އިނގިރޭސިވިލާތުގެ އަމީރު ހެރީ އަފްގާނިސްތާނުގައި ތާލިބާނުންގެ 25 މީހުން މެރި ކަމަށް ލިޔުއްވާފައި ވާތީ، އަފްގާން ރައްޔިތުން ނުރުހުން ފާޅުކޮށް މުޒާހަރާކޮށްފި އެވެ.
ހެރީގެ ހަޔާތުގެ މައްޗަށް ލިޔުއްވި އޮޓޯބަޔޮގްރަފީ "ސްޕެއާ" ގައިވާ ގޮތުން އަފްގާނިސްޔާނުގައި ހެލިކޮޕްޓަރު ޕައިލެޓެއްގެ ގޮތުގައި އުޅުއްވި އިރު، 25 މީހުން މަރާލި އެވެ.
ހެރީ ލިޔުއްވި ގޮތުގައި 2012 އިން 2013 އަށް ހެލިކޮޕްޓަރު ޕައިލެޓެއްގެ ގޮތުގަައި އަފްގާނިސްތާނުގައި އުޅުއްވި އިރު، ހަ މިޝަން ފުރިހަމަ ކުރެއްވި އެވެ.
އެ ހުރިހާ މިޝަނެއްގައި ވެސް މީހުން މަރުވި އެވެ. ނަމަވެސް ހެރީ ދެކިވަޑައިގަންނަވާ ގޮތުގައި "އެއީ އިންސާފުން" ދިޔަ ކަމެކެވެ.
އެކަމާ މެދު ނުރުހުން ފާޅުކޮށް ހެލްމަންދް ޕްރޮވިންސްގެ ޔުނިވާސިޓީއެއްގެ ލެކްޗަރާއިންނާއި ދަރިވަރުން މުޒާހަރާ ކުރި ކަމަށް ރިޕޯޓުތައް ބުނެ އެވެ.
އިނގިރޭސިން އަފްގާނިސްތާނުގައި ގިނަ މިޝަަންތައް ހިންގީ އެ ޕްރޮވިންސްގަ އެވެ. މުޒާހަރާގެ ބައިވެރިން ބުނީ ހެރީގެ އަމަލަކީ "އިންސާނިއްޔަތާ ހިލާފު" އަމަލެއް ކަމަށެވެ.
މިޝަންތަކުގައި މަރާލި މީހުންގެ އަދަދާއި ރާޒުވާ ކުޅިބަޔަކާ ފޮތުގައި އެއްހަމަކޮށްފައިވެ އެވެ. އެހެންވެ، ތާލިބާން ސަރުކާރުގެ އޮފިޝަލުންނާއި އިނގިރޭސި ކުރީގެ ސިފައިން ވެސް ކަންބޮޑުވުން ފާޅުކުރި އެވެ.
