މި ދައުރު ހުށަހަޅާ ބިލުތަކުގެ ތެރޭގައި ޖޭއެސްސީ ބަދަލު ކުރުމެއް ނެތް

ޖޭއެސްސީގެ ރައީސް ހިސާން ހުސައިން (ކ)، ރައީސް އިބްރާހީމް މުހައްމަދު ސޯލިހު (މ)، އަދި އުއްތަމަ ފަނޑިޔާރު މުއުތަސިމް އަދުނާން (ވ)؛ ރައްޔިތުންގެ މަޖިލީހުގެ މި އަހަރުގެ ދެވަނަ ދައުރަށް ހުށަހަޅާ ބިލުތަކުގެ ލިސްޓުގައި ޖޭއެސްސީ ބަދަލުކުރުމެއް ނެތް - ފޮޓޯ: ރައީސް އޮފީސް

ޖޭއެސްސީގެ ރައީސް ހިސާން ހުސައިން (ކ)، ރައީސް އިބްރާހީމް މުހައްމަދު ސޯލިހު (މ)، އަދި އުއްތަމަ ފަނޑިޔާރު މުއުތަސިމް އަދުނާން (ވ)؛ ރައްޔިތުންގެ މަޖިލީހުގެ މި އަހަރުގެ ދެވަނަ ދައުރަށް ހުށަހަޅާ ބިލުތަކުގެ ލިސްޓުގައި ޖޭއެސްސީ ބަދަލުކުރުމެއް ނެތް - ފޮޓޯ: ރައީސް އޮފީސް

ރައީސް އިބްރާހީމް މުހައްމަދު ސޯލިހުގެ ރިޔާސީ ދައުރުގެ ފަހު އަހަރު ހިނގަމުންދާއިރު، ޖުޑިޝާލް ސާވިސް ކޮމިޝަން (ޖޭއެސްސީ) ގެ އެކުލެވުމުގެ ބިލު ނުހިމަނައި ރައްޔިތުންގެ މަޖިލީހުގެ މި އަހަރުގެ ދެވަނަ ދައުރަށް ފޮނުވަން ގަސްތުކުރާ ބިލުތަކުގެ ލިސްޓު އާންމުކޮށްފި އެވެ.

ޖޭއެސްސީގެ އެކުލެވުން ހިމެނޭ ގޮތަށް ޖުޑިޝަރީއަށް ހެޔޮ ބަދަލުތަކެއް ގެނައުމަކީ ރައީސް ސޯލިހުގެ ރިޔާސީ ވައުދެކެވެ.

މި އަހަރަށް މަޖިލިސް ހުޅުވުމުގެ ޖަލްސާގައި، ރައީސް ސޯލިހުގެ ދައުރުގެ ފަހު ރިޔާސީ ބަޔާން އިއްވަވަމުން އެމަނިކުފާނު ވިދާޅުވީ ޖޭއެސްސީ އެކުލެވިގެންވާ ގޮތް އިސްލާހު ކުރުމަށް ޓަކައި ގާނޫނު އަސާސީއަށް ގެންނަން ޖެހޭ އިސްލާހުތައް އެ ދައުރުގައި ހުށަހަޅުއްވާނެ ކަމަށެވެ.

Advertisement

ނަމަވެސް ފުރަތަމަ ދައުރު ނިންމައި، އޭޕްރީލް 27 ގައި މަޖިލިސް ޗުއްޓީއަށް ދިޔަ އިރު ވެސް މަޖިލީހުގެ ތަޅުމަށް އެ ބިލު ހުށަހަޅާފައެއް ނެތެވެ. އެކަމާ ގުޅިގެން ސުވާލުކުރުމުން ރައީސް އޮފީހުގެ ތަރުޖަމާނު މިއުވާން މުހައްމަދު މި މަހުގެ ހަތަރުވަނަ ދުވަހު ވިދާޅުވީ ބިލުގެ މަސައްކަތް ކުރިއަށްދާ ކަމަށެވެ.

މަޖިލިހުގެ ދެވަނަ ދައުރަށް ހުށަހަޅަން ސަރުކާރުން ގަސްތުކުރާ ބިލުތަކުގެ ލިސްޓެއް ރައީސް އޮފީހުން މިއަދު މީޑިއާތަކާ ހިއްސާކުރި އިރު ލިސްޓުގައި ޖޭއެސްސީގެ އެކުލެވުން ހިމަނާފައެއް ނެތެވެ. ބިލު ނެތުމުން ސުވާލުކުރުމުން މިއުވާން ވިދާޅުވީ އަދި ހުށަހަޅަން އެޖެންޑާގައި ނެތީ ކަމަށެވެ.

ނަވާރަވަނަ ރައްޔިތުންގެ މަޖިލިސް ފެށުނު ފަހުން އިދިކޮޅު ފަރާތްތަކުން ވެސް ވަނީ ތިން ފަހަރު މަތިން އެ ކޮމިޝަނުގައި ސިޔާސީ މީހުން ނުތިބޭ ގޮތަށް ބަދަލު ގެންނަން ބިލެއް ހުށަހަޅައިފަ އެވެ. ނަމަވެސް, އެމްޑީޕީގެ ސުޕަ މެޖޯރިޓީން ވަނީ އެ ތިން ފަހަރު ވެސް ބިލު ތަޅުމަށް ބަލައިނުގަނެ ބޭރުކޮށްލައިފަ އެވެ.

ތިން ފަހަރު ވެސް ބިލު ހުށަހެޅުއްވި މަޖިލީހުގެ މަހިބަދޫ ދާއިރާގެ މެންބަރު އަހުމަދު ތޯރިގު (ޓޮމް) މިއަދު ކުރެއްވި ޓްވީޓުގައި ވިދާޅުވީ ތިން ފަހަރު މަތިން ވެސް ޖޭއެސްސީގެ އެކުލެވުން ބަދަލުކުރަން އޭނާ ހުށަހެޅުއްވީ އޭރު ވެސް ވައުދު ފުއްދެވުމުގެ ނިޔަތް ރައީސް ސޯލިހުގެ ނެތް ކަމަށް ގަބޫލުކުރެވިގެން ކަމަށެވެ.

"ސަރުކާރުން ހުށަހަޅާ ބިލުގެ ތެރޭގައި ޖޭއެސްސީ އިސްލާހު ކުރުން ނެތީ، ރައީސް އިބުރާހީމްގެ އެ ވައުދު ފުއްދި އަވަދިވީމަތޯ،" ޕީޕީއެމްގެ ޕާލިމެންޓްރީ ގްރޫޕްގެ މެންބަރު ޓޮމް ލިޔުއްވާފައިވެ އެވެ.

ޖޭއެސްސީގެ އެކުލެވުން ބަޔާން ކޮށްފައި ވަނީ ގާނޫނު އަސާސީގަ އެވެ. އެ އެކުލެވުން ބަދަލު ކުރުމަށް ގާނޫނު އަސާސީއަށް އިސްލާހު ގެންނަން ޖެހެ އެވެ. ގާނޫނު އަސާސީއަށް އިސްލާހު ގެނެވެނީ މަޖިލީހުގެ ހަތަރުބައިކުޅަ ތިންބައިގެ މެޖޯރިޓީންނެވެ. އެއީ 66 މެންބަރުންނެވެ.

މަޖިލީހުގައި ތިއްބެވީ ސަރުކާރަށް ތާއީދުކުރައްވާ 55 މެންބަރުންނެވެ. ރައީސް ނަޝީދު ހިމެނޭހެން "ފިކުރެއްގެ ދިރުން" ހަރަކާތަށް ތާއީދުކުރައްވާ 14 މެންބަރުން ތިއްބަވަ އެވެ. އިދިކޮޅު ޕީޕީއެމާއި ޕީއެންސީގެ އަށް މެންބަރުން، އެމްއެންޕީގެ ތިން މެންބަރުން، ޖުމްހޫރީ ޕާޓީގެ ދެ މެންބަރުން، ސަރުކާރަށް ތާއީދުކުރާ އެމްޑީއޭގެ ދެ މެންބަރުން، އަދި އެއްވެސް ސިޔާސީ ޕާޓީއަކަށް ނިސްބަތް ނުވާ ހަތަރު މެންބަރުން ހިމެނެ އެވެ.

ޖޭއެސްސީގެ އެކުލެވުމާ މެދު އޮތް ކަންބޮޑުވުން؛

ފެހި ގާނޫނު އަސާސީގެ ދަށުން ސެޕްޓެމްބަރު 4، 2008 ގައި އެކުލަވާލި ޖޭއެސްސީގައި 10 މެމްބަރުން ތިއްބަވަ އެވެ.

އެއީ ރައްޔިތުންގެ މަޖިލީހުގެ ރައީސާއި އެ މަޖިލީހުންގެ ކަނޑައަޅާ މެމްބަރަކާއި ރައީސުލްޖުމްހޫރިއްޔާ ކަނޑަައަޅުއްވާ މެމްބަރަކާއި ބަންޑާރަ ނައިބާއި ސުޕްރީމް ކޯޓުގެ ފަނޑިޔާރަކާއި ހައި ކޯޓުގެ ފަނޑިޔާރަކާއި ދަށު ކޯޓުތަކުން ކަނޑައަޅާ ފަނޑިޔާރަކާއި ސިވިލް ސާވިސް ކޮމިޝަނުގެ ރައީސާއި ވަކީލުންގެ ތެރެއިން މީހަކާއި އާންމުންގެ ތެރެއިން ނަގާ މީހެކެވެ.

މިހާރު އެ ކޮމިޝަންގައި ގިނައީ އެމްޑީޕީގެ ބޭފުޅުންނެވެ. ކޮމިޝަންގެ ރައީސަކީ ތުޅާދޫ ދާއިރާގެ މެންބަރު ހިސާން ހުސައިނެވެ. ނައިބު ރައީސަކީ ރައީސް ސޯލިހުގެ މެންބަރަކަށް ކޮމިޝަންގައި އިންނަވާ މަސްތޫރު ހުސްނީ އެވެ. ބަންޑާރަ ނައިބު އިބްރާހީމް ރިފްއަތުގެ އިތުރަށް މަޖިލީހުގެ ރައީސްގެ ހައިސިއްޔަތުން ނަޝީދު ވެސް އެ ކޮމިޝަންގައި އިންނަވަ އެވެ.

ފަނޑިޔާރުންގެ މައްސަލަތައް ބެލުމުގެ ބާރު އޮންނަ ޖޭއެސްސީގައި ސިޔާސީ ބޭފުޅުން ތިއްބަވާތީ އެ ކޮމިޝަން މެދުވެރިކޮށް، ޖުޑިޝަރީއާއި ފަނޑިޔާރުގެއަށް ސިޔާސީ ނުފޫޒު ފޯރުވާ ކަމުގެ ތުހުމަތުތައް އަބަދުވެސް އަމާޒުވެ އެވެ.

ކޮމިޝަންގެ އެކުލެވުން ބަދަލުނުކޮށް އަދިވެސް ކުރިއަށްދާތީ، މިހާރު އޮތް ސަރުކާރަށް ވެސް އެ ތުހުމަތުތައް އަމާޒުވެ އެވެ. ހާއްސަކޮށް، އިދިކޮޅު ޕީޕީއެމްގެ ރިޔާސީ ކެންޑިޑޭޓް އަދި ކުރީގެ ރައީސް އަބްދުﷲ ޔާމީންގެ ޝަރީއަތްތަކަށް އެ ކޮމިޝަން މެދުވެރިކޮށް ނުފޫޒު ފޯރުވާ ކަމަށް އެ ފަރާތްތަކުން ތުހުމަތު ކުރެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox