އާންމު ހާލަތުގައި ހަތަރު އަހަރު ވެރިކަން ކުރި ކަމަށް ދެކުން ރައީސަށް ގޯސް

ރައީސް ސޯލިހް އިހަވަންދޫގައި; އާންމު ހާލަތުގައި ހަތަރު އަހަރު ވެރިކަން ކުރި ކަމަށް ދެކުން ރައީސަށް ގޯސް --ފޮޓޯ: އެމްޑީޕީ

ރައީސް ސޯލިހް އިހަވަންދޫގައި; އާންމު ހާލަތުގައި ހަތަރު އަހަރު ވެރިކަން ކުރި ކަމަށް ދެކުން ރައީސަށް ގޯސް --ފޮޓޯ: އެމްޑީޕީ

ރައީސް އިބްރާހިމް މުހައްމަދު ސޯލިހް ވެރިކަން ކުރެއްވީ އާންމު ހާލަތުގައި އޮތް ހަތަރު އަހަރު ކަމުގައި ދެކިގެން ބައެއް ފަރާތްތަކުން ވާހަކަދެއްކުން އެމަނިކުފާނަށް ގޯސްވެއްޖެ އެވެ.

އެމްޑީޕީ ރިޔާސީ ޕްރައިމަރީގެ ކެމްޕޭނަށް ހއ. އިހަވަންދުއަށް ވަޑައިގެން ރައީސް ވަނީ އެމަނިކުފާނުގެ ވެރިކަން ފެށިގެން އައި އިރު ވެރިކަން ކުރެއްވުމަށް ޕްލޭން ކުރެއްވި ގޮތް ބަދަލުވެގެން ދިޔަ ގޮތާމެދު ވާހަކަ ދައްކަވާފަ އެވެ. އަދި ކޮވިޑާއެކު ވެސް ގައުމު ކުރިއަށް ގެންދެވިކަން ފާހަގަކުރެއްވި އެވެ.

އިހަވަންދޫގައި ވާހަކަދައްކަވަމުން ރައީސް ސޯލިހް ވިދާޅުވީ އެމަނިކުފާނު ވެރިކަމަށް ވަޑައިގެންނެވީ ގިނަ ވައުދުތަކެއްވެވަޑައިގެން ކަމަށެވެ. އަދި މިހާ ހިސާބަށް އާދެވުނު އިރު, އޭގެ ތެރެއިން ވަރަށް ގިނަ ކަންތައްތައް ފެށި, ނިމި, އަނެއްބައި ކަންތައްތައް ކުރިއަށްދާ ކަމަށާއި, އޭރު ވިސްނުމުގައި އޮތީ ފަހު އަހަރު އަންނައިރު އެއްވެސް މަސައްކަތެއް ނުފަށާ ނުބޭއްވޭ ވަރަށް ޕްލޭންކޮށްގެން ކުރިއަށް ގެންދިއުމަށް ކަމަށެވެ.

Advertisement

އެހެން ނަމަވެސް ކޮވިޑުގެ އާލަމީ ވަބާއާއެކު ބައެއް ކަންކަން މަދުޖައްސާލަން ޖެހުުނީ ބަޖެޓުގެ ތެރެއިން އެވަގުތު އެންމެ އިސްކަމެއް ދީގެން ކޮވިޑުން ރައްޔިތުންގެ ފުރާނަ ސަލާމަތް ކުރުމަށްޓަކައި އަދި ރައްޔިތުންނަށް ހަމަޖެހޭ ދިިރިއުޅުމެއް އަނބުރާ ގެނައުމަށް ކުރަންޖެހޭ ކަންތައްތައް ކުރުމަށްޓަކައި ކަމަށް ރައީސް ވިދާޅުވި އެވެ.

އެ ޕްލޭން, އެ ވިސްނުމާއި, އެ ޕްލޭނާއެކު ކުރި މަސައްކަތްތަކުގެ ނަތީޖާ މިއަދު ފެންނަމުން މިދަނީ. - ރައީސް ސޯލިހު

ރައީސް ވިދާޅުވީ ދުނިޔޭގެ އަދި ކައިރި ބައެއް ގައުމުތަކަށް ކުރިމަތިވި އިގުތިސޯދީ އުނދަގޫކަމެއް ނެތި ރައްޔިތުން އެކަމުން ސަލާމަތް ކުރުމަށްޓަކައި ކުރެވުނު މަސައްކަތުން ކޮވިޑާ ދެކޮޅަށް ރާއްޖޭން ކުރި މަސައްކަތް އެއީ ދުނިޔެ ބަލައިގަންނަ ކަމަކަށްވެފައިވާ ކަމަށެވެ.

އަދި ވަރަށް ގިނަ ފަރާތަތްކުން އެކަންކުރި ގޮތާއި, މި ހިސާބަށް އާދެވުނު ގޮތް, ވަކިން ހާއްސަކޮށް ޑަބްލިއުއެޗްއޯއިން އެކަން ފާހަގަކޮށް, އެކަން އެހެން ގައުމުތަކާ ހިއްސާކުރާކަން އެމަނިކުފާނު ފާހަގަކުރެއްވި އެވެ.

"ބައެއް ބޭފުޅުން އެ ހަނދާނެއް މިއަދަކު ނެތް. ހަތަރު އަހަރު އެކީގައި އާންމު ހާލަތުގައި އުޅުނުކަމަށް ދެކެވަޑައިގެން ވާހަކަ އެބަ ދައްކަވާ،" ކޮވިޑާ ނުލާ ލިބުނު ގާތްގަނޑަކަށް ދެ އަހަރު ދުވަހު ތެރޭގައި, އެއްވެސް ސަރުކާރަކުން ފަސް އަހަރު ތެރޭގައި ނުކުރާވަރުގެ ގިނަ މަސައްކަތްތަކެއް ރާއްޖޭގެ އެކި ކަންކޮޅުތަކުގައި ހިންގިއްޖެކަން ފާހަގަކުރައްވާ, ފާޑުކިއުންތަކަށް ރައީސް ރައްދު ދެއްވި އެވެ.

ރައީސް ސޯލިހް އިހަވަންދޫގައި; މި ސަރުކާރުން އިހަވަންދޫގެ ތަރައްގީއަށް ބޮޑު ހޭދައެއް ކުރި ކަމަށް ވިދާޅުވި -- ފޮޓޯ: އެމްޑީޕީ
ރައީސް ސޯލިހް އިހަވަންދޫގައި; މި ސަރުކާރުން އިހަވަންދޫގެ ތަރައްގީއަށް ބޮޑު ހޭދައެއް ކުރި ކަމަށް ވިދާޅުވި -- ފޮޓޯ: އެމްޑީޕީ

ރައީސް ސޯލިހް އިހަވަންދޫގައި; މި ސަރުކާރުން އިހަވަންދޫގެ ތަރައްގީއަށް ބޮޑު ހޭދައެއް ކުރި ކަމަށް ވިދާޅުވި -- ފޮޓޯ: އެމްޑީޕީ

މީގެ އިތުރުން ރައީސް ވަނީ, އިހަވަންދޫއަށް ގިނަ މަސައްކަތްތަކެއް ކޮށްދެވިފައިވާކަން ފާހަގަކުރައްވާފަ އެވެ. އެގޮތުން 2022 ވަނަ އަހަރު ނިމުނުއިރުގައި ހަމައެކަނި އިހަވަންދޫއަށް 129.7 މިލިއަން ރުފިޔާ ހަރަދުކޮށް ނިމިފައިވާއިރު, ދާއިރާގައި ހިމެނޭ މާރަންދުއަށް 34 މިލިއަން ރުފިޔާ އަދި މޮޅުދުއަށް 49 މިލިއަން ރުފިޔާ ބަޖެޓުން ހަރަދުކޮށްފައިވާ ކަމަށް ރައީސް ވިދާޅުވި އެވެ.

އެމަނިކުފާނު ވިދާޅުވީ އެ ފައިސާއަކީ ދާއިރާގެ ރައްޔިތުންނަށް ބޭނުންވެފައި ހުރި އަސާސީ ހިދުމަތްތަކާއި ދިރިއުޅުމުގެ ކަންތައްތައް ރަނގަޅުކޮށް ކުރިއަށް ގެންދިއުމަށް ސީދާ މި ސަރުކާރުން ރައްޔިތުންނަށް ކޮށްދީފައި ހުރި ކަންތައްތައް ކަމަށެވެ.

މި މޭރުމުން ވަހަކަ ކުރިއަށް ގެންދަވަމުން އެމަނިކުފާނު ވަނީ މި ސަރުކާރުން ހިންގާ މަޝްރޫއުތައް އަނެއްކާވެސް މެދުކަނޑާލާފައި މަގުމައްޗަށް ނުކުންނާނީތޯ ނޫނީ ފަށާފައި ހުރި މަސައްކަތްތަކާއި ކުރަން ހުރި މަސައްކަތްތަކަށް ފުރުސަތު ލިބޭގޮތަށް ކުރިއަށް އޮތް ރިޔާސީ އިންތިހާބު ކާމިޔާބު ކުރާނީތޯ ވިސްނުމަށް އިލްތިމާސްކުރައްވާފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox