ޖޯކު ޖެހި މައްސަލައިގައި އާޖެންޓީނާގެ ގޯލްކީޕަރު މާޓީނޭޒަށް ފިޔަވަޅު އަޅައިދޭން ފްރާންސުން އެދެފި

Dec 24, 2022, 3:52 AM
ޖޯކު ޖެހި މައްސަލައިގައި އާޖެންޓީނާގެ ގޯލްކީޕަރު މާޓީނޭޒަށް ފިޔަވަޅު އަޅައިދޭން ފްރާންސުން އެދެފި

ޕެރިސް (ޑިސެމްބަރު 24) - ފީފާ ވޯލްޑް ކަޕްގެ ޗެމްޕިއަންކަން ހޯދުމަށް ފަހު، އާޖެންޓީނާ އިން ބޭއްވި އުފާފާޅުކުރުމުގެ ތެރޭގައި އެ ޓީމުގެ ކީޕަރު އެމިލިއާނޯ މާޓީނޭޒް، ފްރާންސްގެ ފޯވާޑް ކީލިއަން އެމްބާޕޭ އަށް ޖޯކު ޖެހި މައްސަލަ ބަލަން ފްރާންސް ފުޓްބޯޅަ ފެޑެރޭޝަނުން ހުށަހަޅައިފި އެވެ.

ފްރާންސް ފުޓްބޯލް ފެޑެރޭޝަންގެ ރައީސް ނޮއެލް ލަ ގްރައެޓް ވިދާޅުވީ އާޖެންޓީނާ ފެޑެރޭޝަނަށް މައްސަލަ ރަސްމީކޮށް ފޮނުވީ، އެމްބާޕޭ އަށް ޖޯކު ޖެހުމުގައި މާޓީނޭޒް ކަންތައް ކޮށްފައިވަނީ ހުރިހާ އިމެއް ފަހަނައަޅާފައި ދަރަޖައިގައި ކަމަށްވާތީ އެވެ.

"ތެދެއް، އަހަރެން ސިޓީއެއް ފޮނުވައިފިން އާޖެންޓީނާ ފެޑެރޭޝަނަށް، ފުޓްބޯޅަ އަކީ އިހުތިރާމް ދަސްކޮށްދޭ ކުޅިވަރެއް، އޭނަ (ގޯލްކީޕަރު މާޓީނޭޒް) ވަނީ އެމްބާޕޭ އަށް ޖޯކު ޖެހުމުގައި ވަރަށް ބޭދައަބީކޮށް އަމަލުކޮށްފައި. މިއީ ފުޓްބޯޅަ ކަހަލަ ޕްރޮފެޝަނަލީ މީހުން ބަލައިގަންނަ ކުޅިވަރެއްގައި ކަން ހިނގަން ޖެހޭ ގޮތެއް ނޫން،" ފްރާންސްގެ ނޫހަކަށް ދެއްވި އިންޓަވިއުއެއްގައި ލަ ގްރައެޓް ވިދާޅުވި އެވެ.

އާޖެންޓީނާގެ ޓްރޮފީ ޕެރޭޑްގެ ތެރެއިން އެމްބާޕޭގެ ފޮޓޯ އަކުން ކަޓް ބޯޑް ބޮލެއް ޖަހާފައިވާ ބުދެއް ހިފައިގެން، މާޓީނޭޒް ވަނީ ނަށައިފަ އެވެ. އެ ވީޑިއޯ ވައިރަލްވެ، ފުޓްބޯޅައިގެ ގިނަ ބަޔަކުގެ ނުރުހުން މާޓީނޭޒަށް އަމާޒުވި އެވެ.

އާޖެންޓީނާގެ ޓްރޮފީ ޕެރޭޑްގެ ތެރެއިން އެމްބާޕޭގެ ބޯ ޖެހި ބުދު ހިފައިގެން މާޓީނޭޒް ސަޕޯޓަރުންނާ ވާހަކަ ދައްކަނީ.

ލަ ގްރައެޓް، އާޖެންޓީނާގެ ފުޓްބޯޅަ ފެޑެރޭޝަނަށް ފޮނުއްވި، ސިޓީގައި އަލި އަޅުއްވާފައިވާ ކަންތައްތަކާ ބެހޭގޮތުން މީޑިއާގައި ވާހަކައެއް ނުދައްކަވަ އެވެ.

ރިޕޯޓްތައް ބުނާގޮތުން، އާޖެންޓީނާގެ ފުޓްބޯޅަ ފެޑެރޭޝަން ރައީސް ކްލައުޑިއޯ ޓަޕިއާ އަށް ލަ ގްރައެޓް ފޮނުއްވި މި ސިޓީގައި ވަނީ ކީޕަރު މާޓީނޭޒަށް މި ކަމުގައި އާޖެންޓީނާ ފެޑެރޭޝަނުން އަޅާ ފިޔަވަޅެއް، ފްރާންސް ފުޓްބޯޅަ ފެޑެރޭޝަނަށް އަންގައިދިނުން އެދޭ ކަމަށެވެ.

ޕެނަލްޓީ ޖަހައިގެން، އާޖެންޓީނާ އިން ފްރާންސް ބަލިކުރި މެޗުގެ ފުރިހަމަ ވަގުތާއި އިތުރު ވަގުތުގެ ދެ ހާފްގެ ކުޅުން ނިމުނުއިރު، ދެ ޓީމު 3-3 އިން އެއްވަރުވެފައި އޮތްއިރު، ފްރާންސް އިން ޖެހި ތިން ގޯލު ވެސް ކާމިޔާބުކުރީ އެމްބާޕޭ އެވެ. ޕެނަލްޓީގައި އާޖެންޓީނާ އިން 4-2 އިން ފްރާންސް ބަލިކުރިއިރު، ޕެނަލްޓީ އަށް ފަހު، ފްރާންސްގެ ކުޅުންތެރިންނާ ބައްދަލުކުރަން ދިޔައިރު، ކީޕަރު މާޓީނޭޒް ވަނީ އެމްބާޕޭއާ ވެސް ބައްދަލުކޮށްފަ އެެވެ.

މި މެޗުގެ ކުރިން އެމްބާޕޭ ދިން އިންޓަވިއުއަކަށް މާޓީނޭޒް ވަނީ ބަހުގެ ހަމަލާއެއް ވެސް ފޮނުވާލައިފަ އެވެ. އެމްބާޕޭ ވަނީ ދެކުނު އެމެރިކާގެ ފުޓްބޯޅަ އަކީ ޔޫރަޕާ ބަލާއިރު، އެއް ގައުމު އަނެއް ގައުމާ މެދު ވޯލްޑް ކަޕް ކޮލިފައިން ފަދަ މެޗުތަކުގައި މާ ބޮޑު ވާދަވެރިކަމެއް ނޫނީ ފޯރިއެއް އޮތް ބައްރެއް ނޫން ކަމަށް ބުނެފަ އެވެ. އެމްބާޕޭގެ އެ ވާހަކަ އަށް ރައްދު ދެމުން މާޓީނޭޒް ބުނީ ދެކުނު އެމެރިކާގެ ފުޓްބޯޅައިގެ ތަޖުރިބާ ލިބިފައި ނެތް މީހުން އެ ވާހަކަ ދެއްކުން އެހާ ރަނގފަޅު ކަމަށް ނުފެންނަ ކަމަށެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox