ވެރިކަންްކުރާ އެމްޑީޕީގެ ތެރޭގައި އުފެދުނު ހަމަނުޖެހުންތަކަށް ފަހު އެޕާޓީގެ ކުރީ ސަފުގައި އުޅުއްވި ބޭފުޅުންްތަކެއް އިސްވެ އުފައްދާ "ދަ ޑިމޮކްރޭޓްސް" އުފެއްދުމަށް އިލެކްޝަންް ކޮމިޝަންް (އީސީ)ގެ ދެ މެންބަރަކު ހުރަސް އަޅާ ކަމުގެ ތުހުމަތު ޑިމޮކްރެޓްސްގެ މުއައްސިސް ހަސަން ލަތީފް ކުރައްވައިފި އެވެ.
ރެޖިސްޓްރީ ކޮށްދިނުން ލަސްވާ ކަމަށް ބުނެ ޑިމޮކްރެޓުން ތިބީ އީސީގަ އެވެ. އަދި, އެތަނުން ނުކުންނާނީ ޕާޓީ އުފެއްދުމުގެ ޖަލްސާއަށް ހުއްދަ ދިނުމުން ކަމަށް ޑިމޮކްރެޓުން ވަނީ ބުނެފަ އެވެ.
އީސީގައި ހުންނަވައި ނޫސްްވެރިންނާ ބައްދަލުކޮށް ހަސަންް ލަތީފް ވިދާޅުވީ ޕާޓީ އުފެއްދުމަކީ "މިހާރުން މިހާރަށް ވެސް" ކުރެވިދާނެ ކަމެއް ކަމަށެވެ. ނަމަވެސް, އެކަމަށް ހުރަސް އަޅާ ދެ މެންބަރަކު އިލެކްޝަން ކޮމިޝަނުގައި ތިބި ކަމަށް އޭނާ ތުހުމަތު ކުރި އެވެ.
"މިހާރުން މިހާރަށް ވެސް ކުރެވެން އޮތްް ކަމެއް މިކަމަކީ. އެހެން ނަމަވެސް ލަސްކުރަމުން ދާތަންް އަޅުގަނޑުމެންނަށް މި ފެންނަނީ. އެއްގޮތުން ނޫނީޔާ އަނެއް ގޮތެއް ހޯދައިގެން ވެސް މި ޕާޓީ ރަޖިސްޓްރީ ވިޔަ ނުދޭން އިލެކްޝަންސް ކޮމިޝަނުގެ ދެ މެންބަރަކު މަސައްކަތް ކުރާކަން އަޅުގަނޑުމެނަށް ފާހަގަކުރެވިފައި ވަނީ," ނޫސްވެރިންްނާ ވާހަކަދައްކަވަމުން ހަސަންް ލަތީފް ވިދާޅުވި އެވެ.
ހަސަން ލަތީފް ވިދާޅުވީ އިލެކްޝަން ކޮމިޝަނުގެ ރައީސް އާއި ނައިބު ރައީސް އެ ޕާޓީ އުފެއްދުމަށް ހުރަސްް އަޅާނެކަންް ގަބޫލު ނުކުރައްްވާ ކަމަށެވެ. ހުރަސް އަޅަނީ މިވަގުތު ވެސް މަސައްކަތުގައި ތިއްބެވި ދެ މެންްބަރުން ކަމަށް އޭނާ ވިދާޅުވި އެވެ.
އެހެން ނަމަވެސް, އެ ބޭފުޅުން ސީދާ ނަންތަކެއް އޭނާ ހާމަކޮށްފައި ނުވެ އެވެ.
އީސީގައި ތިއްބެވި އެ ޕާޓީގެ އިސް ބޭފުޅުންގެ ތެރޭގައި ހަސަން ލަތީފާއި, މަޖިލިސް ނައިބު ރައީސް އީވާ އަބްދުالله އާއި އެމްޑީޕީގެ ކުރީގެ ނައިބު ރައީސް މުހައްމަދު ޝިފާޒް ހިމެނެ އެވެ.
މިފަދަ ތުހުމަތުތަކެއް ޑިމޮކްރޭޓުން ކުރި ނަމަވެސްް އީސީއިންް ވަނީ އެ ޕާޓީ އުފެއްދުމަށް ހުށަހެޅު ފޯމުތައް ޕްރޮސެސް ކުރުމުގެ ފަހު މަރުހަލާގައި އޮތް ކަމަށް ބުނެފަ އެވެ.
މިއަދު "އަދަދު" އިން ކުރި ސުވާލަކަށް ޖަވާބު ދެއްވަމުން އީސީގެ ނައިބު ރައީސް އިސްމާއީލް ހަބީބު ވިދާޅުވީ ޑިމޮކްރެޓްސް އުފައްދަން ހުށަހެޅި ފޯމްތައް ޕްރޮސެސް ކުރުމުގެ އެންމެ ފަހު މަރުހަލާއާ ހަމައަށް މިހާރު އާދެވިފައިވާ ކަމަށެވެ. އެއީ އޭނާ ވިދާޅުވި ގޮތުގައި ފޯމްތަކުގެ ސައްހަކަން ކަށަވަރުކުރުމަށް ވަކި އަދަދެއްގެ މީހުންނަށް ގުޅުމެވެ.
އެކަން ނިމުމުން ދެން އޮންނާނީ އީސީގެ ޑާޓާ ބަލަހައްޓާ ސިސްޓަމަށް ފޯމްތަކުގެ މައުލޫމާތު އަޅައި، އެއަށް ފަހު އަލުން ޗެކް ކުރުމެވެ.
ގާނޫނު ބުނާ ގޮތުން ސިޔާސީ ޕާޓީއެއް ރަޖިސްޓްރީ ކުރުމަށް ބޭނުންވާ އެންމެ މަދު އަދަދަކީ 3،000 މެމްބަރުންނެވެ. އީސީން މެއި 24, ގައި ޑިމޮކްރެޓްސް އުފެއްދުމުގެ ހުއްދަ ދިނުމާއެކު އެ ޕާޓީން ވަނީ މާލެ ސަރަހައްދާއި ރާއްޖޭގެ އެކި ކަންކޮޅުތަކުގައި ޕާޓީއަށް ސޮއި ހޯދުމުގެ ހަރަކާތްތައް ހިންގި އެވެ. އެއަށް ފަހު 3،560 ފޯމް އީސީއަށް ހުށަހެޅީ މިމަހުގެ ފުރަތަމަ ދުވަހު އެވެ.
