ސަރުކާރުން އެއްވެސް މީހަކަށް ވަޒީފާގެ ބިރެއް ނުދައްކާނެ: މިއުވާން

ރައީސް އޮފީހުގެ ތަރުޖަމާނު މިއުވާން މުހައްމަދު؛ ސަރުކާރުން އެއްވެސް މީހަކަށް ވަޒީފާގެ ބިރު ނުދައްކާ ކަމަށް ވިދާޅުވި -- ފޮޓޯ: ރައީސް އޮފީސް

ރައީސް އޮފީހުގެ ތަރުޖަމާނު މިއުވާން މުހައްމަދު؛ ސަރުކާރުން އެއްވެސް މީހަކަށް ވަޒީފާގެ ބިރު ނުދައްކާ ކަމަށް ވިދާޅުވި -- ފޮޓޯ: ރައީސް އޮފީސް

ސަރުކާރުން އެއްވެސް މީހަކަށް ވަޒީފާގެ ބިރު ނުދައްކާނެ ކަމަށް ސަރުކާރުގެ ތަރުޖަމާނު މިއުވާން މުހައްމަދު ވިދާޅުވެއްޖެ އެވެ.

މިއަދު ބޭއްވި ނޫސްވެރިންގެ ބައްދަލުވުމުގައި މިއުވާން ވިދާޅުވީ، ސަރުކާރުގެ ވަޒީފާތަކުގައި ތިބި މީހުންނަށް ވަޒީފާގެ ބިރެއް ނޯންނާނެ ކަމަށާއި، މިފަހުން ވަޒީފާއިން ވަކިކޮށްފައި ވަނީ، ސިޔާސީ މަގާމުތަކުގައި ތިބި މީހުން ކަމަށެވެ.

ސިޔާސީ މަގާމުތަކަކީ، ކޮންޓްރެކްޓަކާ ނުލައި، ރައީސުލްޖުމްހޫރިއްޔާއަށް ލިބިފައިވާ ބާރުގެ ދަށުން އައްޔަންކުރާ މަގާމުތަކެއް ކަމަށްވާތީ، އެ މަގާމުތަކުން މީހުން ވަކިކުރުމުގެ އިހްތިޔާރު ރައީސުލްޖުމްހޫރިއްޔާއަށް ލިބިގެންވާ ކަމަށް މިއުވާން ވިދާޅުވި އެވެ. އޭނާ ވިދާޅުވީ، ސިޔާސީ މަގާމުތަކުގައި ތިބޭ މީހުންގެ މަސްއޫލިއްޔަތަކީ ސަރުކާރުގެ ސިޔާސަތުތައް ތަންފީޒު ކުރުން ކަމަށެވެ.

Advertisement

"ހެނދުނު ނިކުމެ، ސަރުކާރުގެ ސިޔާސަތު ތަންފީޒު ކުރަން އުޅެފަ، ރޭގަނޑު އެ ފިކުރެއްގެ މީހުންނާއެކު ނިކުމެ ހެނދުނު ތަންފީޒުކުރަން އެ އުޅުނު ސިޔާސަތު ގޯސްކޮށް ވާހަކަ ދައްކާނަމަ، އެއްގޮތުން ދަންނަވާނަމަ ސިޔާސީ ކަންކަމަށް ލޯ ނުހުޅުވެނީއޭ ނުވަތަ އެ މަގާމުގައި އެ ބޭފުޅަކު ކުރުމުގެ ބޭނުން ކެނޑެނީ،" މިއުވާން ވިދާޅުވި އެވެ.

އޭނާ ވިދާޅުވީ ސިޔާސީ ފިކުރު ހުރި ގޮތަކުން، ސިވިލް ސާވިސް އާއި އާންމު ވަޒީފާތަކުގައި ތިބި މީހުންނަށް ވަޒީފާގެ އެއްވެސް ބިރެއް ނޯންނާނެ ކަމަށެވެ. އަދި ކުރީ ސަރުކާރުގައި ކަން ކުރި ގޮތަށް ވަޒީފާ އަދާކުރާތަން ބަދަލުކުރުމާއި، ގުޅުމެއް ނެތް މަސައްކަތްތައް ހަވާލު ކުރުން ފަދަ ކަމެއް މި ސަރުކާރުން ނުކުރާނެ ކަމަށް ވެސް އޭނާ ވިދާޅުވި އެވެ.

މިއުވާން އިތުރަށް ވިދާޅުވީ، ވަޒީފާގެ މަސްއޫލިއްޔަތު އަދާނުކޮށްގެން، ފަރުވާ ކުޑަވެގެން ނުވަތަ ކުށެއްކޮށްގެން މީހަކު ވަޒީފާއިން ވަކިކޮށްގެން ނުވަތަ ފިޔަވަޅު އެޅުމަކީ އެއީ ސިޔާސީ ގޮތުން އަޅާ ފިޔަވަޅެއް ނޫން ކަމަށެވެ.

ވިއްސަކަށް މިނިޓަށް ކުރިއަށް ދިޔަ ނޫސްވެރިންގެ ބައްދަލުވުމުގައި މިއުވާން ވިދާޅުވީ، ވަޒީފާގެ ބިރު ނޯންނާނެ ކަމަށް ރައީސް ވިދާޅުވި ވީޑިއޯ ޝެއާކޮށް، ސިޔާސީ މަގާމުތަކުގައި ތިބި މީހުން ވަކިކުރުމާ ގުޅުވައި ސޯޝަލް މީޑިއާގައި ވާހަކަ ދައްކަނީ ސިޔާސީ ކަންކަމުގެ އެންމެ އަސާސީ ކަންކަން ނޭނގޭ މީހުން ކަމަށެވެ.

"އަޅުގަނޑު އެހާ ބޮޑަކަށް އެކަމުގައި ހައިރާނެއް ނުވޭ. ހާމަކަން ބޮޑު އިންތިހާބެއްގެ ނަތީޖާއެއް ގަބޫލުނުކޮށް 2018ގައި ވެސް، މިހާރުވެސް އުޅުއްވާ އެއް ބޭފުޅުންތަކެއް އެކަންކަމުގައި އެ އުޅުއްވަނީ" ވަޒީފާގެ ބިރު އޮތް ކަމަށް ބުނެ ވާހަކަ ދައްކަނީ، އިދިކޮޅަށް ނިސްބަތްވާ މީހުންކަން އިޝާރާތްކުރައްވަމުން މިއުވާން ވިދާޅުވި އެވެ.

އަންނަ ރިޔާސީ އިންތިހާބުގައި ވާދަކުރުމަށް އެމްޑީޕީގެ ރިޔާސީ ޓިކެޓު ރައީސް ސޯލިހު ކާމިޔާބު ކުރެއްވި ނަމަވެސް، އެމަނިކުފާނާ ވާދަކުރެއްވި ޕާޓީގެ ރައީސް އަދި ކުރީގެ ރައީސް މުހައްމަދު ނަޝީދު ވަނީ ވަކި ފެކްޝަނެއް ހައްދަވައިގެން ފާޅުގައި ނުކުންނަވައިފަ އެވެ. ނަޝީދުގެ "ފިކުރެއްގެ ދިރުން" ފެކްޝަނުން ވަނީ އިންތިހާބުގައި ވަކިން ވާދަކުރަން ނިންމާފައިވާ ޖުމްހޫރީ ޕާޓީއަށް ތާއީދުކުރަން ނިންމައިފަ އެވެ.

އެއާއެކު ސަރުކާރުގައި މިހާރު ތިިއްބެވި ނަޝީދު ފެކްޝަނުގެ ބޭފުޅުން ވަނީ ވަކިކުރަން ފަށައިފަ އެވެ. އޭގެ ތެރޭގައި ރައީސް އޮފީހުގެ މިނިސްޓަރުގެ މަގާމުގައި ހުންނެވި އެމްޑީޕީގެ ނައިބު ރައީސް މުހައްމަދު ޝިފާޒްގެ އިތުރުން އެސްޓީއޯގެ އެމްޑީ ހުސެއިން އަމްރު ހިމެނެ އެވެ.

މީގެ އިތުރުން، ރައީސް ސޯލިހަށް ތާއިދުނުކޮށް ޖޭޕީގެ ސްލޮޓުތަކުގައި ތިއްބެވި ބޭފުޅުން މަގާމުން ވަކިކުރަން އެމްޑީޕީގެ ތެރެއިން ދަނީ ގޮވާލަމުންނެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox