މަތީ ސާނަވީ ތައުލީމު ހާސިލު ކުރުމަށްފަހު ހަމަ ކޮންމު ކުއްޖަކު ވެސް ދެން އެންމެ ދެކެން ބޭނުންވާ ދުވަހަކީ ދުނިޔޭގެ ދުނިޔެ ގަބޫލު ކުރަ ފެންވަރުގެ ސެޓުފިކެޓެއް ހާސިލު ކުރުމެވެ. ރާއްޖޭގައި ހުރެގެން ވެސް އެފަދަ އެތައް ބައިވަރު ކޯހެއްގައި ބައިވެރިވެ ކިޔެވުމުގެ ފުރުސަތު ފަހުވެފައި އޮތެއް ކަމަކު، ރާއްޖޭގައި ކިޔަވައިގެން ދުނިޔޭގެ މަޝްހޫރު ޔުނިވާސިޓީއެއްގެ ސެޓުފިކެޓު ހޯދުމަކީ ވުމަށްވުރެ ނުވުން ގާތް ކަމެކެވެ.
ޒަމާނަށް އަންނަމުން ދާ ބަދަލާއި، ދުވަހަކަށް ވުރެ ދުވަހެއް ރާއްޖޭގައި ތައުލީމީ ހިދުމަތްދޭ ތަންތަނުގެ ފެންވަރު ވެސް މަތިވަމުންދާ ދިއުމާ އެކު ވިލާ ކޮލެޖުން ވަނީ ރާއްޖޭގައި ހުރެގެން ބޭރުގެ މަޝްހޫރު ޔުނިވާސިޓީތަކުގެ ސެޓުފިކެޓު ހާސިލު ކުރެވޭނެ މަގު ފަހުކޮށްދީފަ އެވެ.
މިދިޔަ އަހަރު އެ ކޮލެޖުން ވަނީ މެލޭޝިއާގެ މަޝްހޫރު، ޓޭލާސް ޔުނިވާސިޓީއާ ގުޅިގެން ރާއްޖޭގައި ކޯސްތަކެއް ހިންގުމުގެ އެއްބަސްވުމެއްގައި އެ ކޮލެޖާ އެކު ސޮއި ކޮށްފަ އެވެ. އެ އެއްބަސްވުމުގެ ދަށުން މިހާރު ވަނީ ފަސް ކޯހެއްގައި ބައިވެރި ވުމުގެ ފުރުސަތު ވެސް ހުޅުވާލައިފަ އެވެ.
ޓޭލާސް ޔުނިވާސިޓީއާ ގުޅިގެން އަންނަ މެއި މަހު ވިލާ ކޮލެޖުގައި ފެށުމަށް ހަމަޖެހިފައި ވަނީ:
- ބެޗުލާސް އޮފް މާސް ކޮމިއުނިކޭޝަން (އޮނާސް)
- މާސްޓާ އޮފް ކޮމިއުނިކޭޝަން
- ބެޗުލާސް އޮފް ކަލިނަރީ މެނޭޖުމަންޓު (އޮނާސް)
- މާސްޓާ އޮފް އިންޓަނޭޝަނަލް ހޮސްޕިޓާލިޓީ މެނޭޖުމަންޓު
- ބެޗުލާސް އޮފް އިންޓާނޭޝަނަލް ހޮސްޕިޓާލިޓީ މެނޭޖުމަންޓު (އޮނާސް)
މި ފަސް ކޯހަކީ ވެސް ޓޭލާސް ޔުނިވާސިޓީއާ ގުޅިގެން ރާއްޖޭގައި ހިންގުމަށް ނިންމާފައިވާ ކޯސްތަކެވެ. ކޯސްތަކުގައި ބައިވެރިވުމުގެ ފުރުސަތު މިހާރު ހުޅުވާލައިފައި ވާއިރު، މީގެ އިތުރުން ވެސް ތަފާތު އެކި ޔުނިވާސިޓީތަކާ ގުޅިގެން އެކި ތަފާތު ޕުރޮގުރަމުތައް ވިލާ ކޮލެޖުން ހިންގަމުންދެ އެވެ.
ބެޗުލާސް އޮފް މާސް ކޮމިއުނިކޭޝަން (އޮނާސް)
ތިން އަހަރު ދުވަހުގެ މި ކޯސް ކިޔަވައިދެމުން ގެންދާނީ ކުލާހަށް ހާޒިރު ކޮށްގެންނެވެ. މަހުން މަހަށް ކޯހުގެ ފީއެއްގެ ގޮތުގައި ދައްކަން ޖެހޭނީ 5150ރ. އެވެ. ސަރުކާރުގެ ހިލޭ ޑިގުރީގެ ދަށުން ބައިވެރިވާ ދަރިވަރެއް ނަމަ، ކޮންމެ މަހަކަށް 3650ރ. އެވެ.
ކޯހުގައި ބައިވެރިވުމުގެ ޝަރުތު
އޭ-ލެވެލް އިމްތިހާނުން ތިން މާއްދާއިން ދަށް ވެގެން އީ ފާސް ލިބިފައި ވުމާއެކު މަތީ ސާނަވީ އިމްތިހާނު ފުރިހަމަ ކޮށްފައިވުމާ އެކު އޯލެވެލް އިމްތިހާނުގައި އިނގިރޭސިން ސީ ފާހެއް ލިބިފައިވުން ނުވަތަ ގުޅޭ ދާއިރާއަކުން އެޑްވާންސް ސެޓުފިކެޓެއް ލިބިފައިވުމާ އެކު އޯލެވެލް އިމްތިހާނުގައި ސީ ފާސް ލިބިފައިވުން.
މި ކޯހުން ހާއްސަ ވެވިދާނެ ދާއިރާތައް
- އެޑްވަޓައިޒިން އެންޑު ބުރޭންޑު މެނޭޖުމަންޓު
- ޑިޖިޓަލް މީޑިއާ ޕުރޮޑަކްޝަން
- ނޫސްވެރިކަމާއި މީޑިއާތަކާ ގުޅުންހުރި މަސައްކަތް
- ޕަބްލިކް ރިލޭޝަންސް
މާސްޓާ އޮފް ކޮމިއުނިކޭޝަން
ދޮޅު އަހަރު ދުވަހުގެ މި ކޯސް ކުރިއަށް ގެންދާނީ ކުލާހަށް ހާޒިރު ކޮށްގެންނެވެ. މަހުން މަހަށް ފީއެއްގެ ގޮތުގައި ދައްކަން ޖެހޭނީ 5999ރ. އެވެ. ކޯހުގެ މުއްދަތަކީ ޖުމުލަ 16 މަސްދުވަހެވެ.
ކޯހުގައި ބައިވެރިވުމުގެ ޝަރުތު
ކޮލެޖުން ގަބޫލު ކުރާ ފެންވަރުގެ ބެޗުލާސް ޑިގުރީއަކުން ސީޖީޕީއޭ ނަތީޖާ 2.50 އަށްވުރެ މަތިން ހާސިލުކޮށްފައިވުން. (ކޯހާއި ނުގުޅޭ ދާއިރާއަކުން ޑިގުރީ ހާސިލު ކޮށްފައިވާ ދަރިވަރުން އެމްކިއުއޭއިން ގަބޫލު ކުރާ ފެންވަރުގެ ޕްރީ މާސްޓާސް ޕުރޮގުރާމެއް ފުރިހަމަ ކުރަން ޖެހޭނެ) ނުވަތަ؛
މެލޭޝިއާއިން ނޫނީ ރާއްޖޭގެ ސަރުކާރުން ގަބޫލު ކުރާ ފެންވަރުގެ ބެޗުލާސް ޑިގުރީއަކުން ސީޖީޕީއޭ ނަތީޖާ 2.00 އާއި 2.50 އާ ދޭތެރޭގެ ނަތީޖާއެއް ހޯދާފައިވުމާ އެކު ގުޅު ހުރި ދާއިރާއެއްގައި މަދުވެގެން ފަސް އަހަރު ދުވަހު މަސައްކަތް ކޮށްފައިވުން. (ކޯހާއި ނުގުޅޭ ދާއިރާއަކުން ޑިގުރީ ހާސިލު ކޮށްފައިވާ ދަރިވަރުން އެމްކިއުއޭއިން ގަބޫލު ކުރާ ފެންވަރުގެ ޕްރީ މާސްޓާސް ޕުރޮގުރާމެއް ފުރިހަމަ ކުރަން ޖެހޭނެ) ނުވަތަ؛
ކޯހާއި ގުޅުންހުރި ދާއިރާއަކުން ލެވެލް 8 ގެ ޑިޕްލޮމާއެއް ހާސިލު ކޮށްފައިވުން.
ބެޗުލާސް އޮފް ކަލުނަރީ މެނޭޖުމަންޓު (އޮނާސް)
ތިން އަހަރު ދުވަހުގެ މި ކޯސް ކުރިއަށް ގެންދާނީ ކުލާހަށް ހާޒިރުކޮށްގެންނެވެ. މަހުން މަހަށް ފީއެއްގެ ގޮތުގައި ދައްކަން ޖެހޭނީ 6699 ރ. އެވެ. ސަރުކާރުގެ ހިލޭ ޑިގުރީގެ ދަށުން ނަމަ، 5032ރ. އެވެ.
ކޯހުގައި ބައިވެރިވުމުގެ ޝަރުތު
އޭލެވެލް އިމްތިހާތުނުގައި މަދުވެގެން ދެ މާއްދާއިން އީ ފާހަށްވުރެ މަތިން ލިބިފައިވުން ނުވަތަ؛ އެމްއެންކިއުއެފް ލެވެލް 4 ގެ ސަނަދެއް ލިބިފައިވުން.
އިނގިރޭސި ފެންވަރު:
އޯލެވެލް ނުވަތަ އެ ފެންވަރުގެ އެހެން ކޯހަކުން އޭ ފާހެއް ލިބިފައިވުން ނުވަތަ؛ އޯލެވެލް އިމްތިހާނު ފެންވަރުގެ އެންޓުރީ އިމްތިހާނެއް ފުރިހަމަ ކޮށްފައިވުން ނުވަތަ؛ މަތީ ސާނަވީ ތައުލީމު، އިނގިރޭސި މީޑިއަމަށް ކިޔަވާފައިވުން.
މާސްޓާ އޮފް އިންޓަނޭޝަނަލް ހޮސްޕިޓާލިޓީ މެނޭޖުމަންޓު
ދޮޅު އަހަރު ދުވަހުގެ މި ކޯސް ކިޔަވައިދޭނީ ކުލާހަށް ހާޒިރުކޮށްގެންނެވެ. 26 މަހަށް، މަހުން މަހަށް ފީއެއްގެ ގޮތުގައި ދައްކަން ޖެހޭނީ 5999ރ. އެވެ.
ކޯހުގައި ބައިވެރިވުމުގެ ޝަރުތު
ކޮލެޖުން ގަބޫލު ކުރާ ފެންވަރުގެ ބެޗުލާސް ޑިގުރީއަކުން ސީޖީޕީއޭ ނަތީޖާ 2.50 އަށްވުރެ މަތިން ހާސިލުކޮށްފައިވުން. (ކޯހާއި ނުގުޅޭ ދާއިރާއަކުން ޑިގުރީ ހާސިލު ކޮށްފައިވާ ދަރިވަރުން އެމްކިއުއޭއިން ގަބޫލު ކުރާ ފެންވަރުގެ ޕްރީ މާސްޓާސް ޕުރޮގުރާމެއް ފުރިހަމަ ކުރަން ޖެހޭނެ) ނުވަތަ؛
މެލޭޝިއާއިން ނޫނީ ރާއްޖޭގެ ސަރުކާރުން ގަބޫލު ކުރާ ފެންވަރުގެ ބެޗުލާސް ޑިގުރީއަކުން ސީޖީޕީއޭ ނަތީޖާ 2.00 އާއި 2.50 އާ ދޭތެރޭގެ ނަތީޖާއެއް ހޯދާފައިވުމާ އެކު ގުޅު ހުރި ދާއިރާއެއްގައި މަދުވެގެން ފަސް އަހަރު ދުވަހު މަސައްކަތް ކޮށްފައިވުން. (ކޯހާއި ނުގުޅޭ ދާއިރާއަކުން ޑިގުރީ ހާސިލު ކޮށްފައިވާ ދަރިވަރުން އެމްކިއުއޭއިން ގަބޫލު ކުރާ ފެންވަރުގެ ޕްރީ މާސްޓާސް ޕުރޮގުރާމެއް ފުރިހަމަ ކުރަން ޖެހޭނެ) ނުވަތަ؛
ކޯހާއި ގުޅުންހުރި ދާއިރާއަކުން ލެވެލް 8 ގެ ޑިޕްލޮމާއެއް ހާސިލު ކޮށްފައިވުން.
ބެޗުލާސް އޮފް އިންޓަނޭޝަނަލް ހޮސްޕިޓާލިޓީ މެނޭޖުމަންޓު (އޮނާސް)
ތިން އަހަރު ދުވަހުގެ މި ކޯސް ކުރިއަށް ގެންދާނީ ކުލާހަށް ހާޒިރު ކޮށްގެންނެވެ. މަހުން މަހަށް ފީއެއްގެ ގޮތުގައި ދައްކަން ޖެހޭނީ 5150ރ. އެވެ. ސަރުކާރުގެ ހިލޭ ޑީގުރީގެ ދަށުން ނަމަ، 3483ރ. އެވެ.
ކޯހުގައި ބައިވެރިވުމުގެ ޝަރުތު
އޭލެވެލް އިމްތިހާނުން މަދުވެގެން ދެ މާއްދާއިން އެންމެ ދަށްވެގެން އީ ފާސް ލިބިފައިވުން ނުވަތަ އެޑްވާންސް ސެޓުފިކެޓެއް ހާސިލުކޮށްފައިވުން.
މި ފަސް ޕުރޮގުރާމުގައި ކިޔެވުމުގެ ފުރުސަތު ވިލާ ކޮލެޖުން ހުޅުވާލައިފައި ވާއިރު، ރާއްޖޭގައި ތިބެގެން މިފަދަ ކޯސްތަކެއް ހެދުމުގެ ފުރުސަތު ލިބިގެން އެ ދާއިރާތަކުން ކުރިއަށް ދާން ބޭނުންވާ ކުދިންނަށް ލިބިގެންދާ ރަނުގެ ފުރުސަތެކެވެ.
މާލީ ގޮތުންނާއި އެނޫން ވެސް އެތައް ގޮތަކުން ކުރީއްސުރެ ދެކެމުން އައި ހުވަފެންތަކުގައި ކުލަ ޖައްސާލުމަކީ މިހާރު ވިލާ ކޮލެޖުގެ އެހީއާއެކު މާ އުނދަގޫ ކަމެއް ނޫނެވެ.
ވިލާ ކޮލެޖުގެ ވެބްސައިޓު މެދުވެރިކޮށް އޮންލައިންކޮށް އެ ކޯސްތަކަށް ޝަރުތު ހަމަވާ ފަރާތްތަކަށް އެޕްލައި ކުރެވޭނެ އެވެ. އަދި ވިލާ ކޮލެޖަށް ހާޒިރުވެގެން ވެސް އެ ކޯސްތަކާ ބެހޭ އިތުރު މައުލޫމާތު ހޯދާލެވޭނެ އެވެ.
