ޔަމަހާ އިންޖީނެއް ގަންނަން ހޭދުކުރާ ފައިސާ އަނބުރާ ލިބޭ ޕްރޮމޯޝަނެއް އެލިއާ އިންވެސްޓުމަންޓްސްއިން ފަށައިފި އެވެ.
މިއަހަރުގެ ނިޔަލަށް ކުރިއަށްގެންދާ އެ ޕްރޮމޯޝަނުގައި ކޮންމެ ދެ މަހަކުން އެއްފަހަރު ގުރުއަތުން ހޮވޭ ފަރާތަކަށް، އޭނާ އިންޖީނު ގަންނަން ހޭދަކުރި ފައިސާ އަނބުރާ ދޭން ނިންމާފައި ވަކަމަށް އެލިއާއިން ބުންޏެވެ.
އެ ޕްރޮމޯޝަނުގައި ބައިވެރިވެވޭނީ އެލިއާ އިންވެސްޓްމަންޓުން ވިއްކާ 60 ހޯސް ޕަވަރުގެ އިންޖީނު ގަންނަ ފަރާތްތަކަށެވެ.
އެ ޕްރޮމޯޝަނުގެ ފުރަތަމަ ނަސީބުވެރިޔާ ވަނީ މިދިޔަ މަހު ހޮވައިފަ އެވެ. އިންޖީނު ގަންނަން ހޭދަކުރި ފައިސާ އަނބުރާ ލިބުނު ފުރަތަމަ ނަސީބުވެރިއަކީ ޝޫހޫދު އަހުމަދެވެ. އެ ޕްރޮމޯޝަނުގެ ދަށުން ދެން ގުރުއަތެއް ނަގާނީ އަންނަ ޖުލައި މަހު އެވެ.
އެލިއާއަކީ ޔަމަހާގެ ރާއްޖޭގެ ސޯލް ޑިސްޓްރިބިއުޓަރެވެ. އެ ކުންފުނިން ރާއްޖޭގައި ވިޔަފާރި ކުރަމުން އަންނަތާ މިހާރު 59 އަހަރު ވެއްޖެ އެވެ.
އެލިއާއިން ބުނީ އެހައި ގިނަ ދުވަހަށް ދެމިގެންދާ ޕްރޮމޯޝަނެއް ހިންގުމުގެ މައިގަނޑު މަގުސަދަކީ ޔަމަހާއަށް ކަސްޓަމަރުން ކުރާ އިތުބާރު ވަރުގަދަކޮށް ކަސްޓަމަރުންނާ ގާތުން ހިދުމަތް ފޯރުކޮށްދީ ގާތް ގުޅުމެއް އުދެއްދުން ކަމަށެވެ.
އެލިއާއިން ޔަމަހާ ބްރޭންޑުގެ އައުޓުބޯޑު އިންޖީނުގެ އިތުރުން ޔަމަހާ ސައިކަލާއި މޫދު ކުޅިވަރުގައި ބޭނުން ކުރާ އުޅަނދާއި ގޮލްފު ކާރާއި ޕަވާ ޕްރޮޑަކްޓްތަކާއި އިތުރުން ޔަމަހާ އިންޖީނު އޮއިލް ވެސް ވިއްކަ އެވެ. ޔަމަހާ ބްރޭންޑުގެ ސްޕެއާ ޕާޓްސް ވެސް އެ ކުންފުނިން ވިއްކަ އެވެ.
ޔަމަހާ 60 ހޯސްޕަވަރުގެ އިންޖީނު
ޔަމަހާ 60 ހޯސްޕަވަރުގެ އިންޖީނަކީ ކުޑަ ކުޑަ ހިނދުކޮޅެއްގެ ތެރޭގައި ފުރިހަމަ ދުވެލި ލިބިގަތުމުގެ ގާބިލުކަން ލިބިފައިވާ އިންޖީނެކެވެ. އެހެން އިންޖީނުތަކާ ހިލާފަށް އުޅަނދު ބަރުކޮށްގެން ވެސް ހަލުވި ދުވެލީގައި ދުއްވާލެވޭ އެ އިންޖީނު ފަރުމާ ކޮށްފައިވަނީ ޔަމަހާގެ އެންމެ ފަހުގެ ޓެކްނޮލޮޖީ ގެ އެހީގަ އެވެ.
ރާއްޖޭގެ ކަނޑުގައި އެތައް ދުވަހެއް ވަންދެން ދުއްވައި، ޓެސްޓުތައް ހެދި އަދި ދިވެހި ކަނޑުގެ ތަޖުރިބާގެ އަލީގައި އެތަކެއް ބަދަލުތަކެއް އިންޖީނު އުފެއްދުމަށް ގެނެސް ފަރުމާކޮށްފައިވާ ޔަމަހާ އިންޖީނުތަކަކީ ދިވެހިންގެ މެދުގައި މަގުބޫލުކަން ހޯދާފައިވާ އިތުބާރު ހުރި އިންޖީނެއްކަމަށް އެލިއާއިން ބުނެ އެވެ.
