ދަގަނޑޭ ސަސް އަށް: "މިއީ ފުޓްބޯޅަ ކެރިއަރުގެ ފެށުމާ ވެސް ގުޅޭ ނިންމުމެއް"

ދަގަނޑޭ (ސަސް) އަށް ސޮއިކުރަން ބޭއްވި ރަސްމިއްޔާތުގެ ތެރެއިން އާބަންކޯގެ މެނޭޖިން ޑިރެކްޓަރު އަހުމަދު އާތިފް (މ) އާއި ސަސްގެ ރައީސް އިސްމާއިލް އާތިފް (ވ).-- ފޮޓޯ: އިސްމާއިލް އަޒްމީން/ އަދަދު

ދަގަނޑޭ (ސަސް) އަށް ސޮއިކުރަން ބޭއްވި ރަސްމިއްޔާތުގެ ތެރެއިން އާބަންކޯގެ މެނޭޖިން ޑިރެކްޓަރު އަހުމަދު އާތިފް (މ) އާއި ސަސްގެ ރައީސް އިސްމާއިލް އާތިފް (ވ).-- ފޮޓޯ: އިސްމާއިލް އަޒްމީން/ އަދަދު

ރާއްޖޭގައި އުފެދުނު އެންމެ މޮޅު ފުޓްބޯޅަ ކުޅުންތެރިޔާ، އަލީ އަޝްފާގު (ދަގަނޑޭ)، ކުރިއަށް އޮތް ސީޒަނުގައި ސުޕަ ޔުނައިޓެޑް ސްޕޯޓްސް (ސަސް) އަށް ކުޅެން ސޮއިކުރީ އެހެން ކްލަބްތަކުގެ ހުށަހެޅުން ވެސް ލިބިފައި އޮއްވަ އެވެ.

ސަސް އަކީ ދަގަނޑޭ، 37، ގެ ކެރިއަރުގައި އޭނާ ކުޅޭނެ ނުވަ ވަނަ ކްލަބް އެެވެ.

ދަގަނޑޭ ވަނީ މީގެ ކުރިން ރާއްޖޭގެ ޓީމުތައް ކަމަށްވާ ކްލަބް ވެލެންސިއާ، ނިއު ރޭޑިއަންޓް ސްޕޯޓްސް ކްލަބް، މާޒިޔާ ސްޕޯޓްސް އެންޑް ރެކްރިއޭޝަން، ޓީސީ ސްޕޯޓްސް ކްލަބް، ކްލަބް ގްރީން ސްޓްރީޓްސް، ވީބީ އައްޑޫ އެފްސީގެ އިތުރުން މެލޭޝިއާގެ ޕީޑީއާރްއެމް އެފްއޭ އާއި ބްރުނާއީގެ ޑީޕީއެމް އަށް ކުޅެފަ އެވެ.

ޕްރެޒިޑެންޓްސް ކަޕްގައި ސަސް ކުޅުނު ފުރަތަމަ މެޗުގެ ތެރެއިން: ދަގަނޑޭ (ކ) ބޯޅަ ހިފައިގެން ވެލެންސިއާގެ އައިހަމް ކައިރިން ބޯޅަ ހިފައިގެންދާން މަސައްކަތް ކުރަނީ.--- ފޮޓޯ: މުހައްމަދު ޝާބިން/ އަދަދު

ދަގަނޑޭ ބުނީ ކެރިއަރުގެ މިހާ ހިސާބުގައި ސަސް އަށް ކުޅެން ނިންމި ނިންމުމަކީ މުޅި ފުޓްބޯޅަ ހަޔާތާ ވެސް ގުޅޭ "ހާއްސަ" ކަމެއް ކަމަށެެެވެ.

"ކުޑަ އިރުއްސުރެ އުޅުނު ސަރަހައްދުގެ ޓީމު މިއީ. މުޅިން ރަށްޓެހިން މި ތިބީ މި ކްލަބްގެ ކަންކަމުގައި. ހަގީގަތުގައި އަބަދުވެސް ބޭނުންވެފައި ހުރީ ކެރިއަރުގެ ކޮންމެ ވެސް ހިސާބަކުން ސަސް އަށް ކުޅެން. ދެން، ސަސް މިހާރު އޮތް ހިސާބުން ކުރިއަށް ގެންދަން އެހީތެރިވެވޭނެ ހުރިހާ ގޮތަކުން ބައިވެރިވެގެން މި ކްލަބާ އެކު ވެސް ކަންކަން ހާސިލްކުރުން އަމާޒަކީ،" ސަސްގެ ކެޕްޓަން ބޭންޑް އަޅައިގެން، މިދިޔަ ހުކުރު ދުވަހުގެރޭ ދެ ގޯލު ޖެހި ދަގަނޑޭ، އިއްޔެ މީޑިއާ އަށް ދިން އިންޓަވިއުއެއްގައި ބުންޏެވެ.

ދަގަނޑޭ، ސަސްއާ ރަސްމީކޮށް ގުޅުމަށް އިއްޔެ ހަވީރު ސަސް ކެފޭގައި ބޭއްވި އިވެންޓްގައި ސަސްގެ ރައީސް އިސްމާއިލް އާތިފް އާއި އާބަންކޯގެ މެނޭޖިން ޑިރެކްޓަރު، އަހުމަދު އާތިފް ބައިވެރިވެވަޑައިގެންނެވި އެވެ.

އޭގެ އިތުރުން މި ސީޒަނުގައި ސަސް ސްކޮޑުގައި ހިމެނޭ ގިނަ ކުޅުންތެރިންގެ އިތުރުން ސަސް އެކެޑަމީގެ އެކި ފަރާތްތަކުން ވެސް ވަނީ މި ހާއްސަ އިވެންޓްގައި ބައިވެރިވެފަ އެވެ.

ސަސް އަށް ސޮއިކުރުމަށް ފަހު، ދަގަނޑޭ (ވ) އެ ކްލަބްގެ ރައީސް އާތިފްއާ އެކު.--- ފޮޓޯ: އިސްމާއިލް އަޒްމީން/ އަދަދު

ސަސްގެ ރައީސް އިސްމާއިލް އާތިފް ވިދާޅުވީ ސަސް ކްލަބް އުފެދިފައި މި އޮތް ސަރަހައްދަކީ ދަގަނޑޭގެ ކެރިއަރާ ހާއްސަ ގުޅުމެއް އޮތް ތަނެއް ކަމަށެވެ. އެ ގޮތުން، ދަގަނޑޭ، ސަސްއާ ކުޅުމަކީ އަބަދުވެސް ކްލަބް މެނޭޖްމަންޓުން ވަރަށް ބޮޑަށް ބޭނުންވެފައި ހުރި ކަމެއް ކަމަށާއި ކެރިއަރުގެ ކޮންމެ ހިސާބަކުން ނަމަވެސް ދަގަނޑޭ ސަސް އަށް ކުޅުން ހާއްސަވާނެ ކަމަށް އާތިފް ގަބޫލުކުރައްވަ އެެވެ.

"މިއީ އަޝްފާގު އުޅެބޮޑުވި ސަރަހައްދު، މި ސަރަހައްދުގެ ޓީމެއް މިހާރު މި އޮތް ހިސާބުން ކުރިއަށް ގެންގޮސްދޭން އަޝްފާގުގެ ވެސް ހާއްސަ އަމާޒެއް އެބައޮތް. އެހެން ކަމުން، މިއީ، އަޝްފާގުގެ ކެރިއަރުގައި ވަރަށް ހާއްސަވާނެ ނިންމުމެއް ކަމަށް ގަބޫލުކުރަނީ، އެއީ މި ކްލަބާ ގިނަ ގޮތްގޮތުން އޭނާ ގުޅޭނެ. އަޝްފާގު ޓީމާ ގުޅުން މިއީ ޓީމުގެ މެނޭޖްމަންޓަށް ވެސް ލިބޭ ހިތްވަރެއް،" އާތިފް ވިދާޅުވި އެވެ.

ސަސްގެ މެނޭޖްމަންޓުން ވަނީ އާބަންކޯ އާއި ރާއްޖޭގެ ސަރުކާރުން ކުޅިވަރަށް ކޮށްދޭ މަސައްކަތަށް ޝުކުރު އަދާކޮށްފަ އެވެ.

އަދި އާބަންކޯ އަކީ ކުޅިވަރުގެ އެކި ކަންކަމަށް ހާއްސަ އަހައްމިއްޔަތުކަމެއް ދީގެން ގިނަ ކަންކަން ކޮށްދޭ ކުންފުންޏެއްކަން ފާހަގަކޮށް، ސަސް އިން ބުނީ އުންމީދަކީ އެ ކްލަބްގެ ކަންކަމުގައި ވެސް މިހާރަށް ވުރެ ގާތްގުޅުމެއް ބަހައްޓައިގެން ކުރިއަށްދާނެ ކަމަށެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox