ސައުދީ އަރަބިއްޔާގެ ޖިއްދާގައި ހުންނަ އެމެރިކާގެ ކޮންސިއުލޭޓް ކައިރީގައި ބަޑި ހިފައިގެން އުޅުނު މީހަކު މަރާލައިފި އެވެ.
ސައުދީ ޕްރެސް އެޖެންސީ (އެސްޕީއޭ) އިން ބުނީ އެ މީހާ މަރާލީ ސެކިއުރިޓީ ފައުޖުން ބަޑި ޖަހައިގެން ކަމަށެވެ. އެ މީހާ ކޮންސިއުލޭޓް ކައިރިއަށް ދިޔައީ ކާރެއްގަ އެވެ.
ކާރުން ނިކުތް އިރު އޭނާގެ އަތުގައި ބަޑިއެއް އޮތް ކަމަށާއި އެ ހާލަތުގައި އަމަލުކުރަން ޖެހޭ ގޮތުގެ މަތިން ސެކިއުރިޓީ ފައުޖުން ވަގުތުން ފިޔަވަޅު އެޅި ކަމަށް އެސްޕީއޭއިން ބުންޏެވެ.
އެސްޕީއޭއިން ބުނީ އެ މީހާ މަރުވީ ސެކިއުރިޓީ ފައުޖާއި އޭނާއާ ދެމެދު ހަމަލާ ބަދަލުކުރުމަށް ފަހުގައި ކަމަށެވެ. ހަމަލާ ބަދަލުކުރުމުގެ ތެރޭގައި ކޮންސިއުލޭޓްގައި އުޅޭ ނޭޕާލްގެ މުވައްޒަފަކަށް އަނިޔާވެ ފަރުވާދެމުން ދަނިކޮށް މަރުވި އެވެ.
އެ ހާދިސާއާ ގުޅޭ ތަހުގީގެއް މިހާރު ވަނީ ފަށައިފަ އެވެ. އެމެރިކާގެ ސްޓޭޓް ޑިޕާޓްމަންޓުން ވެސް ވަނީ އެ ހާދިސާ ހިނގިކަން ކަށަވަރުކޮށްދީފަ އެވެ.
