މޯލްޑިވްސް އެއާޕޯޓްސް ކޮމްޕެނީ ޕްރައިވެޓް ލިމިޓެޑް (އެމްއޭސީއެލް) އިން ޓެންޑާއާ ގުޅޭ މަސައްކަތްތައް މެނޭޖު ކުރުމަށް އޮންލައިން ޕޯޓަލްއެއް ލޯންޗު ކުރުމަށް ނިންމައިފި އެވެ.
އެ ކުންފުނިން ބުނީ އޮންލައިން ޕޯޓަލް ލޯންޗު ކުރުމަށް ހަމަޖެހިފައިވަނީ މި މަހުގެ ފަސް ވަނަ ދުވަހު ކަމަށެވެ.
މި ޕޯޓަލްގެ ބޭނުމަކީ ބީލަންތަކާއި ގުޅޭ ހުރިހާ މަސައްކަތެއް ސްޓްރީމްލައިންކޮށް އޮޓޮމޭޓުކޮށް، ޓެންޑާގެ ހުރިހާ ހަރަކާތެއްގައި ދެފުށް ފެންނަ ގޮތަށް އާ ޓެންޑާ ޕޯޓަލްއެއް ލޯންޗު ކުރުމަށް ނިންމައިފި އެވެ.
މި ޓެންޑާ ޕޯޓަލް މެދުވެރިކޮށް ވިއްކާ ފަރާތްތަކަށް ޓެންޑާ ރަޖިސްޓްރީ ކުރުމާއި، ބެލުމާއި، ރިކުއެސްޓް ފޯ ކޯޓޭޝަން (އާރްއެފްކިއު) އަދި އެމްއޭސީއެލުން ދޫކުރާ އެކްސްޕްރެޝަންސް އޮފް އިންޓްރެސްޓް (އީއޯއައި) އަށް ޖަވާބުދާރީވުމުގެ ސެންޓްރަލައިޒްޑް ޕްލެޓްފޯމެއް ލިބިގެންދެ އެވެ.
މި ޕޯޓަލް ފަރުމާކޮށްފައިވަނީ ދެފުށް ފެންނަ މިންވަރު އިތުރުކޮށް ޕްރޮކިއުމަންޓް މަރުހަލާގައި އިންސާފުވެރިކަން ކަށަވަރުކޮށް ޓެންޑާ މަރުހަލާގައި ވެންޑަރުންނަށް ރަޖިސްޓްރީކޮށް ބައިވެރިވުމުގެ ޕްލެޓްފޯމެއް ފަހިކޮށްދިނުން ކަމަށް އެ ކުންފުނިން ބުނެ އެވެ.
އެމްއޭސީއެލުން ބުނީ މި ޕޯޓަލް މެދުވެރިކޮށް މައްސަަލަ ހުށަހަޅަން ޖެހޭ މިންވަރު މަދުވެ، ޕްރޮކިއުމަންޓް ޕްރޮސެސް ހަރުދަނާ ވެގެންދާނެ ކަމަށެވެ.
މި ޕޯޓަލްގައި ރަޖިސްޓްރީވުމަށް ބޭނުންވާ ފަރާތްތަކުން ވެންޑާ ޕްރޮފައިލް އަޕްޑޭޓް ކުރުމަށްފަހު އެމްއޭސީއެލްގެ ވެބްސައިޓްގައިވާ "ޓެންޑަރ" ޕޭޖަށް ޒިޔާރަތްކޮށް "ޓެންޑަރ ޕޯޓަލް" އަށް ވަދެ ޕޯޓަލް މެދުވެރިކޮށް އެކްޓިވް، އާކައިވް އަދި އަމިއްލަ ޓެންޑަރުތައް ބަލާލެވޭނެ ކަމަށްވެސް އެމްއޭސީއެލް އިން ބުންޏެވެ.
