ރައްޔިތުންގެ މަޖިލީހުގެ ރައީސް މުހައްމަދު ނަޝީދުގެ ސެކިއުރިޓީއާ ގުޅޭ ގޮތުން މަޖިލީހުގެ ދެ މެމްބަރަކު ދެއްކެވި ވާހަކައިގެ ސަބަބުން އެ މަނިކުފާނަށް ޓެރަރިސްޓު ހަމަލާއެއް އަމާޒު ވެދާނެ ކަމަށް ބެލެވޭ ކަމަށް ވިދާޅުވެ މާފަންނު އުތުރު ދާއިރާގެ މެމްބަރު އިމްތިޔާޒު ފަހުމީ ޕޮލިހަށް މައްސަލަ ހުށަހަޅާފައި ވަނިކޮށް، އިމްތިޔާޒުގެ އެ ތުހުމަތުތަކުގެ ސަބަބުން ފުރާނަ ނުރައްކަލަށް ހުށަހެޅިފައިވާ ކަމަށް ވިދާޅުވެ މީދޫ ދާއިރާގެ މެމްބަރު ރޮޒައިނާ އާދަމް ޕޮލިހަށް މައްސަލައެއް ހުށަހަޅުއްވައިފި އެވެ.
ނަޝީދަށް ސަލާމަތާއި ރައްކާތެރިކަން ފޯރުކޮށްދިނުމަށް ދެކޮޅު ހައްދަވައި އަދި އެކަން ހުއްޓުވުމަށް ބާރުއަޅުއްވާ މޭރުމަކުން އެކި ފޯރަމްތަކުގައި ރައްޔިތުންގެ މަޖިލީހުގެ 241 ކޮމިޓީގެ ނައިބު މުގައްރިރު، ހެންވޭރު ދެކުނު ދާއިރާގެ މެމްބަރު ހުސައިން ޝަހީމާއި ރޮޒައިނާ ތަކުރާރުކޮށް ވާހަކަ ދައްކަވަމުން ގެންދެވުމަކީ އެކަމުގައި ނުބައި ރޭވުމެއް އޮތް ކަމެއް ކަމަށް ތުހުމަތު ކުރެވޭ ކަމަށް އިމްތިޔާޒު ޕޮލިހަށް ހުށަހެޅުއްވި ސިޓީގައި ވިދާޅުވެފައިވެ އެވެ.
އިމްތިޔާޒުގެ އެ ތުހުމަތުގެ ސަބަބުން ނަޝީދަށް ތާއީދުކުރާ ބަޔަކު ނުކުމެ ހަމަލާއެއް ދިނުން ވަރަށް އެކަށީގެންވާ ކަމަށާއި ހެންވޭރު ދެކުނު ދާއިރާގެ މެމްބަރު ހުސައިން ޝަމީމުގެ މައްޗަށް ނަޝީދު މީގެ ކުރިން ކުރެއްވި ތުހުމަތުތަކަކާ ގުޅިގެން އެ މެމްބަރުގެ ފުރާނަޔަށް ނުރައްކާވާ ފަދަ ހާލަތުތަކާ ކުރިމަތިލައްވަން ޖެހިވަޑައިގެންނެވި ކަމަށް، ޕޮލިސް ކޮމިޝަނަރު މުހައްމަދު ހަމީދަށް ފޮނުއްވި ސިޓީގައި ރޮޒައިނާ ވިދާޅުވެފައިވެ އެވެ.
"އެހެން ކަމުން އަޅުގަނޑު އެދެނީ އެއްވެސް ހެއްކަކާ ނުލައި ދޮގު ތުހުމަތުތަކެއްގެ މައްޗަށް ބިނާކޮށް އަޅުގަނޑުގެ ބޮލުގައި ނަޝީދު މަރާލަން އުޅުމުގެ ތުހުމަތު މާފަންނު އުތުރު ދާއިރާގެ މެންބަރު އިމްތިޔާޒު ފަހުމީ އެޅުވި މައްސަލަ ދިވެހި ފުލުހުންގެ ހިދުމަތުން ވީ އެންމެ އަވަހަކަށް ބަލައި ދިނުމެވެ. މިކަމުގައި ޖިނާއީ ކުށެއް ވާނަމަ އެކަމަށް ދައުވާ ކޮށްދިނުން އެދެމެވެ،" ރޮޒައިނާ އެދިވަޑައިގެންފައިވެ އެވެ.
މުހިންމު ބައެއް ހަބަރު
އެޑިޓަރުގެ ހޮވުން
ޒަމާންވީ އެތައް އާދަކާދައެއް އުވިގެން ދިޔައިރު، މިއީ މި ރަށުން ރައްޔިތުންނަށް ދޫކޮށްނުލެވުނު ސަގާފަތެކެވެ. ފެށުނު ތާރީހެއް، ގޮތެއް ބުނަން ނޭނގުނު ނަމަވެސް އީދަށް މަރުހަބާ ކިޔުމަށް ކައްކާ ބަތްޕެންގަނޑު ނުކައްކާ ދުވަހެއް ރަށު މީހުން ހަނދާނެއް ނެތެވެ. ކޮވިޑް ބަލިމަޑުކަމުގެ އަހަރު ފިޔަވައި ކޮންމެ އަހަރަކު ވެސް މިކަން އޮތީ މިހެންނެވެ.
ދުވަހުގެ ކޯޓޭޝަން
ފިތުރު އީދުގެ ތަހުނިޔާ ދެންނެވުމުގެ ގޮތުން ރައީސް ދެއްވި ހިތޯބުގައި ވިދާޅުވީ؛
ވަކިން ހާއްސަ ސަމާލުކަމެއް ދޭންވީ، އެއްވެސް ސަބަބަކާ ހުރެ، މީހަކާ މެދު ހިތުގައި ރުޅިވެރިކަމެއް ނުވަތަ ދެކޮޅުވެރިކަމެއް އަދި ހިތްހަމަނުޖެހުމެއް އޮތް ނަމަ، އެމީހަކަށް ހިތް ހެޔޮކޮށް މަޢާފްކުރުމާއެކު، އަލުން ގުޅުން އުފެއްދުމަށް އިސް ނެގުމަށެވެ."
