އަފްގާނިސްތާނުގެ ވެރިރަށް ކާބުލްގެ އަސްކަރީ އެއާފީލްޑަކަށް ވަންނަ މައި ގޭޓު ކައިރީގައި އެއްޗެއް ގޮވައި ބަޔަކު މަރުވެ އިތުރު ބަޔަކަށް އަނިޔާވެއްޖެ އެވެ.
ކާބުލް އިންޓަނޭޝަނަލް އެއާޕޯޓާ ޖެހިގެން އޮންނަ ފެސިލިޓީއަށް ވަންނަ ގޭޓު ކައިރީގައި އެއްޗެއް ގޮވަން މެދުވެރިވި ސަބަބު ސާފު ނޫން ކަމަށް އިންޓީރިއާ މިނިސްޓްރީން ބުންޏެވެ.
"އަޅުގަނޑުމެންގެ އަހުންތަކެއް ޝަހީދުވެ، އަނިޔާވެއްޖެ،" އިންޓީރިއާ މިނިސްޓްރީގެ ތަރުޖަމާނު އަބްދުލް ނަފީ ތާކޯރް އޭއެފްޕީއަށް ބުންޏެވެ.
އަފްގާނިސްތާނުގެ ވެރިކަމަށް ތާލިބާނުން އައީ އޯގަސްޓު 2021 ގަ އެވެ. އޭގެ ފަހުން ގައުމުގެ ސެކިއުރިޓީ ރަނގަޅުކޮށްފައިވާ ކަމަށް އެ މީހުން ބުނެ އެވެ.
އެކަމަކު ތާލިބާނުންނާ އެންމެ ވާދަވެރި އިސްލާމިކް ސްޓޭޓް (އައިއެސް) ގެ ހަމަލާތައް މެދުކެނޑުމެއް ނެތި އަފްގާނިސްތާނުގެ އެކި ސަރަހައްދުތަކަށް އަމާޒުކުރެ އެވެ.
މިދިޔަ މަހު ކާބުލްގައި ޗައިނާ މީހުންގެ މެދުގައު މަގްބޫލް ހޮޓަލަކަށް އައިއެސްއިން ދިން ހަމަލާއެއްގައި ޗައިނާގެ ފަސް މީހުން ޒަހަމްވި އެވެ.
