ހަރުކަށި ފިކުރުގެ މީހުން ތިބޭ ހާއްސަ ޔުނިޓުގައި ރޭ ހަމަނުޖެހުން ހިންގައި ކެމެރާތަކަށް ގެއްލުން ދީފި

މާފުށީ ޖަލު- ޖަލުގައި ތިބި ހަރުކަށި ފިކުރުގެ މީހުން ހަމަނުޖެހުން ހިންގާ، ތަކެއްޗަށް ގެއްލުން ދީފައިވޭ

މާފުށީ ޖަލު- ޖަލުގައި ތިބި ހަރުކަށި ފިކުރުގެ މީހުން ހަމަނުޖެހުން ހިންގާ، ތަކެއްޗަށް ގެއްލުން ދީފައިވޭ

ޖަލުތަކުގައި ހަރުކަށި ފިކުރާ ދެކޮޅަށް އަޅަމުންދާ ފިޔަވަޅުތަކުގެ ތެރެއިން ހަރުކަށި ފިކުރު ފަތުރާ ގައިދީން ބޭތިއްބުމަށް މާފުށީ ޖަލުގައި ހެދި ސްޕެޝަލް މެނޭޖްމަންޓު ޔުނިޓު (އެސްއެމްޔޫ) ގައި ހަމަނުޖެހުން ހިންގައި އެ ޔުނިޓުގައި ހުރި ކެމެރާތަކަށް ރޭގެ ވަގުތެއްގައި ގެއްލުން ދީފި އެވެ.

ރައްޔިތުންގެ މަޖިލީހަށް މިއަދު ހާޒިރުވެވަޑައިގެން ހޯމް މިނިސްޓަރު އިމްރާން އަބްދުﷲ ވިދާޅުވީ ހަރުކަށި ފިކުރު މީހުންގެ ސަބަބުން ޖަލުގެ ނިޒާމަށް ބުރޫ އަރާ އެތައް ކަމެއް އެބަހުރި ކަމަށެވެ. އެގޮތުން، ރޭގައި ޖަލުގައި ހަމަނުޖެހުން ހިންގުމުގެ ސަބަބުން ހޭލާ ތިބެން ޖެހުނު ކަމަށް ވިދާޅުވި އެވެ.

ނަމަވެސް ޖަލުގައި ހިންގި ހަމަނުޖެހުމާ ގުޅެ އިތުރު ތަފްސީލެއް އިމްރާން ނުދެއްވަ އެވެ.

އިމްރާންގެ ވާހަކަތަކާ ގުޅިގެން "އަދަދު" އިން އެއްކުރި މައުލޫމާތުތަކުން ކަށަވަރު ވެފައިވާ ގޮތުގައި އެ ޔުނިޓުގައި ރޭ ހިނގި ހަމަނުޖެހުންތަކުގައި، އެ ތަނުގައި ހުރި ބައެއް ތަކެއްޗަށާއި، ގައިދީން އުޅޭ ނޫޅޭ ގޮތް ބެލުމަށާއި ސެކިއުރިޓީ ސަބަބުތަކަށް ހަރުކޮށްފައިވާ ކެމެރާތަކަށް ވެސް ވަނީ ގެއްލުން ދީފަ އެވެ.

މި ހަމަނުޖެހުންތަކާ ގުޅިގެން މިހާތަނަށް އެއްވެސް ގައީދީއަކު އެކަހެރި ކޮށްފައި ނުވާ ކަމަށާއި ފުލުހުންގެ އެހީތެރިކަމާއި ނުލައި ކަރެކްޝަންގެ އޮފިސަރުން ހަމަނުޖެހުން ކޮންޓްރޯލް ކޮށްފައިވާކަން ވެސް ވަނީ "އަދަދު" އަށް އެނގިފަ އެވެ.

މި ހާދިސާގެ ތަފްސީލްތައް ހިއްސާ ނުކުރެއްވި ނަމަވެސް، މިފަދަ ސަބަބުތަކާ ހެދި ޖަލުގައި ހަރުކަށި ފިކުރު މީހުންގެ ހާލަތު ކޮންޓްރޯލް ކުރުމަށް ހައި ސެކިއުރިޓީ ވިންގެއް ހެދުމުގެ މަސައްކަތް ކުރަމުން އަންނަ ކަމަށް މިއަދު މަޖިލީހުގައި އިމްރާން ވިދާޅުވެފައިވެ އެވެ.

އިމްރާން ވިދާޅުވީ ޖަލުގައި ހަރުކަށި ފިކުރު މޫލާފައިވާ ކަން މި ސަރުކާރު ވެރިކަމަށް އައިރު ވެސް ފާހަގަކުރެވުނު ކަމަށާއި އެކަމާ ދެކޮޅަށް އެތައް ފިޔަވަޅެއް އަޅަމުން އަންނަ ކަމަށެވެ.

އެގޮތުން، މީގެ ކުރިން ތަފާތު ކުށްތައް ކުރާ މީހުން ކެޓަގަރައިޒް ކުރުން ނޯންނަަ ކަން ފާހަގަކުރައްވައި އިމްރާން އިތުރަށް ވިދާޅުވީ ހަރުކަށި ފިކުރުގެ ފަރާތްތައް ދެނެގަނެ، އެސެސް ކޮށް، އެހެން ގައިދީންނާ ވަކި ކުރުމުގެ ކަންކަން ކުރެވެން އޮތް މިންވަރަށް ކުރަމުން އަންނަ ކަމަށެވެ.

"ސީދާ އެފަދަ ފަރާތްތައް ބައިތިއްބާނެ ހައި ސެކިއުރިޓީ ވިންގެއް މާފުށީ ޖަލުގައި ޑިވޮލޮޕްކުރުމަށް ޓަކައި އެ މަސައްކަތް ފެށިގެން ދަނީ ކުރިއަށް، އަޅުގަނޑު އުންމީދު ކުރަނީ މި އަހަރުގެ ޖޫން/ޖުލައި ހިސާބުގައި އެ ވިންގު ނިންމާލެވޭނެ ކަމަށް،" އިމްރާން ވިދާޅުވި އެވެ.

އެ ފެސިލިޓީ ގާއިމް ކުރަނީ ސިންގަޕޫރުގައި އެކަން ކުރަމުން އަންނަ ގޮތް ބަލައިގެން، މާލީ ތަނަވަސް ކަން ހުރި މިންވަރަށް ބަލައިގެން އެކަށީގެންވާ ގޮތަކަށް ކަމަށް އޭނާ ވިދާޅުވި އެވެ.

ހަރުކަށި ފިކުރުގެ ގައިދީންނަށް ހާއްސަ ޔުނިޓުގެ އިތުރުން ޖަލުތަކުގައި ހަރުކަށި ފިކުރު ފަތުރާ ގޮތުގެ ނުވަތަ ރެޑިކަލައިޒޭޝަން ޕްރޮސެސްގެ ދިރާސާއެއް ވެސް ވަނީ ފުރިހަމަކޮށްފަ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox