޝަނުގެ ތެރޭގައި ވެސް އޭނާއާ ދެކޮޅު މީހުން ގިނަ އެވެ. މިދިޔަ އަހަރު ތަކުރާރުކޮށް އިތުބާރު ނެތްކަމުގެ ވޯޓު ވެސް ނަގާފައިވެ އެވެ.
މޭ މަހުގެ އިންތިހާބުގައި އިދިކޮޅު ޕާޓީތަކަށް ކުރި ލިބި، ކޯލިޝަން ހެދި ނަމަވެސް، ޕާލަމެންޓުގެ ތެރެއިން އެ ކޯލިޝަނަށް ހުރަސް އެޅުމުގެ ޖާގަ އެބަ އޮތެވެ.
