ވިއެޓްނާމްގައި އިމާރާތް ކުރަމުން ދިޔަ ސައިޓެއްގައި ފުން، ހަނި ގޮޅިއަކަށް ވެއްޓުނު 10 އަހަރުގެ ފިރިހެން ކުއްޖަކު ސަލާމަތް ކުރަން ބޮޑު އޮޕަރޭޝަނެއް ކުރިއަށް އެބަދެ އެވެ.
ރިޕޯޓުތައް ބުނާ ގޮތުން ލީ ހާއޯ ނާމް ގޮޅީގެ ތެރެއަށް ވެއްޓުނީ ބާ ދަގަނޑު ހޯދަން އުޅެނިކޮށް ޑިސެމްބަރު 31 ވަނަ ދުވަހުގެ ރޭ ދެކުނު ޑޮންގް ތަޕް ޕްރޮވިންސްގަ އެވެ.
އެ ދުވަހުން ފެށިގެން އެ ކުއްޖާ ސަލާމަތް ކުރުމުގެ އޮޕަރޭޝަަން ކުރިއަށްދާ އިރު، 35 މީޓަރުގެ ފުން ގޮޅި ތެރެއަށް އޮކްސިޖަން ވެސް ޕަމްޕް ކުރި އެވެ.
މީގެ ދެ ދުވަސް ކުރިން އެ ކުއްޖާ ރޯ އަޑު އިވުނު ނަމަވެސް، ހޯމަ ދުވަހު ކެމެރާއެއް ތިރިކުރި އިރު އެ ކުއްޖާގެ އެއްވެސް ހިލަމެއް ނުވެ އެވެ.
އެ ކުއްޖާ ވެއްޓުނު ގޮޅިއަކީ ވަށައިގެން އެންމެ 25 ސެންޓިމީޓަރު ހުރި ވަޅެކެވެ. އެހެންވެ، އެހާ ހިމަ ގޮޅިއަކަށް ކުއްޖަކު ވެއްޓުނު ގޮތާ މެދު ވަނީ ސުވާލު އުފެދިފަ އެވެ.
ރެސްކިއު ޓީމުން މަސައްކަތް ކުރާ އިރު، އެ ތަނުގައި އެ ކުއްޖާގެ މަަންމަ އާއި ބައްޕަ ވެސް މަޑުކޮށްގެން ތިބި މަންޒަރު ފޮޓޯތަކުން ފެނެ އެވެ.
ކެރޭނާއި އެކްސްކެވޭޓަރު ފަދަ އުޅަނދުގެ އެހީގައި ދަގަނޑު ހޮޅި އުފުއްލާލެވޭތޯ ކުރި މަސައްކަތް މިހާތަނަށް ކާމިޔާބެއް ނުވެ އެވެ.
