70 ޕަސެންޓާ ހަމައަށް ޑިސްކައުންޓު ލިބޭ 'ސުޕަ ފާސްޓު ރަމަޟާން ސޭލް' މުނި ހޯމްކެއާގައި ފަށައިފި އެވެ.
އެ ޕްރޮމޯޝަން ކުރިއަށް ދާނީ އަންނަ މަހުގެ 21، ގެ ނިޔަލަށް އަމީނީ މަގުގައި ހުންނަ މުނި ލިވިން ސެންޓާ އަދި ޕެއިންޓު ސެންޓާ އާއި ބޮޑުތަކުރުފާނު މަގުގައި ހުންނަ މުނި ޓްރޭޑާސް އަދި ފާނީޗާ ސެންޓާގަ އެވެ.
ސުޕަ ފާސްޓު ރަމަޟާން ސޭލްގެ ތެރެއިން މުނި ހޯމްކެއާގެ ފިހާރަތަކުން ވިއްކާ ލިވިން، ބެޑްރޫމް، އޮފީސް، އައުޓްޑޯ ފަރުނީޗަރު، އޮފީސް ވޯކު ސްޓޭޝަންސް، ސެނިޓަރީވެއާ ޕްރޮޑަކްޓު، މޮޑިއުލާ ކިޗެން ކަބަޑު، ފްލޯ، ވޯލް ޓައިލްސް، ކެމިކަލް ސިމެންތި އަދި ވިޓެކްސް/ސެންމާކޯ ޕެއިންޓުގެ ބާވަތްތަކުން ޑިސްކައުންޓު ލިބޭނެ އެވެ.
އެ ޕްރޮމޯޝަނާ ގުޅޭގޮތުން މުނި ހޯމްކެއާގެ އޮޕަރޭޝަންސް މެނޭޖަރު، އިމްރާން މުހައްމަދު ވިދާޅުވީ، ރަމަޟާން މަހަށް ހާއްސަކޮށް މިވަރުގެ ބޮޑެތި ޑިސްކައުންޓުތަކެއް މުނި ހޯމްކެއާއިން ދެވުމަކީ އެ ކުންފުނިން އެކަމާ ވަރަށް އުފާކުރާ ކަމެއް ކަމަށެވެ.
"އަޅުގަނޑުމެން ގަބޫލު ކުރަނީ މިވަގުތަކީ އަޅުގަނޑުމެންގެ ކަސްޓަމަރުން އެޕްރިޝިއޭޓުކުރުމުގެ ގޮތުން ޑިސްކައުންޓުތަކާއި ހާއްސަ އޮފާތައް އެމީހުންނަށް ދޭން އެންމެ މުނާސަބު ވަގުތުކަމަށް،" އިމްރާން ވިދާޅުވި އެވެ.
"މިއީ (ރަމަޟާން މަހަކީ) އެންމެން އެއްބައިވެ އަޚުވަންތަވެ އުފާ ކުރަންވީ ދުވަސްވަރެއް، ވަރަށް ފަހުރުވެރިވޭ އެ އުފަލުގައި ބައިވެރިވެވޭތީ،"
ސުޕަ ފާސްޓު ރަމަޟާން ސޭލްގެ މުއްދަތުގައި މުނި ހޯމެކެއާގެ ފިހާރަތަކަށް ޒިޔާރަތް ކުރާ ކަސްޓަމަރުންގެ ތެރެއިން ހޮވޭ ނަސީބުވެރި ތިން ފަރާތަކަށް އަގުހުރި އިނާމުތަކެއް އެ ކުންފުނިން ހުށަހަޅާފައިވެ އެވެ.
އެގޮތުން އެއްވަނައަށް ހޮވޭ ނަސީބުރިއަކަށް ހަ ފޫޓުގެ މޮޑިއުލާ ކިޗެން އެއް ހުށަހަޅާފައި ވާއިރު، ދެވަނައަށް ހުށަހަޅާފައި ވަނީ ޓްވީކް ސްވިންގެކެވެ. އަދި ތިންވަނައަށް ހޮވޭފަރާކަށް މުނި ހޯމްކެއާއިން ހުށަހަޅާފައި ވަނީ ތިން މީހުންގެ ޖާގައިގެ ސޯފާ އެކެވެ.
އަދި އެ މުއްދަތުގައި މުނި ހޯމްކެއާގެ ފާނީޗާ ސެންޓަރާއި މުނި ޓްރޭޑާސް އަދި މުނި ލިވިން ސެންޓަރުން 5000ރ. އަށްވުރެ މަތިން ކުރާ ކޮންމެ ވިޔަފާރިއަކަށް ހާއްސަ އިނާމެއް ލިބޭނެ އެވެ.
ސުޕަ ފާސްޓު ސޭލްގެ ތެރެއިން މުނި ޕެއިންޓު ސެންޓަރުން ވިޔަފާރި ކުރާ ކަސްޓަމަރުންގެ މެދުގައި ނެގޭ ގުރުއަތެއް ނެގުމަށް ވެސް ހަމަޖެހިފައިވެ އެވެ. ގުރުއަތުން ހޮވޭ ނަސީބުވެރިއަކަށް އެ ކުންފުނިން ހުށަހަޅާފައި ވަނީ 55 އިންޗީގެ، ހައިސެންސް ޔޫއެޗްޑީ، 4ކޭ، ސްމާޓް ޓީވީ އެކެވެ.
ދިވެހިންގެ ދިރިއުުމުގެ ވައްޓަފާޅިއަށް ހެޔޮ ބަދަލެއް ގެނެސްދިނުމުގެ މަގުސަދުގައި އުފަންކުރުވި މުނި ހޯމްކެއާއަކީ ރާއްޖޭގައި އެންމެ ފުޅާ ދާއިރާއެއްގައި ފަރުނީޗަރާއި ސެނިޓަރީވެއާ އަދި ޕެއިންޓުގެ އުފެއްދުންތައް ވިއްކަމުން އަންނަ އެއް ކުންފުންޏެވެ.
ހުޅުމާލެއާއި މާލޭގެ ހުރިހާ ސަރަހައްދަކަށާއި ބޯޓުތަކަށް ވެސް މުނި ހޯމްކެއާއިން ހިލޭ ޑެލިވަރީ ކޮށްދެ އެވެ.
