އަމީނީމަގު ހަނިކުރާތީ އަނެއްކާވެސް ކަންބޮޑުވުން; މޭޔަރު ވިދާޅުވީ ޓްރެފިކަށް ދިމާވާ ދާއިމީ ދަތިކަމެއް ކަމަށް

ތާރު އަޅައިގެން އަމީނީ މަގު ތަރައްގީ ކުރުމުގެ މަސައްކަތް ދަނީ ކުރަމުން. -ފޮޓޯ: މުހައްމަދު ޝާބިން / އަދަދު

ތާރު އަޅައިގެން އަމީނީ މަގު ތަރައްގީ ކުރުމުގެ މަސައްކަތް ދަނީ ކުރަމުން. -ފޮޓޯ: މުހައްމަދު ޝާބިން / އަދަދު

ސަރުކާރުން މާލޭގެ އަމީނީ މަގު ތަރައްގީ ކުރުމަށް ހިންގާ ޕްރޮޖެކްޓުގެ ދަށުން އެ މަގުގެ ފުޅާމިނުން ތިން ފޫޓު ހަނިކުރާތީ މާލެ ސިޓީގެ މޭޔަރު ޑރ. މުހައްމަދު މުއިއްޒު އަނެއްކާވެސް ކަންބޮޑުވުން ފާޅުކުރައްވައިފި އެވެ.

މި މައްސަލައިގައި ކަންބޮޑުވުން ފާޅުކުރައްވައި މިދިޔަ އޮކްޓޯބަރު މަހު ކުރެއްވި ޓުވީޓެއް ހިއްސާކުރައްވަމުން މުއިއްޒު މިއަދު ވިދާޅުވީ މިކަމުގެ ސަބަބުން އެ މަގުން ދަތުރުކުރާ ޕަބްލިކް ޓްރާންސްޕޯޓު ބަސްތައް އަދި މަގުގެ ދެ ފަޅިން ދަތުކުރާ ޓްރެފިކަށް ކުރިމަތިވާ ދާއިމީ ދަތިކަމެއް ކަމަށެވެ.

އަމީނީ މަގުގެ ވެހިކަލް ދުއްވާ ސަރަހައްދުގެ ފުޅާމިނުގައި މިހާރު ހުންނަނީ 25 ފޫޓެވެ. ދެ ފަޅީގެ ޕޭމަންޓުގައި ހަތަރު ފޫޓެވެ.

Advertisement

ނަމަވެސް ޕްލޭނިން މިނިސްޓްރީއިން ރޯޑް ޑިވަލޮޕްމަންޓު ކޯޕަރޭޝަން (އާރުޑީސީ) އާ ހަވާލުކޮށްގެން ކުރިއަށް ގެންދާ މަޝްރޫއުގެ ދަށުން އެ މަގުގެ ދެ ފަޅީގެ ޕޭވްމަންޓު ފަސް ފޫޓު ހަތް އިންޗިއަށް ފުޅާކޮށް ވެހިކަލް ދުއްވާ ބައި 21 ފޫޓު 10 އިންޗިއަށް ހަނިކުރުމަށް ވަނީ ނިންމާފަ އެވެ.

މުއިއްޒު އިތުރަށް ވިދާޅުވީ މީގެ ކުރިން މާލޭގެ މަގުތައް ތަރައްގީ ކުރުމުގެ ޕްލޭނުގައި ބިމުގެ އަޑިއަށް ލުމަށް ހަމަޖެހިފައިވާ "ކޭބަލްޓްރޭ" ވެސް މި ސަރުކާރުގެ މަޝްރޫއުގެ ތެރެއިން ބިމުން މަތީގައި ހެދުމަށް ނިންމާފައިވާ ކަމަށެވެ. އަދި އަމީނީ ކުރިން ލަފާކުރެވުނު 39 މިލިއަން ރުފިޔާގެ ބަދަލުގައި އަގުބޮޑުކޮށް 84 މިލިއަން ރުފިޔާއަށް ކަންވެސް މުއިއްޒު ވަނީ ފާހަގަކުރައްވާފަ އެވެ.

އަމީނީ މަގު ތަރައްގީ ކުރުމުގެ މަޝްރޫއަކީ މި ސަރުކާރުގެ ތަރައްގީގެ މަޝްރޫއުތަކުގެ ތެރެއިން އެންމެ ބޮޑު ފާޑުކިޔުމެއް ކުރިމަތިވެފައިވާ އެއް މަޝްރޫއު އެވެ. އެގޮތުން އެ މަގުގައި ހުރި ގަސްތައް ކެނޑުމާއި، މަޝްރޫއުގެ އަގު ބޮޑުވުމާއި، މަސައްކަތް ހިނގާ ސްޕީޑު ދައްވުމުގެ ސަބަބުން އިދިކޮޅު ފަރާތްތަކުން ވަނީ ތަކުރާރުކޮށް ސަރުކާރަށް ފާޑުކިޔާފަ އެވެ.

އަމީނީ މަގު ތަރައްގީ ކުރުމުގެ މަސައްކަތް އާރުޑީސީއާ ހަވާލުކޮށްފައިވަނީ 210 ދުވަހުގެ ތެރޭގައި ނިންމާ ގޮތަށެވެ. އެގްރީމެންޓުގައި ނިމޭނެ ކަމަށް އޮތް ތާރީހަކީ މިހިނގާ ފެބްރުއަރީ މަހުގެ ނިޔަލަށެވެ.

ނަމަވެސް މިދިޔަ ބުދަ ދުވަހު ރައްޔިތުންގެ މަޖިލީހުގައި ޕްލޭނިން މިނިސްޓަރު މުހައްމަދު އަސްލަމް ވިދާޅުވީ އެ މުއްދަތުގައި އެ މަގުގެ މަސައްކަތް ނުނިމޭނެ ކަމަށާއި ރިވައިޒްޑް ކޮމްޕްލީޝަން ޑޭޓެއްގެ ގޮތުގައި ސެޕްޓެމްބަރު 27 ކަނޑައަޅާފައިވާ ކަމަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox