ރެލިގޭޓްވުމުން ލީޑްސް ވިއްކާލަނީ

Jun 1, 2023, 6:53 AM
ލީޑްސްގެ ވެރިޔާ ރަޑްރިޒާނީ: އޭނާ އަންނަނީ ލީޑްސް ވިއްކާލުމަށް ފަހު އިޓަލީގެ ކްލަބެއް ގަންނަން މަސައްކަތްް ކުރަމުން،

ލީޑްސްގެ ވެރިޔާ ރަޑްރިޒާނީ: އޭނާ އަންނަނީ ލީޑްސް ވިއްކާލުމަށް ފަހު އިޓަލީގެ ކްލަބެއް ގަންނަން މަސައްކަތްް ކުރަމުން،

ލީޑްސް (ޖޫން 1) - މި ސީޒަނުގައި އިނގިރޭސި ޕްރިމިއާ ލީގުގެ ފުލަށް ދިޔަ ތިން ޓީމުގެ ތެރޭގައި ހިމެނި، ލީޑްސް ޔުނައިޓެޑް ރެލިގޭޓްވެފައިވާއިރު، ލިބުނު މާލީ ގެއްލުމުގެ ސަބަބުން ލީޑްސް ހިންގަމުން އަންނަ ވިޔަފާރިވެރިޔާ، އިޓަލީގެ އަންދްރެއާ ރަޑްރިޒާނީ އެ ޓީމު ވިއްކާލަން ނިންމައިފި އެވެ.

މިލްކިއްޔާތުގައި 600 މިލިއަން ޑޮލަރު ހުރި އިޓަލީގެ ވިޔަފާރިވެރިޔާ، ރަޑްރިޒާނީ 2017 ވަނަ އަހަރު އޮކްޓޫބަރު މަހު ލީޑްސްގެ މެޖޯރިޓީ ހިއްސާ ގަތުމަށް ފަހު، ދެން އެ ކްލަބްގެ ހިއްސާދާރެއްގެ ގޮތުގައި އޮތް، 49އާސް އެންޓަޕްރައިޒަސް އަށް 44 ޕަސެންޓް ވިއްކާލައިފަ އެވެ.

މި ސީޒަނުގެ ނަތީޖާ އަށް ފަހު، ލީޑްސް އަށް ޕްރިމިއާ ލީގުގެ ޖާގައެއް އަންނަ ސީޒަނުގައި ގެއްލުމާ އެކު، އެ ކްލަބް މާލީ ގޮތުން އަޑިގަނޑަކަށް ވެއްޓޭނެ ކަމަށް ރަޑްރިޒާނީ ވަނީ އިޓަލީ މީޑިއާގައި ބުނެފަ އެވެ. އެހެންވެ، ކްލަބާ އެކު، ކުރިއަށްދިއުމުގައި ވަކި ގޮތެއް ކަނޑައަޅަން ޖެހޭ ކަމަށް ވެސް ރަޑްރިޒާނީ ދިން އިންޓަވިއުގައި ބުނެފައިވެ އެވެ.

Advertisement

ފުޓްބޯލް ފައިނޭންސް އެކްސްޕާޓް، ކިއެރަން މެގުއާ، ސްކައި ސްޕޯޓްސް އަށް ދިން އިންޓަވިއުއެއްގައި ބުނީ ރަޑްރިޒާނީ އަންނަނީ ލީޑްސްގެ މެޖޯރިޓީ ހިއްސާ 49އާސް އެންޓަޕްރައިޒަސް އަށް ވިއްކާލުމަށް ފަހު، އިޓަލީގެ ކްލަބް، ސަމްޑޯރިއާ ގަންނަން މަސައްކަތް ކުރަމުންނެވެ. އަދި އެކަމުގެ މަޝްވަރާތައް ހިނގާތާ މިހާރު ހަފްތާއެއްހާ ދުވަސް ވެފައިވާ ކަމަށް ކިއެރަން މެގުއާ ވަނީ ބުނެފަ އެވެ.

އިނގިރޭސި ފުޓްބޯޅައިގެ ގަދަބާރެއްގެ ގޮތުގައި ދެހާހުގެ ކުރީކޮޅުގައި އޮތް ލީޑްސް އިން 16 އަހަރުގެ މެދުކެނޑުމަކަށް ފަހު ޕްރިމިއާ ލީގަށް ޕްރޮމޯޓްވީ 2020 ވަނަ އަހަރު އެވެ. އޭގެ ތިން އަހަރު ފަހުން، އަނެއްކާ ވެސް މި ވަނީ އިނގިރޭސި ދެ ވަނަ ޑިވިޝަނުގައި ވާދަކުރަން ޖެހިފަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox