ޕްލޭނާ އެއްގޮތަށް މަސައްކަތްކޮށް ޝަމާއިލްގެ ވެސް ޓާގެޓަކީ މެޑަލް

Jan 9, 2023, 5:16 AM
މި ފަހަރުގެ ސެންޓްރަލް އޭޝިއަން ވޮލީބޯލް އެސޯސިއޭޝަންގެ މެޗެއްގެ ތެރެއިން ޝަމާއިލް.

މި ފަހަރުގެ ސެންޓްރަލް އޭޝިއަން ވޮލީބޯލް އެސޯސިއޭޝަންގެ މެޗެއްގެ ތެރެއިން ޝަމާއިލް.

ގައުމީ ބީޗް ވޮލީބޯޅަ ޓީމުގެ ކޯޗު ވިނީޝިއުސް މާޓިން ޖިއޯނީގެ ޕްލޭނާ އެއްގޮތަށް މަސައްކަތްކޮށް ޓާގެޓަކީ މެޑަލެއް ހޯދޭ ވަރަށް ކުޅުން ރަނގަޅުކުރުން ކަމަށް ޒުވާން ކުޅުންތެރިޔާ، ޝަމާއިލް ހުސެއިން ބުނެފި އެވެ.

ޝަމާއިލް ވަނީ ދާދި ފަހުން ބަންގްލަދޭޝްގައި ނިމިގެންދިޔަ ސެންޓްރަލް އޭޝިއަން ވޮލީބޯލް އެސޯސިއޭޝަންގެ ބީޗް ވޮލީބޯލް ޓުއާގައި ހިމެނުނު ރާއްޖޭގެ ބީޗްވޮލީ ޓީމަށް ކުޅެފަ އެވެ. އެ މުބާރާތުން ރާއްޖޭގެ އިސްމާއިލް ސާޖިދު (ކުޑަކާއްޓެ) އާއި އާދަމް ނަސީމް (އެޑަމް)ގެ ޕެއާ ރަން މެޑަލް ހޯދިއިރު، ރާއްޖޭން ދެން ވާދަކުރި ޕެއާގައި ހިމެނެނީ ޝަމާއިލް އާއި އަހުމަދު މުހައްމަދު (ކޯކޭ)، އެއް ޕެއާއެއްގަ އެވެ.

މިއީ އިންޑޯ ވޮލީގެ ގައުމީ ޓީމުން ކުރިން ފެނުނު ޝަމާއިލް، ބައިނަލްއަގުވާމީ ބީޗްވޮލީ މުބާރާތެއްގައި ކުޅުނު ފުރަތަމަ ފަހަރެވެ.

Advertisement

"މި މުބާރާތް، އަލަށް ކުޅުނު މުބާރާތެއް ވީމަ ވަރަށް ޕްރެޝަރު، ކުރިއަށް އޮތްތާގައި ވަރަށް މަސައްކަތް ކުރަން ކޯޗު ވެސް ބުނެފައި އިނީ. އިރާދަކުރެއްވިއްޔާ މެޑަލް އަކާ ހިސާބަށް ފޯރާ ވަރަށް ކޯޗު ވެސް ހުރީ މަސައްކަތް ކޮށްދޭން،" ޝަމާއިލް ބުންޏެވެ.

ޝަމާއިލް ބުނީ ބީޗްވޮލީ ކޯޗު ވިނީޝިއުސްއާ އެކު، މަސައްކަތްކުރާތާ ވީ ތިން މަހެއްހާ ދުވަސްތެރޭގައި ވެސް ރަނގަޅު ވަރަކަށް ކުރިއެރުންތަކެއް ހޯދިފައިވާ ކަމަށެވެ.

މިއީ ކަކުލުގެ ސީރިއަސް އަނިޔާއަކަށް ފަހު، ކުޅުމުގެ ތެރެއަށް އެނބުރި އައިސް ޝަމާއިލް ކުޅުނު ފުރަަތަމަ މުބާރާތެވެ. އެ ގޮތުން 2020 ވަނަ އަހަރު ކަކުލުގެ ލިގަމެންޓަށް ލިބުނު އަނިޔާގެ ސަބަބުން އޮޕަރޭޝަނެއް ކުރުމަށް ފަހު، ޝަމާއިލް ކުޅުމުގެ ތެރެއަށް އެނބުރި އަންނަން ކުރި މަސައްކަތުގައި ގައުމީ ބީޗް ވޮލީ ކޯޗު ވިނީޝިއުސް އާއި އިންޑޯ ގައުމީ ޓީމުގެ ކޯޗު ސާޖިއޯ ވެލޯސޯ ވެސް ވަނީ އެހީތެރިވެދީފަ އެވެ.

"އަސްލުގައި އަނިޔާ އަށް ފަހު ވަރަށް މަސައްކަތް ކޮށްގެން ކުޅެން ނުކުތީ، ނުކުތުމުގެ ތެރޭގައި އިންޑޯ ކޯޗާއި ބީޗް ކޯޗު ވެސް ވަރަށް އެހީވި ހަމަ. އަލުން ބެކް ޓު ސްޕޯޓްސް އަށް ދިއުމަށް،" ޝަމާއިލް ބުންޏެވެ.

މިހާރު ޝަމާއިލްގެ ފޯކަސް އަކީ އެއްކޮށް ބީޗް ވޮލީ އަށް ބަދަލުވެ، އޭގެއިން ކުރިއަށްދިއުމެވެ.

ކޯޗު ވިނީޝިއުސް ވެސް ޝަމާއިލާ މެދު އުންމީދުތަކެއް ކުރޭ

މި ފަހަރުގެ ސެންޓްރަލް އޭޝިއަން ބީޗް ޓުއާ މުބާރާތަށް ދިޔައިރު ކޯޗު ވިނީޝިއުސް، ޝަމާއިލް ފަރާތުން ބޭނުންވީ ޕްރެޝަރުގައި ކުޅެން ދަސްކުރަން ހޭނުމެވެ. އެ ގޮތުން، ޝަމާއިލް އާއި ކޯކޭގެ ޕެއާ އިން ފުރަތަމަ މެޗުން މޮޅުވި އެވެ. އެކަމަކު، ދެން ކުޅުނު މެޗުތަކުން ބަލިވެ، މުބާރާތުން ކެޓީ އެވެ.

"އަހަރެން މި މުބާރާތުގައި ޝަމާއިލްގެ ފަރާތުން ބޭނުންވީ މާ މޮޅު ކުޅުންތަކެއްގެ ބަދަލުގައި ޕްރެޝަރުގައި ކުޅެން ދަސްކުރުން. އެ އުމުރުގައި މިސްޓޭކް ހެދޭނެ. މިސްޓޭކް ތަކުރާރުނުވުން މީގެ މުހިންމީ، އަހަންނަށް އެކަން ޝަމާއިލްގެ ކިބައިން ފެނުނު،" ވިނީޝިއުސް ބުންޏެވެ.

ޓްރެއިނިންގައި ޝަމާއިލް ކުރާ މަސައްކަތް ފާހަގަކޮށް، ވިނީޝިއުސް ބުނީ މެޗުގެ އޮއެވަރު ބަދަލުވާ ވަގުތުތަކުގައި ފޯކަސް ގެއްލުވައިނުލައި ކުޅެން ޝަމާއިލް ދަސްކުރަމުން އަންނަ ކަމަށާއި މިއީ އެ އުމުރުގެ ކުޅުންތެރިއެއްގެ ފަރާތުން އެންމެ އެދޭ ކަންތައް ކަމަށެވެ.

ކުރިއަށް އޮތްތަނުގައި ޝަމާއިލް އަށް އިތުރަށް ރަނގަޅު ކުރެވޭނެ ކަންތައްތަކެއް މި ފަހަރުގެ މުބާރާތުން ފެނިގެންދިޔަ ކަމަށާއި ޝަމާއިލް ވެސް ހުރީ އެ ކަންކަން ރަނގަޅުކޮށްގެން، "މޮޅު ބީޗްވޮލީބޯޅަ ކުޅުންތެރިއަކަށް" ވުމުގެ އަޒުމުގައި ކަމަށް ވިނީޝިއުސް ވަނީ ބުނެފަ އެވެ.

ރާއްޖޭގެ ގައުމީ ބީޗްވޮލީ ޓީމުން ކުރިއަށް އޮތްތަނުގައި ހޯދާ ކާމިޔާބީތަކުގައި ޝަމާއިލްގެ ހިއްސާ އޮންނާނެ ކަމުގެ އުންމީދު އެބައޮތް ކަމަށް ވިނީޝިއުސް ވަނީ ބުނެފަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox