އައިފޯނުގެ ބެޓެރި ހެލްތާ ގުޅޭ ދެ ބިލިއަން ޑޮލަރުގެ މައްސަލައެއް

މީގެ ކުރިންވެސް މިފަދަ މައްސަލަތަކެއް އެޕަލްއާއި ދެކޮޅަށް ހުށަހެޅިފައިވޭ

މީގެ ކުރިންވެސް މިފަދަ މައްސަލަތަކެއް އެޕަލްއާއި ދެކޮޅަށް ހުށަހެޅިފައިވޭ

އައިފޯނުގެ ސޮފްޓްވެއާ އަޕްޑޭޓްތަކުން ބެޓެރިއަށް ގެއްލުން ދޭކަމުގެ ތުހުމަތުކޮށް ދެ ބިލިއަން ޑޮލަރުގެ މައްސަލައެއް އެޕަލް އާއި ދެކޮޅަށް ހުށަހަޅައިފި އެވެ.

އިނގެރޭސިވިލާތުގައި ހުށަހަޅާފައިވާ މައްސަލާގައި ބުނެފައިވަނީ ސޮފްޓްވެއާ އަޕްޑޭޓްތަކުން އައިފޯނުގެ ބެޓެރި ހަލާކުކޮށް ފޯނުގެ ޕާފޯމަންސް ދަށްކުރާކަމަށެވެ. އިނގެރޭސިވިލާތުގެ އައިފޯނު ޔޫޒަރުންގެ ފަރާތުން މި މައްސަލަ ހުށަހަޅާފައިވަނީ ކޮންސިއުމަރުންގެ ހައްގަށް މަސައްކަތް ކުރާ ފަރާތެއް ކަމަށްވާ ޖަސްޓިން ގަޓްމަން އެވެ.

ކޯޓް ފައިލިން ތަކުގައި ގަޓްމަންގެ ލޯޔަރުން ބުނެފައިވަނީ އައިފޯންގެ ބައެއް މޮޑެލްތަކުގައި ބެޓެރީގެ މައްސަލަތަށް އެޕަލް އިން "ފޮރުވާފައިވާ" ކަމަށެވެ. އަދި, ފޯނުގެ ޕާފޯމަންސް ދަށްކޮށްލާ ޕަވާ މެނޭޖެމަންޓް ޓޫލް އެއް ސިއްރިއްޔާތުގައި އިންސްޓޯލްކޮށްފައިވާ ކަމުގެ ތުހުމަތުކޮށްފައިވެ އެވެ.

Advertisement

ގަޓްމަންގެ ލޯޔަރުން ބުނެފައިވަނީ 2020 ގައި އެމެރިކާގައި އައިފޯންގެ ބެޓެރި އާއި ގުޅޭގޮތުން ހުށަހެޅި މައްސަލައަށް ރިއާޔަތް ކުރުމަށް ވެސް ޓްރިބިއުނަލްގައި އެދިފަ އެވެ. އަދި އެ މައްސަލައިގެ ސެޓްލްމެންޓްގައި އެޕަލް އިން ތުހުމަތުތަކަށް އިންކާރުކޮށްފައި ނުވާކަން ވަނީ ފާހަގަކޮށްފަ އެވެ.

މީގެ އިތުރުން ބެޓެރީ ހެލްތާއި މެދު ކުރިއަށް އޮތްތަނުގައި ވަރަށް ސާފު އުސޫލުތަކެއް ގެންގުޅޭނެކަމަށް އިނގެރޭސިވިލާތުގެ ޓީވީ ޕްރޮގްރާމެއްކަމަށްވާ "ވޮޗްޑޯގް" ގައި އެޕަލް އިން 2019 ގައި ބުނެފައިވާކަން ވެސް ވަނީ ފާހަގަކޮށްފަ އެވެ.

އެޕަލް އިން ވަނީ މި މައްސަލަ ކުރިއަށް ނުގެންދިޔުމަށް އެދި ލަންޑަންގެ ޓްރިބިއުނަލްގައި އެދިފަ އެވެ. އެޕަލް އިން ބުނެފައިވަނީ އެކުންފުންޏަށް ކޮށްފައިވާ ތުހުމަތުތަކުގައި އެއްވެސް އަސްލެއް ނެތް ކަމަށެވެ. އަދި އައިފޯނުގް ބެޓެރިއަށް އަދި ޕާފޯމަންސްއަށް ވެސް އުނިކަމެއް އަންނާނެ ފަދަ އެއްވެސް ކަމެއް ކޮށްފައި ނުވާނެ ކަމަށް ބުނެފައިވެ އެވެ.

އެޕަލް އިން ބުނެފައިވަނީ ބެޓެރީގެ މައްސަލައެއް ހަމައެކަނި ކުރިމަތިވެފައިވަނީ އައިފޯން ސިކްސް އެސްގެ ބައެއް ފޯނުތަކަށްކަމަށެވެ. އެފޯނުތަކަށް ފްރީ ރިޕްލޭސްމްންޓް ބެޓެރި ދީފައިވާނެކަމަށް ވެސް ބުނެފައިވެ އެވެ.

އެޕަލް އިން 2017 ގައި ނެރުނު ޕަވަ މެނޭޖްމަންޓް ޓޫލް އިން ނޭދެވޭ އަސަރެއް ހަމަ އެކަނި ކޮށްފައިވަނީ އައިފޯން ސިކްސް ގެ ބެޓެރި އަށް ކަން ވެސް އެކުންފުނިން ފާހަގަކޮށްފައިވެ އެވެ. އެއީ ޕާފޯމަންސް 10 އިންސައްތަ ދަށްވުންކަމަށް ބުނެފައިވެ އެވެ.

އެޕަލްއިން ކުރީގެ އައިފޯނު ތަކުގެ ޕާފޯމަންސް ގަސްތުގާ ދަށްކުރާކަމުގެ ތުހުމަތުތަކެއް އަބަދުވެސް ކުރެވެ އެވެ. ކުރީގެ ބައެއް އައިފޯންތަކުގެ ޕާފޯމަންސް ދަށްވާ ފަދަ ފީޗާއެއް ހިމެނޭ އަޕްޑޭޓުތަކެއް އެޕަލް އިން ނެރުނު ކަމަށް 2017 ގައި އެކުންފުނިން ވަނީ އެއްބަސްވެ މައާފަށް އެދިފަ އެވެ.

އެކަމުގެ އަސަރުކުރި ފަރާތްތައް ގުޅިގެން ހުށަހެޅި މައްސަލައަކަށް އެޕަލް އިން ވަނީ 500 މިލިއަން ޑޮލަރުގެ ސެޓްލްމެންޓެއް ދައްކައިފަ އެވެ. އެއީ ކޮންމެ ފަރާތަކަށް 25 ޑޮލަރެވެ.

ކޮމެންޓް

ފަހުގެ ޚަބަރު

އައިފޯން ޑުއޯގެ ސްކްރީނަށް މައްސަލަ ދިމާވާ ނަމަ ބަދަލުކޮށްދޭނެ

އެޕަލްގެ ފުރަތަމަ ފަތްޖަހާލެވޭ ފޯނު "އައިފޯން ޑުއޯ" ގެ ސްކްރީނަށް ދިމާވި މައްސަލަތަކާ ގުޅިގެން، އެ ފޯނުތައް ބަދަލުކޮށްދޭން އެ ކުންފުނިން ނިންމައިފިއެވެ. ބާޒާރަށް ނެރުނުތާ މަދު ދުވަސްކޮޅެއްގެ ތެރޭގައި ސްކްރީނުގައި ރޮނގު އެޅުމާއި ރެނދުލުން ފަދަ މައްސަލަތައް ފާހަގަވެފައިވާއިރު، މި މައްސަލަ ދިމާވި ކަސްޓަމަރުން ފޯނު ބަދަލުކުރުމަށް އެޕަލްއާ ގުޅުމަށް ވަނީ އިލްތިމާސްކޮށްފައެވެ.

ސެކިއުރިޓީ ރިސްކާ ހެދި ބޮޑެތި ވެބްސައިޓްތައް އޮފްލައިންކޮށްފި

ދުނިޔޭގެ ބޮޑެތި އިދާރާތަކާއި ސަރުކާރުތަކުގެ ވެބްސައިޓްތައް ވަގުތީ ގޮތުން އޮފްލައިންކުރީ އޭއައިއިން ދެނެގަތް ޕީއެޗްޕީ ޕްރޮގްރާމިން ލެންގުއޭޖުން ފާހަގަވި ނުރައްކާތެރި ސެކިއުރިޓީ މައްސަލަތަކަކާ ގުޅިގެން މި މައްސަލަ ހައްލުކުރުމަށް ސެކިއުރިޓީ އަޕްޑޭޓްތައް ވަނީ ނެރެފަ.

ޖާސޫސްކުރި މީހާއަށް ސައުދީ ސަރުކާރުގެ އެހީތެރިކަން ލިބޭ

އޯޕަންއޭއައިގެ މީޓިން ރޫމެއްގައި ސިއްރުން އަޑު ރެކޯޑުކުރާ ޑިވައިސްއެއް ހަރުކުރި ކަމުގެ ތުހުމަތުގައި ހައްޔަރުކުރި ސައުދީ އިންޖިނިއަރަކަށް، އެ ގައުމުގެ ސަރުކާރުގެ އެހީތެރިކަން ލިބޭކަން އެމެރިކާގެ ކޯޓު ލިޔުންތަކުން ހާމަވެއްޖެއެވެ. މި އަމަލަކީ އެމެރިކާގެ ގައުމީ ސަލާމަތަށް އޮތް ނުރައްކަލެއް ކަމަށް ބަލައި، ޝަރީއަތް ނިމެންދެން އޭނާ ބަންދުގައި ބެހެއްޓުމަށް ކޯޓުން ވަނީ އަމުރުކޮށްފައެވެ.

ދިރާގުގެ ގޭމިން ކޮންކުއެސްޓް ނޮވެމްބަރު 26 ގައި

ދިރާގު މޯލްޑިވްސް ގޭމިން ކޮންކުއެސްޓް 2026، އަންނަ ނޮވެމްބަރު 26 އިން 28 އަށް ކަލާފާނު ސްކޫލުގައި ބޭއްވުމަށް ވަނީ ނިންމާފައެވެ. ޖުމްލަ 150,000 ރުފިޔާގެ އިނާމު ހުށަހަޅާފައިވާ މި އިވެންޓުގައި މޯބައިލް، ޕީސީ އަދި ކޮންސޯލްގެ އެކި މުބާރާތްތަކުގެ އިތުރުން މުނިފޫހިފިލުވުމުގެ ތަފާތު ގޭމްތައް ތަޖުރިބާކޮށްލުމުގެ ފުރުސަތު ހިލޭ ލިބޭނެއެވެ.

މާސްގެ ހަނދުން ސާމްޕަލް ނެގުމުގެ މިޝަނަށް ޖަޕާން ތައްޔާރު

މާސްގެ ހަނދެއް ކަމަށްވާ "ފޯބޯސް" އިން ސާމްޕަލް ނެގުމަށް ޖަޕާނުން ކުރިއަށްގެންދާ ދުނިޔޭގެ ފުރަތަމަ މިޝަން ފެށުމަށް އެ ގައުމުން ވަނީ ތައްޔާރުވެފައެވެ. ފަސް އަހަރުގެ މި ދިރާސާގެ ސަބަބުން މާސްގެ ހަނދުތައް އުފެދުނު ގޮތާއި އިރުގެ ނިޒާމުގައި ދިރުން އުފެދުނު ގޮތުގެ މުހިންމު މައުލޫމާތުތަކެއް ލިބިގެންދާނެއެވެ. މީގެ އިތުރުން، މި މިޝަންގެ ސަބަބުން ކުރިމަގުގައި މާސްއަށް ކުރާ އިންސާނީ ދަތުރުތަކުގައި އެ ހަނދު ބޭސްއެއްގެ ގޮތުގައި ބޭނުންކުރުމަށް މަގުފަހިވެގެންދާނެއެވެ.

ޓެސްލާގެ އިންގިލާބީ އީޖާދު: އުދުހޭ ކާރު 'ރޯޑްސްޓާ' ދައްކާލައިފި

ޓެސްލާ އާއި ސްޕޭސް އެކްސް ގުޅިގެން އުފެއްދި، ވައިގެ ޕްރެޝަރު ބޭނުންކޮށްގެން އުދުހުމުގެ ގާބިލުކަން ލިބިފައިވާ "ރޯޑްސްޓާ" ކާރުގެ ނަމޫނާ ދައްކާލައިފިއެވެ. މި އިންގިލާބީ އުޅަނދު އާންމުކޮށް އުފައްދަން ފަށާނީ 2028 ވަނަ އަހަރު ކަމަށް އީލޮން މަސްކް ހާމަކޮށްފައިވާއިރު، މިއީ ދަތުރުފަތުރުގެ ދާއިރާއަށް އަންނާނެ ބޮޑު ބަދަލެއް ކަމަށް ބެލެވެއެވެ.

ސިއްރުން ރެކޯޑިން ޑިވައިސްއެއް ހަރުކުރި ސައުދީ މީހަކަށް ދައުވާ

އޯޕަންއޭއައިގެ އޮފީހެއްގައި ސިއްރުން ރެކޯޑިން ޑިވައިސްއެއް ހަރުކުރި ކަމުގެ ތުހުމަތުގައި އެ ކުންފުނީގެ ކުރީގެ އިންޖިނިއަރެއް ކަމަށްވާ ސައުދީ ރައްޔިތެއްގެ މައްޗަށް އެމެރިކާގައި ދައުވާ އުފުލައިފިއެވެ. ކުންފުނީގެ އޭއައި މޮޑެލްތައް ބޭނުންކޮށްގެން މި އަމަލު ހިންގި މީހާ ދެނެގަނެފައިވާއިރު، މި ހާދިސާގައި ކުންފުނީގެ އެއްވެސް މުހިންމު މައުލޫމާތެއް ވަގަށް ނަގާފައިވާކަމުގެ ހެއްކެއް ފެނިފައެއް ނުވެއެވެ.

Newsletter

Get the latest news delivered straight to your inbox