ރައްޔިތުންގެ މަޖިލީހުގެ މިއަދުގެ ޖަލްސާގެ ނިޒާމު މުޅިން ގެއްލި، މެމްބަރުން އަޑުގަދަކުރައްވައި، ވާހަކަ ދައްކަވަން ހުންނެވި މެމްބަރެއްގެ މައިކްރޮފޯން އަތުލި އިރު ވެސް މަޖިލީހުގެ ރިޔާސަތުގައި އިންނެވީ ވިލުފުށި ދާއިރާގެ މެމްބަރު ހަސަން އަފީފު އެކަމާ އަޅުއްވައި ނުލައްވައި ދޫކޮށްލައްވައިފި އެވެ.
ރައްޔިތުންގެ މަޖިލީހުގެ ރިޔާސަތު އަފީފު ބަލަހައްޓަވަނީ މަޖިލީހުގެ ރައީސް މުހައްމަދު ނަޝީދާއި ނައިބު ރައީސް އީވާ އަބްދުﷲ ވެސް ތަޅުމުގައި ވަޑައިގެން ނެތުމުންނެވެ. އެފަދަ ހާލަތްތަކުގައި ރިޔާސަތު ބަލަހައްޓަވަން އަފީފާ ހަވާލުކުރެއްވީ މަޖިލީހުގެ ރައީސް މުހައްމަދު ނަޝީދެވެ.
މިއަދުގެ ޖަލްސާ ގައި މެމްބަރުންގެ އަރައިރުން ބޮޑުވުމުން، ވާހަކަ ދައްކައިގެން މައްސަލަ ހައްލުކުރަަން މެދުކަނޑައިލުމަށް ފަހު އަލުން ފެށި އިރު ވެސް އެ އަރަައިރުން އުފެދުނު މައްސަލައާ މެދު އޮތީ ގޮތެއް ނުނިމި އެވެ. މަޖިލީހުގެ މެޖޯރިޓީ އޮންނަ އެމްޑީޕީގެ މެމްބަރުންނާއި އެޕާޓީން ވަކިވެވަޑައިގެން " ދަ ޑިމޮކްރެޓްސް" ގެ ނަމުގައި އާ ޕާޓީއެއް އުފެއްދުމުގެ މަސައްކަތްކުރައްވާ މެމްބަރުންނާ ދެމެދު އަރައިރުމެއް ފެށުނީ ކޮމިޓީތަކުގެ އެކުލެވުން ބަދަލުކުރުމުގެ މައްސަލައިގަ އެވެ.
މަޖިލީހުގެ މިއަދުގެ ޖަލްސާގައި ޑިމޮކްރެޓުން އިހުތިޖާޖު ކުރަނީ. ނިޒާމު ގެއްލުނީ އެޖެންޑާގައި އޮތް އައިޓަމެއް ނެގުމަށް ޑިމާންޑު ކުރުމުން
ޖަލްސާ ދެވަނަ ފަހަރަށް ފެށުމާ އެކު، ޑިމޮކްރެޓްސް މެމްބަރުން ވިދާޅުވީ ކޮމިޓީތަކަށް މެމްބަރުން ކަނޑައެޅުމުގެ މައްސަލަ އެޖެންޑާކުރީ ޕާޓީއަކަށް ނިސްބަތްނުވާ މެމްބަރުންގެ ހައިސިއްޔަތުން އެ މެމްބަރުންނާ މަޝްވަރާނުކޮށް ކަމަށެވެ. މިހާރު ހުށަހަޅާފައި އޮތް ގޮތަށް ކޮމިޓީތަކުގެ މެޖޯރިޓީ ދިނުމާ ވެސް އެ މެމްބަރުން ދެކޮޅެވެ.
އެ މައްސަލާގައި މެމްބަރުންގެ މެދުގައި އަރައިރުމެއް ހިނގަހިނގައި އޮއްވައި ރިޔާސަތުން އަފީފު ފުރުސަތު ދެއްވީ މަޑުއްވަރީ ދާއިރާގެ ޕީއެންސީ މެމްބަރު އާދަމް ޝަރީފު ހުށަހަޅުއްވަން މަސައްކަތްކުރައްވާ ކުއްލި މައްސަލަ އަށެވެ.
އެއާ އެކު ނިޒާމާ ބެހޭ މައްސަަލައެއް ކަމަށް ވިދާޅުވެ ފަހަރަކު މެމްބަރަކު ވިދާޅުވަމުން ގެންދެވީ މިއަދުގެ ޖަލްސާގެ އެޖެންޑާ ނަމްބަރު 6.1 ގައި އޮތް، ކޮމިޓީތަކުގެ މައްސަލަ އެޖެންޑާއިން އުނިކޮށްގެން ނޫނީ ކުރިއަށް ނުގެންދެވޭނެ ކަމަށެވެ.
އެހެން ނަމަވެސް ރިޔާސަތުން އަފީފު ވިދާޅުވަމުން ގެންދެވީ އެޖެންޑާގެ އެ ނަމްބަރާ ބެހޭ ގޮތުން މައްސަަލައެއް ނެންގެވޭނީ އެ ހިސާބަށް ދިއުމުން ކަމަށެވެ. އެހެން ވިދާޅުވެ އާދަމް ޝަރީފަށް އަނެއްކާވެސް ފުުރުސަތު ދެއްވީ އާދަމް ޝަރީފަށެވެ.
އެ ފުރުސަތުގައި އާދަމް ޝަރީފު ވާހަކައްދަކަވަން ފެށްޓެވުމާ އެކު އޭނާގެ މައިކް އަތުލައްވައި މެދު ހެންވޭރު ދާއިރާގެ މެމްބަރު އަލީ އާޒިމް ވިދާޅުވީ ކުރިއަށް ނުގެންދެވޭނެ ކަމަށެވެ.
އެހިސާބަށް ދިޔަ އިރު ވެސް ގަވާއިދަށް ހުރުމަތްތެރިކޮށް ހިއްތަވަން އަފީފު ނަސޭހަތެއް ނުދެއްވަ އެވެ. އެއްވެސް މެމްބަރެއްގެ ނަމެއް ވެސް ނީއްވަވަ އެވެ. އެމްޑީޕީގެ ބައެއް މެމްބަރުން ތަކުރާރުކުކޮށް އެކަމާ ކަންބޮޑުވުން ފާޅުކުރެއްވި އެވެ.
އެހެން ނަމަވެސް, ފަހުން ރިޔާސަތުގެ މޭޒު ކުރިމަތީގައި އިހުތިޖާޖު ކުރަމުންދިޔަ މެމްބަރުންނަށް އޭނާ ނަސޭހަތްތެރިވި އެވެ. އ
