ހުލާސާކޮށް އިއްޔެ: ރައީސް ސޯލިހާ ބައްދަލުކުރަން ގާސިމާއި ނަޝީދު ހުށަހެޅުއްވުން

Apr 15, 2023, 1:26 AM
ޖުމްހޫރީ ޕާޓީގެ ކޮންގްރެސްގައި ނަޝީދުގައި ގާސިމް. -- ފޮޓޯ: އަދަދު

ޖުމްހޫރީ ޕާޓީގެ ކޮންގްރެސްގައި ނަޝީދުގައި ގާސިމް. -- ފޮޓޯ: އަދަދު

ސެޕްޓެމްބަރު ނުވައެއްގައި ބާއްވާ ރިޔާސީ އިންތިހާބަށް ޖޭޕީގެ ކެންޑިޑޭޓެއްގެ ގޮތުގައި ގާސިމް ވާދަކުރައްވަން ނިންމަވައި، އަދި ނަޝީދާއި ގާސިމްގެ ކޯލިޝަނެއް ހެދުމުގެ މަޝްވަރާތައް ފަށާފައި ވަނިކޮށް އެ ދެ ބޭފުޅުން، ރައީސް އިބްރާހިމް މުހައްމަދު ސޯލިހާ ބައްދަލު ކުރައްވަން ހުށަހެޅުއްވާފައިވާކަން "އަދަދު" ނޫހަށް އެނގިފައިވާކަން އިއްޔެ ރިޕޯޓުކުރި އެވެ.

މިކަން ސަރުކާރުގެ ބައެއް އޮފިޝަލުންނާއި ޖޭޕީގެ އިސް ބައެއް ބޭފުޅުން ކަށަވަރުކޮށް ދެއްވި އެވެ.

އެމްޑީޕީގެ އިސް ބައެއް މެމްބަރުންނާއެކު ދާދި ފަހުން ރައީސް ސޯލިހު ބޭއްވެވި ބައްދަލުވުމެއްގައި ވެސް ނަޝީދު އާއި ގާސިމްގެ އެ ހުށަހެޅުއްވުމުގެ ވާހަކަ ހިއްސާ ކުރެއްވެވި އެވެ.

Advertisement

"ގިނަ ބޭފުޅުން ތާއިދު ކުރެއްވި އެ ބައްދަލުވުން ކުރިއަށް ގެންދަވަން. ސަބަބަކީ އެމްޑީޕީގެ ރައީސް ހިމެނިވަޑައިގަންނަވާ ގޮތަށް ރައީސް [ސޯލިހު] އާ ބައްދަލު ކުރައްވަން ހުށަހެޅުއްވީމަ ބައްދަލު ކުރައްވަން ޖެހޭނެ ކަމަށް ލަފާ ދެއްވީ،" ރައީސްގެ ބައްދަލުވުމުގައި ބައިވެރިވެވަޑައިގެންނެވި ބޭފުޅަކު ވިދާޅުވި އެވެ.

ރައީސް ސޯލިހާ ބައްދަލު ކުރައްވަން ހުށަހެޅުއްވި ވާހަކަ ގާސިމް ވެސް ވަނީ އޭނާގެ ޕާޓީގެ އިސް ބޭފުޅުންނާ ހިއްސާ ކުރައްވައިފަ އެވެ.

ނަމަވެސް ބައްދަލުކުރެއްވުމުގެ ބޭނުމެއް ނޭނގެ އެވެ. އަދި ބައްދަލުކުރައްވަން ރައީސް ސޯލިހު ނިންމެވި ކަމެއް އަދި އެކަމަށް ތާރީހެއް ކަނޑައަޅުއްވާފައިވާ ކަމެއް ނޭނގެ އެވެ.

މުހިންމު ބައްދަލުވުމަކަށް ގާސިމް އާއި ނަޝީދު ހުށަހެޅުއްވިއިރު، ގާސިމްއާއެކު ކޯލިޝަން ހެދުމަށް ނަޝީދު ޝަރުތުކުރާ ކަންކަމުގެ ޑްރާފުޓު ކަރުދާހެއް ވަނީ އިއްޔެ ލީކްވެފަ އެވެ.

"އަދަދު" ނޫހުން ފަޅައިއަރުވާލި އެ ކަރުދާހުގައި ބަރުލަމާނީ ނިޒާމަކަށް ވެރިކަން ބަދަލުކުރުމާއި، ސަރުކާރު ހިންގުމުގެ ބާރު ބޮޑުވަޒީރަށް ލިބޭ ގޮތަށް ހެދުމަށާއި، ސެޕްޓެމްބަރުގައި އޮންނަ ރިޔާސީ އިންތިހާބުގެ ފަހުން، އެ އިންތިހާބު ކާމިޔާބު ކުރާ ކެންޑިޑޭޓު ހުވާ ކުރުމާ ދެމެދު ފެންނަ ވެރިކަމުގެ ނިޒާމާ ގުޅޭ ވޯޓެއް ނަގައި ވެރިކަމުގެ ނިޒާމު ބަދަލުކުރަން ފާސްވެއްޖެނަމަ 2024 ގެ މަޖިލިސް އިންތިހާބު އެ ބަދަލުތަކާ އެކު ބޭއްވުމަށް ހުށަހަޅުއްވާފައިވެ އެވެ.

ނަޝީދުގެ އެ ކަރުދާހާ ގުޅޭ ގޮތުން ޖޭޕީ އާއި ނަޝީދު ވެސް ވިދާޅުނުވާއިރު، އެ ދެ ފަރާތުން ވެސް އެ ކަރުދާސް ދޮގެއް ނުކުރެ އެވެ.

ރާއްޖޭގެ ވެރިކަމުގެ ނިޒާމު، ބަރުލަމާނީ ނިޒާމަށް ފުރޮޅާލުމަށް ނަޝީދު ދެކެވަޑައިގަންނަވާ ހުވަފެން ހަގީގަތަކަށް ހެއްދެވުމަށްޓަކައި، މިދިޔަ އަހަރު އޯގަސްޓް މަހު މާލޭގައި ބޭއްވި އެމްޑީޕީގެ ކޮންގްރެސްއަށް އެ މަނިކުފާނު ގަރާރެއް ވެސް ހުށަހެޅުއްވި އެވެ. ނަމަވެސް، އެ ގަރާރަށް ވޯޓަށް އެހުމުގެ ބަދަލުގައި ގަރާރު ގެންދެވީ އަލުން މަޝްވަރާ ކުރެއްވުމަށް ވިދާޅުވުމަށް ފަހު އެވެ.

"ރައީސުލްޖުމްހޫރިއްޔާއާއެކު މަޝްވަރާކޮށްގެން އަދި ޕާޓީގެ އެހެން ވެސް ގުނަންތަކާ މަޝްވަރާކޮށްގެން އަޅުގަނޑުމެންނަށް ހިމުން އެއްގޮތް އުސޫލުތަކާއި ހަމަތަކެއް ހޯދޭނެ, އެއީ އަޅުގަނޑުގެ ހިތުގަ ޝައްކު ހިނގާނެ ކަމެއް ނޫން," އެ ކޮންގްރެސްގައި ނަޝީދު ވިދާޅުވި އެވެ.

ބަރުލަމާނީ ނިޒާމަށް ބަދަލުކުރަން ނަޝީދު ބޭނުންފުޅުވާއިރު، ރައީސް ސޯލިހު އަދި ގާސިމް ވެސް ތާއިދު ކުރައްވަނީ ރިޔާސީ ނިޒާމަށް ކަމަށް އެ ދެބޭފުޅުން ވިދާޅުވެފައިވެ އެވެ.

ރާއްޖޭގެ ވެރިކަމުގެ ނިޒާމު، ބަރުލަމާނީ ނިޒާމަށް ފުރޮޅާލުމަށް ނަޝީދު ދެކެވަޑައިގަންނަވާ ހުވަފެން ހަގީގަތަކަށް ހެއްދެވުމަށްޓަކައި، މިދިޔަ އަހަރު އޯގަސްޓް މަހު މާލޭގައި ބޭއްވި އެމްޑީޕީގެ ކޮންގްރެސްއަށް އެ މަނިކުފާނު ގަރާރެއް ވެސް ހުށަހެޅުއްވި އެވެ. ނަމަވެސް، އެ ގަރާރަށް ވޯޓަށް އެހުމުގެ ބަދަލުގައި ގަރާރު ގެންދެވީ އަލުން މަޝްވަރާ ކުރެއްވުމަށް ވިދާޅުވުމަށް ފަހު އެވެ.

"ރައީސުލްޖުމްހޫރިއްޔާއާއެކު މަޝްވަރާކޮށްގެން އަދި ޕާޓީގެ އެހެން ވެސް ގުނަންތަކާ މަޝްވަރާކޮށްގެން އަޅުގަނޑުމެންނަށް ހިމުން އެއްގޮތް އުސޫލުތަކާއި ހަމަތަކެއް ހޯދޭނެ, އެއީ އަޅުގަނޑުގެ ހިތުގަ ޝައްކު ހިނގާނެ ކަމެއް ނޫން," އެ ކޮންގްރެސްގައި ނަޝީދު ވިދާޅުވި އެވެ.

ބަރުލަމާނީ ނިޒާމަށް ބަދަލުކުރަން ނަޝީދު ބޭނުންފުޅުވާއިރު، ރައީސް ސޯލިހު އަދި ގާސިމް ވެސް ތާއިދު ކުރައްވަނީ ރިޔާސީ ނިޒާމަށް ކަމަށް އެ ދެބޭފުޅުން ވިދާޅުވެފައިވެ އެވެ.

މުހިންމު ބައެއް ހަބަރު

އެޑިޓަރުގެ ހޮވުން

ކުރީޒަމާނުގައި ގުޑިއެރުވުމަކީ ވަރަށް ބޮޑު އިޙުތިފާލުތަކަކަށްފަހު، ބޮޑު ރަސްމިއްޔާތުތަކެއް އޭގައި ހިމެނިގެން، ކޮށްއުޅުނު މުހިއްމުކަމެކެވެ. އޭރު އިރުވައި މޫސުން ފެށޭއިރަށް، ނުވަތަ އިރުވައިމޫސުމުގެ ފުރަތަމަ ނަކަތްކަމުގައިވާ މުލަނަކަތް ލައިގަންނައިރަށް، އެކަން އިޢުލާންކުރުމަށް މުހިއްމު ކަންތައްތަކެއް ކުރިއަށްގެންދެއެވެ. ގުޑިއެރުުވުމުގެ އެހާރު ހަނދާންކޮށްލަމާ ހިންގަވާށެވެ.

ދުވަހުގެ ކޯޓޭޝަން

ހިޔާ ފްލެޓުގެ ޓަވަރެއްގައި މިރޭ އަލިފާން ރޯވާން މެދުވެރިވީ ނިއްވާނުލައި އެއްލާލި ސިގިރެޓެއްގެ ސަބަބުން ކަމަށާއި އެފަދަ އަމަލުތައް ކުރާ މީހުންނާއި މެދު ހަރުކަށި ފިޔަވަޅު އަޅާނެ ކަމުގެ އިންޒާރު އާބަންކޯއިން ރޭ ދިނެވެ. އެ ކުންފުނިން ވިދާޅުވީ،.

މިފަދަ އަމަލުތައް ކުރާ ފަރާތްތަކާއި ޔުނިޓްތައް ދެނެގަނެ ހަރުކަށި ފިޔަވަޅު އަޅާނެ ވާހަކަ ދެންނެވީމެވެ. މި ފަދަ ހާދިސާތައް ތަހުޤީޤު ކުރުމަށްފަހު ރައްޔިތުންގެ ސަލާމަތަށް އިހްމާލުވެފައިވާ ފަރާތްތަކުގެ ޔުނިޓް އަތުލުމުގެ ފުރުސަތުވެސް އޮންނާނެ,"

ދުވަހުގެ ފޮޓޯ

ޕްރެޒިޑެންޓް ކަޕްގައި ރޭ ސަސް އާއި ވެލެންސިއާ ކުޅުނު މެޗްގައި ސަސްގެ އަޝްފާގު (ދަގަނޑޭ) ފޮނުވާލި ބޯޅައެއް ވެލެންސިއާގެ ކީޕަރު ދިފާއު ކުރަނީ. -- ފޮޓޯ: މުހައްމަދު ޝާބިން/ އަދަދު
ޕްރެޒިޑެންޓް ކަޕްގައި ރޭ ސަސް އާއި ވެލެންސިއާ ކުޅުނު މެޗްގައި ސަސްގެ އަޝްފާގު (ދަގަނޑޭ) ފޮނުވާލި ބޯޅައެއް ވެލެންސިއާގެ ކީޕަރު ދިފާއު ކުރަނީ. -- ފޮޓޯ: މުހައްމަދު ޝާބިން/ އަދަދު

ޕްރެޒިޑެންޓް ކަޕްގައި ރޭ ސަސް އާއި ވެލެންސިއާ ކުޅުނު މެޗްގައި ސަސްގެ އަޝްފާގު (ދަގަނޑޭ) ފޮނުވާލި ބޯޅައެއް ވެލެންސިއާގެ ކީޕަރު ދިފާއު ކުރަނީ. -- ފޮޓޯ: މުހައްމަދު ޝާބިން/ އަދަދު

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox