އިމްތިޔާޒުގެ މައްސަލައާ ވިއްދައި ރޮޒެއިނާ ވެސް ފުލުހުންނަށް މައްސަލައެއް ހުށަހަޅައިފި

މަޖިލީހުގެ އައްޑޫ މީދޫ ދާއިރާގެ މެންބަރު ރޮޒައިނާ އާދަމް :އިމްތިޔާޒުގެ މައްސަލައާ ގުޅިގެން ފުރާނައަށް ނުރައްކާ އޮތް ކަމަށް އޭނާ ވަނީ ވިދާޅުވެފައި. - ފޮޓޯ: މަޖިލިސް

މަޖިލީހުގެ އައްޑޫ މީދޫ ދާއިރާގެ މެންބަރު ރޮޒައިނާ އާދަމް :އިމްތިޔާޒުގެ މައްސަލައާ ގުޅިގެން ފުރާނައަށް ނުރައްކާ އޮތް ކަމަށް އޭނާ ވަނީ ވިދާޅުވެފައި. - ފޮޓޯ: މަޖިލިސް

ރައްޔިތުންގެ މަޖިލީހުގެ ރައީސް މުހައްމަދު ނަޝީދުގެ ސެކިއުރިޓީއާ ގުޅޭ ގޮތުން މަޖިލީހުގެ ދެ މެމްބަރަކު ދެއްކެވި ވާހަކައިގެ ސަބަބުން އެ މަނިކުފާނަށް ޓެރަރިސްޓު ހަމަލާއެއް އަމާޒު ވެދާނެ ކަމަށް ބެލެވޭ ކަމަށް ވިދާޅުވެ މާފަންނު އުތުރު ދާއިރާގެ މެމްބަރު އިމްތިޔާޒު ފަހުމީ ޕޮލިހަށް މައްސަލަ ހުށަހަޅާފައި ވަނިކޮށް، އިމްތިޔާޒުގެ އެ ތުހުމަތުތަކުގެ ސަބަބުން ފުރާނަ ނުރައްކަލަށް ހުށަހެޅިފައިވާ ކަމަށް ވިދާޅުވެ މީދޫ ދާއިރާގެ މެމްބަރު ރޮޒައިނާ އާދަމް ޕޮލިހަށް މައްސަލައެއް ހުށަހަޅުއްވައިފި އެވެ.

ނަޝީދަށް ސަލާމަތާއި ރައްކާތެރިކަން ފޯރުކޮށްދިނުމަށް ދެކޮޅު ހައްދަވައި އަދި އެކަން ހުއްޓުވުމަށް ބާރުއަޅުއްވާ މޭރުމަކުން އެކި ފޯރަމްތަކުގައި ރައްޔިތުންގެ މަޖިލީހުގެ 241 ކޮމިޓީގެ ނައިބު މުގައްރިރު، ހެންވޭރު ދެކުނު ދާއިރާގެ މެމްބަރު ހުސައިން ޝަހީމާއި ރޮޒައިނާ ތަކުރާރުކޮށް ވާހަކަ ދައްކަވަމުން ގެންދެވުމަކީ އެކަމުގައި ނުބައި ރޭވުމެއް އޮތް ކަމެއް ކަމަށް ތުހުމަތު ކުރެވޭ ކަމަށް އިމްތިޔާޒު ޕޮލިހަށް ހުށަހެޅުއްވި ސިޓީގައި ވިދާޅުވެފައިވެ އެވެ.

އިމްތިޔާޒުގެ އެ ތުހުމަތުގެ ސަބަބުން ނަޝީދަށް ތާއީދުކުރާ ބަޔަކު ނުކުމެ ހަމަލާއެއް ދިނުން ވަރަށް އެކަށީގެންވާ ކަމަށާއި ހެންވޭރު ދެކުނު ދާއިރާގެ މެމްބަރު ހުސައިން ޝަމީމުގެ މައްޗަށް ނަޝީދު މީގެ ކުރިން ކުރެއްވި ތުހުމަތުތަކަކާ ގުޅިގެން އެ މެމްބަރުގެ ފުރާނަޔަށް ނުރައްކާވާ ފަދަ ހާލަތުތަކާ ކުރިމަތިލައްވަން ޖެހިވަޑައިގެންނެވި ކަމަށް، ޕޮލިސް ކޮމިޝަނަރު މުހައްމަދު ހަމީދަށް ފޮނުއްވި ސިޓީގައި ރޮޒައިނާ ވިދާޅުވެފައިވެ އެވެ.

Advertisement

"އެހެން ކަމުން އަޅުގަނޑު އެދެނީ އެއްވެސް ހެއްކަކާ ނުލައި ދޮގު ތުހުމަތުތަކެއްގެ މައްޗަށް ބިނާކޮށް އަޅުގަނޑުގެ ބޮލުގައި ނަޝީދު މަރާލަން އުޅުމުގެ ތުހުމަތު މާފަންނު އުތުރު ދާއިރާގެ މެންބަރު އިމްތިޔާޒު ފަހުމީ އެޅުވި މައްސަލަ ދިވެހި ފުލުހުންގެ ހިދުމަތުން ވީ އެންމެ އަވަހަކަށް ބަލައި ދިނުމެވެ. މިކަމުގައި ޖިނާއީ ކުށެއް ވާނަމަ އެކަމަށް ދައުވާ ކޮށްދިނުން އެދެމެވެ،" ރޮޒައިނާ އެދިވަޑައިގެންފައިވެ އެވެ.

އޭނާގެ މައްޗަށް އެފަދަ ތުހުމަތެއް ކޮށް ފުލުހަށް މައްސަލަ ހުށަހެޅީ ސިޔާސީ ބަހުސްކޮށްގެން ވެސް، އަބުރު ކަތިލައިގެން ވެސް ނަޝީދުގެ ޓީމަށް ކުރި ނުހޯދިގެން ކަމަށާއި ނަޝީދު މަރާލަން ރާވާކަމުގެ ތުހުމަތު އެޅުވުމަކީ ވަރަށް ފިނޑި އަދި ނާތަހުޒީބު ކަމެއް ކަމަށް ރޮޒައިނާ ވިދާޅުވި އެވެ.

"އެއްވެސް ހެއްކަކާ ނުލައި އަޅުގަނޑުގެ ބޮލުގައި ރައީސް ނަޝީދު މަރާލަން ރާވާކަމުގެ އިލްޒާމް އެޅުވުން، އެ ބޭފުޅާ އަޅުގަނޑު އެ ހުށަހެޅީ އަޅުގަނޑަށް ބަޔަކު ޖިސްމާނީ ހަމަލާއެއް ދީފާނޭ ހާލަތަކަށެވެ،" ރޮޒައިނާ ވިދާޅުވެފައިވެ އެވެ.

ނަޝީދުގެ ސިޔާސަތުތަކަށާއި ސިޔާސީ ގޮތުން އެ މަނިކުފާނު އަމަލު ކުރައްވަމުން ގެންދަވާގޮތާމެދު ފާޑުވިދާޅުވި ނަމަވެސް ސެކިއުރިޓީ ދޭން ނުޖެހޭނެ ކަމަށް އަދި އެކަން ހުއްޓާލަން ޖެހޭނެ ކަމަށް ވެސް އަދި ބަދަލެއް ގެންނާން ވެސް ވަކާލާތުކޮށްފައި ނުވާނެ ކަމަށް ރޮޒައިނާ ވިދާޅުވި އެވެ.

މިފަހަކަށް އައިސް ސިޔާސީ ގޮތުން ނަޝީދާ އެއްބަސްނުވެވޭ ގިނަ ކަންތައްތަކެއް ހިނގާފައިވުމާއެކު ސިޔާސީ ގޮތުން ފާޑުވިދާޅުވާ ކަމަށާއި ނަމަވެސް އެ މަނިކުފާނަށް ޖިސްމާނީ ގެއްލުމެއް ދޭން ބޭނުންނުވާ ކަމަށް ވެސް އޭނާ ވިދާޅުވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox