އިމްތިޔާޒް ވިދާޅުވަނީ ސަރުކާރު ފެށި އިރު ވެސް ނަޝީދުގެ އަޑު ނާހާ ކަމަށް!

ދަ ޑިމޮކްރެޓްސް ހަރަކާތުން ރޭ ބޭއްވި ޖަލްސާގައި ރައްޔިތުންގެ މަޖިލީހުގެ މާފަންނު އުތުދު ދާްއިރާގެ މެމްބަރު އިމްތިޔާޒް ފަހުމީ ވާހަކަދައްކަވަނީ. ފޮޓޯ:ސޯޝަލް މީޑިއާ

ދަ ޑިމޮކްރެޓްސް ހަރަކާތުން ރޭ ބޭއްވި ޖަލްސާގައި ރައްޔިތުންގެ މަޖިލީހުގެ މާފަންނު އުތުދު ދާްއިރާގެ މެމްބަރު އިމްތިޔާޒް ފަހުމީ ވާހަކަދައްކަވަނީ. ފޮޓޯ:ސޯޝަލް މީޑިއާ

އެމްޑީޕީގެ ދެ ވަނަ ސަރުކާރު ފެށުނު އިރު ވެސް އެޕާޓީގެ ރައީސް މުހައްމަދު ނަޝީދުގެ އަޑު ސަރުކާރުން ނާހާ ކަމަށާއި ސަރުކާރުން ބޭނުންވީ އެމަނިކުފާނު ރާއްޖެއަށް ވަޑައިނުގަންނަވަން ކަމަށް ރައްޔިތުންގެ މަޖިލީހުގެ މާފަންނު އުތުރު ދާއިރާގެ މެމްބަރު އިމްތިޔާޒް ފަހުމީ ރޭ ތުހުމަތުކުރައްވައިފި އެވެ.

ނަޝީދުގެ އަރިސް ބޭފުޅުން އުފައްދަވަން މަސައްކަތް ފަށާފައިވާ "ދަ ޑިމޮކްރެޓްސް" ގެ ހަރުގޭގައި ރޭ ބޭއްވި ޖަލްސާއެއްގައި އިމްތިޔާޒް ވިދާޅުވީ މިސަރުކާރު އުފެދުމާ އެކު ހުރިހާ ސިޔާސީ ލީޑަރުން މިނިވަން ކުރަން މަސައްކަތް ކުރި އިރު ނަޝީދު މިނިވަންކުރަން ނޫޅޭ ކަމަށެވެ. އެކަމާ އެމަނިކުފާނު ތަކުރާރުކޮށް ސުވާލުކުރި ނަމަވެސް އިވޭ ކަމަށް ވެސް ހަދައިނުލި ކަމަށް ވެސް އޭނާ ތުހުމަތު ކުރެއްވި އެވެ.

"ވެރިކަން ބަދަލުވުމާ އެކުގައި ހުރިހާ ލީޑަރުން މިނިވަން ކުރުމުގައި އަވަސްވެވަަޑައިގެންނެވި ސަރުކާރުން. ވަރަށް ބޮޑު ދައުރެއް އަދާކުރެއްވި. އަޅުގަނޑުމެން ތިބި އަޑުއަހަން، ރައީސް މުހައްމަދު ނަޝީދު މިވާހަކަފުޅު ދެއްކެވި، ތިމަން މަނިކުފާނުގެ ކަންތަކާ އުޅުއްވަނީ ކޮން އިރަކުންތޯ [ސުވާލުކުރެއްވި]. އޭރު ރާއްޖޭން ބޭރުގައި ވަޑައިނުގަނެވިފައި ހުންނެވީ، ކޮންއިރަކުންތޯ މިކަމާ އުޅުއްވަނީ [އެއްސެވި]. ހަމަ ހިލާ އަޑުވެސް އަހައިނުލި ސަރުކާރުން،" އިމްތިޔާޒް ވިދާޅުވި އެވެ.

Advertisement

އޭނާ ވިދާޅުވި ގޮތުގައި "ވީހާލެއްގައި ވާން ވަޑައިގަންނަވަނީ" ކަމަށް ނަޝީދު ވިދާޅުވީ އެހެންވެ އެވެ.

ރައްޔިތުންގެ މަޖިލީހުގެ ރައީސްކަމުން ނަޝީދު ވަކިކުރަން އެމްޑީޕީން ހުށަހަޅާފައި ވާތީ އެކަމަށް ވެސް އިމްތިޔާޒް ވަރަށް ބޮޑަށް ފާޑުވިދާޅުވި އެވެ. މަޖިލީހުގެ ރައީސްގެ މަގާމުގެ އިތުރުން މަޖިލީހުގެ މެމްބަރުކަމުން ބޭރުކުރިޔަސް ނަޝީދަށް ވާނީ "ކޮންކަމެއްތޯ" އޭނާ ސުވާލުކުރެއްވި އެވެ.

"މަޖިލީހުގެ ގޮނޑިން ވެސް ބޭރުކުރައްވާ، އެއީ ކޮންކަމެއް ވާނެ ކަމެއްތޯ އެމަނިކުފާނަށް އިރާދަކުރެއްވިއްޔާ،" އިމްތިޔާޒް ވިދާޅުވި އެވެ.

އޭނާ ސިފަކުރެއްވި ގޮތުގައި ނަޝީދަކީ ވެރިކަމާ ހެދި އުޅުއްްވާ ބޭފުޅެއް ނޫނެވެ. އޭގެ ބަދަލުގައި އެމަނިކުފާނު މަސައްކަތް ކުރައްވަނީ ރާއްޖެއަށް އިންގިލާބީ ބަދަލުތައް ގެންނަވަން ކަމަށާއި މަޖިލީހުގެ ރައީސްކަމުން ދުރުކުރިޔަސް އެ މަސައްކަތް ކުރައްވާނެ ކަމަށް ވެސް އޭނާ ވިދާޅުވި އެވެ.

ނަޝީދު ރާއްޖެއަށް ވަޑައިގެންނެވި އިރު އެމްޑީޕީގެ ސަރުކާރު ނޫފެދޭ

އިމްތިޔާޒް މިމޭރުމުން ވާހަކަ ދެއްކެވި އިރު، ކުރީގެ ރައީސް އަބްދުﷲ ޔާމީނުގެ ވެރިކަމުގައި ޖަލުހުކުމެއް ތަންފީޒުކުރައްވަމުން ގެންދެވުމަށް ފަހު ރާއްޖޭން ބޭރަށް ވަޑައިގެން އުޅުއްވުމަށް ފަހު ނަޝީދު އެނބުރި ވަޑައިގެންނެވީ ރައީސް އިބްރާހީމް މުހައްމަދު ސޯލިހު ރައީސްކަމުގެ ހުވައިކުރެއްވުމުގެ ކުރިން ނޮވެމްބަރު 1، 2018 ގަ އެވެ. ބައެއް ސިޔާސީ ލީޑަރުންނަށް ކޮށްފައިވާ ހުކުމްތައް ސުޕްރީމްކޯޓުން ރިވިއު ކުރި އިރު ރައީސްކަމުގައި ހުންނެވީ ރައީސް ޔާމީނެވެ.

ނަޝީދު އޭރު އެނބުރި ރާއްޖެއަށް ވަޑައިގެންނެވީ ރައީސް ސޯލިހާއެކު އެވެ. ރައީސް ސޯލިހު ސްރީ ލަންކާއަށް ވަޑައިގެންނެވީ ނަޝީދު ބަލާ ކަމަށް އެއިރު ވިދާޅުވެފައިވެ އެވެ. ދެ ބޭފުޅުން ވަޑައިގެންނެވީ އެކީގަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox