ވަކި މީހެއްގެ ބޭނުމަށް ހިތުހުރި އެއްޗެއް ގޮވުމަކީ ޕާޓީއަށް ފައިދާހުރި ގޮތެއް ނޫން: ރައީސް

ރައީސް ސޯލިހު ގއ. ވިލިނގިލީގައި: ވިދާޅުވީ ވަކި މީހެއްގެ ބޭނުމަށް އެމްޑީޕީއަށް ޓަކާ ގުރުބާންވީ ފަރާތްތަކަށް ހިތުހުރި އެއްޗެއް ގޮވުމަކީ ޕާޓީއަށް ފައިދާހުރި ގޮތެއް ނޫން ކަމަށް -- ފޮޓޯ: ރައީސް ކެމްޕޭން ޓީމް

ރައީސް ސޯލިހު ގއ. ވިލިނގިލީގައި: ވިދާޅުވީ ވަކި މީހެއްގެ ބޭނުމަށް އެމްޑީޕީއަށް ޓަކާ ގުރުބާންވީ ފަރާތްތަކަށް ހިތުހުރި އެއްޗެއް ގޮވުމަކީ ޕާޓީއަށް ފައިދާހުރި ގޮތެއް ނޫން ކަމަށް -- ފޮޓޯ: ރައީސް ކެމްޕޭން ޓީމް

ވަކި މީހެއްގެ ބޭނުމަށް ނުވަތަ ފައިދާއަށް އެމްޑީޕީއަށްޓަކާ ގުރުބާންވީ މީހުންނާ ދިމާލަށް ހިތުހުރި އެއްޗެއް ގޮވުމަކީ އެ ޕާޓީއަށް ފައިދާ ހުރި ގޮތެއް ނޫން ކަމަށް ރައީސް އިބްރާހިމް މުހައްމަދު ސޯލިހު ވިދާޅުވެއްޖެ އެވެ.

އެމްޑީޕީގެ ރިޔާސީ އިންތިހާބުގައި އެމަނިކުފާނާ ދެކޮޅަށް ނުކުންނަވާ ހުންނެވި އެ ޕާޓީގެ ރައީސް މުހައްމަދު ނަޝީދަށް ރައްދުކުރައްވާ ރައީސް ސޯލިހު މިހެން ވިދާޅުވީ ޕްރައިމަރީ ކެމްޕޭނުގައި މިއަދު ގއ. ވިލިނގިއްޔަށް ވަޑައިގެން އެ ރަށުގައި ހުރި އެމަނިކުފާނުގެ ކެމްޕޭނު ޖަގަހަ ހުޅުއްވަވައިދެއްވުމަށްފަހު ދެއްކެވި ވާހަކަފުޅުގަ އެވެ.

"އެތައް ބައެއް ގުރުބާންވި ޕާޓީއަށް، ބައެއް ބޭފުޅުންނަށް ހަނދައިން ނެތިދާނެ، ބައެއް ފަހަރު ޕާޓީއާ ތަންކޮޅެއް ދުރުގައި އުޅެން ޖެހުމުން. އެކަމު މިއަދު ރާއްޖޭގައި އެންމެ ބޮޑު ޕާޓީއަށް ވެގެންދިއައީ އެތައް ބައެއްގެ މަސައްކަތުން." ރައީސް ވިދާޅުވި އެވެ.

Advertisement

ނަޝީދު އަށް އިޝާރާތް ކުރައްވަމުން ރައީސް އިތުރަށް ވިދާޅުވީ އިންތިހާބެއްގައި ވާދަކޮށް ކާމިޔާބުކުރުމަށް މަސައްކަތް ކުރަންޖެހޭނެ ކަމަށެވެ. ނަމަވެސް ޕާޓީ އުފެދުމުގައި އަދި ކުރިއެރުވުމުގައި މަސައްކަތް ކުރެއްވި ބޭފުޅުންގެ މަސައްކަތް ބަލައިނުގަނެ ހިތުރުހި އެއްޗެއް ކިޔުން އެއީ އެކަން ކުރަން އޮތް ގޮތް ނޫން ކަމަށް ރަޢީސް ވިދާޅުވި އެވެ.

އެގޮތުން ރައީސް މިސާލު ޖެއްސެވީ ވިލިނގިލީ ދާއިރާގެ މަޖިލިސް މެންބަރު ސައުދު ހުސައިން އަދި އެމްޑީޕީގެ ދާއިރާ ރައީސް މުހައްމަދު ރައޫފު ކުރެއްވި މަސައްކަތާއި އެމްޑީޕީގެ ޕްރައިމަރީ ކެމްޕޭނުގައި އެބޭފުޅުންނަށް ކުރިމަތިވަމުން އަންނަ ފާޑުކިޔުމުންނެެވެ.

"ރައޫފުމެން [ފަދަ] މި ތިއްބެވި ބޭފުޅުންނާ ދިމާލަށް އެ ކުރި މަސައްކަތުގެ އަގު ވަޒަންނުކޮށް، ހިތުހުރި އެއްޗެއް ކިޔުމަކީ އެބޭފުޅުންނަށްވެސް މި ޕާޓީއަށްވެސް އޮތް ރަނގަޅެއް ނޫން" ރައީސް ވިދާޅުވި އެވެ.

މީގެއިތުރުން، ޖަގަހައިގާ ތިއްބެވި ޕާޓީގެ އިސްވެރިންނާއި، ދާއިރާގެ އިސްވެރިންނަށް އިޝާރާތް ކުރައްވާ ރައީސް ވިދާޅުވީ އެމަނިކުފާނު ކުރިއަށް ވަޑައިގަންނަވާނީ އެ ހުރިހާ ބޭފުޅުންވެސް ގޮވައިގެން ހުރިހާ ބޭފުޅުންނާ އެކުގައި ކަމަށެވެ.

ފާހަގަކޮށްލެވޭ ގޮތުގައި އެމްޑީޕީގެ ރިޔާސީ ޕްރައިމަރީގެ ފޯރި ގަދަވެ ވާދަވެރި ދެ ރައީސުންނާއި، ދެ ރައީސުންގެ އަރިސް ޓީމުތަކުން އަންނަނީ އިދިކޮޅު ޓީމަށާއި ކެންޑިޑޭޓަށް ވަރަށް ބޮޑަށް ފާޑުވިދާޅުވަމުންނެވެ. އެގޮތުން ރައީސް ސޯލިހުގެ އަރިހުގައި ތިއްބެވީ އެހެން ޕާޓީތަކުގެ ބޭފުޅުންކަމަށާއި، މި ވެރިކަމުން މައުމޫނީ ފިކުރު ފެންނަމުންދާ ކަމަށްވެސް ނަޝީދު ވަނީ މީގެ ކުރިން ވިދާޅުވެފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox