ފަނޑިޔާރުންގެ އިސްތިއުނާފު މަޖިލީހަށް ހައި ކޯޓުން ފަނޑިޔާަރު މުހައްމަދު ފައިސަލް މިއަދު ހަމަޖައްސައިފި އެވެ.
ފަނޑިޔާރުންގެ އިސްތިއުނާފުގެ މަޖިލީހަކީ ޖުޑީޝަލް ސާވިސް ކޮމިޝަނަށް ހުށަހަޅާ މައްސަލަތަކުގެ ތެރެއިން ބައެއް މައްސަލަތައް އިސްތިއުނާފް ކުރުމުން ބަލާ މަޖިލީހެކެވެ. އެ މަޖިލީހަށް ހުށަނޭޅޭނީ ފަނޑިޔާރަކު މަގާމުން ވަކި ކުރަން ނިންމާ މައްސަލަތަކެވެ.
ހައި ކޯޓުގެ ފަނޑިޔާރެއްގެ އިތުރުން ސުޕްރީމް ކޯޓުގެ ފަނޑިޔާރަކާއި ސުޕީރިއާ ކޯޓުތަކުން ފަނޑިޔާރެއް އިސްތިއުނާފް މަޖިލީހުގައި އިންނަވާނެ އެވެ.
ފަނޑިޔާރުންގެ އިސްތިއުނާފް މަޖިލީހަކީ ޖުޑީޝަލް ސާވިސް ކޮމިޝަނުގެ ގާނޫނުގެ ދަށުން އުފައްދާފައިވާ މަޖިލީހެކެވެ.
