ވޯލްޑް ކަޕް ތަށީގައި ސޯލްޓް ބޭ އަތްލި މައްސަލަ ހޫނުވެއްޖެ

Dec 21, 2022, 2:40 AM
ވޯލްޑް ކަޕް ތަށީގައި ސޯލްޓް ބޭ އަތްލި މައްސަލަ ހޫނުވެއްޖެ

ދޯހާ، ގަތަރު (ޑިސެމްބަރު 21) - އާޖެންޓީނާ އިން މި ފަހަރުގެ ފީފާ ވޯލްޑް ކަޕްގެ ޗެމްޕިއަންކަން ހޯދުމަށް ފަހު ދަނޑުމަތީގައި ބޭއްވި އުފާފާޅުކުރުމުގެ ތެރެއިން ތުރުކީ އަށް ނިސްބަތްވާ މަޝްހޫރު ޝެފް، ސޯލްޓް ބޭ، ވޯލްޑް ކަޕް ޓްރޮފީ އުފުލާލައި، އުފާފާޅުކުރުންތަކުގައި ބައިވެރިވި މައްސަލައިގައި ގިނަ ފުޓްބޯޅަ ސަޕޯޓަރުން ނުރުހުންފާޅުކޮށްފި އެވެ.

ފީފާގެ ޕްރޮޓޮކޯލްގައިވާ ގޮތުން ވޯލްޑް ކަޕްގެ ޓްރޮފީގައި އަތްލުމުގެ ފުރުސަތު ލިބެނީ މުބާރާތް ކާމިޔާބުކޮށްފައިވާ ކުޅުންތެރިއަކަށް ނޫނީ ހެޑް އޮފް ސްޓޭޓް (ގައުމުތަކުގެ ވެރިން) އޭގެ އިތުރުން ފީފާ އިން ހާއްސަ ހުއްދައެއް ދީފައިވާ ފަރާތަކަށެވެ.

ދި ޓައިމްސްގެ ޗީފް ސްޕޯޓްސް ރިޕޯޓަރު ކޮށްފައިވާ ޓްވީޓެއް.

Advertisement

މިދިޔަ އާދިއްތަ ދުވަހުގެރޭ ޕެނަލްޓީ ޖަހައިގެން ފްރާންސް ބަލިކޮށް، އާޖެންޓީނާ އިން ވޯލްޑް ކަޕްގެ ޗެމްޕިއަންކަން ހޯދި މެޗަށް ފަހު، ސޯލްޓް ބޭ، ދަނޑުމަތީގައި އާޖެންޓީނާގެ ކުޅުންތެރިންނާ އެކު ފޮޓޯނަގައި، ވޯލްޑް ކަޕް ޓްރޮފީ ހިފައިގެން ވެސް ވަގުތު ތަކެއް ވަންދެން ހުއްޓެވެ.

އަދި އާޖެންޓީނާ ޓީމުގެ އުފާފާޅުކުރުމުގެ އެ ވަގުތުތަކުގައި ތަށްޓާ އެކު ނަގާފައިވާ ފޮޓޯ އާއި ވީޑިއޯ، އޭނާގެ ސޯޝަލް މީޑިއާގައި ސޯލްޓް ބޭ ހިއްސާކޮށްފައިވެ އެވެ.

ސޯލްޓް ބޭ އާޖެންޓީނާގެ ކުޅުންތެރިންނާއި ވޯލްޑް ކަޕްގެ ޓްރޮފީއާ އެކު ނަގާފައިވާ ފޮޓޯތަކެއް.

ފުޓްބޯޅަ ސަޕޯޓަރުންނާއި ފުޓްބޯޅަ ދިރާސާ ކުރާ ފަރާތްތަކުން ސޯޝަލް މީޑިއާގައި ފާޅުކޮށްފައިވާ ޝުއޫރުތަކަށް ބަލާއިރު، ހާއްސަ ބަޔަކަށް ވޯލްޑް ކަޕްގެ ޓްރޮފީގައި އަތްލުމުގެ ހުއްދަ ފީފާ އިން ދީފައި އޮންނައިރު، ސޯލްޓް ބޭ އަށް އެ ހުއްދަ ލިބުނު ގޮތެއް ފީފާ އިން ފުޓްބޯޅަ ދުނިޔެ އަށް ތަފްސީލްކޮށްދޭން ޖެހޭ ކަމަށެވެ.

އޭގެ އިތުރުން، ވޯލްޑް ކަޕެއް ކާމިޔާބުކޮށް، އެ ޓްރޮފީ އުފުލާލުމަކީ ފުޓްބޯޅަ ކުޅުންތެރިއެއްގެ ހަޔާތުގައި ލިބޭނެ އެންމެ ބޮޑު އެއް ކާމިޔާބީ ކަަމަށްވާއިރު، އެ ފަދަ ވަގުތުތަކެއްގައި ބާއްވާ އުފާފާޅުކުރުމުގައި ބައިވެރިވުމުގެ ފުރުސަތު އޮންނަން ޖެހޭނީ ޓީމާއި ޓީމުގެ މެމްބަރުންނާ ގުޅޭ ގާތް ފަރާތްތަކަށެވެ.

ސޯލްޓް ބޭ އަށް ޕްރޮޓޮކޯލްގެ ތެރެއިން، އާޖެންޓީނާ ޓީމާ އެކު، އެ ފުރުސަތު ލިބެން ޖެހޭ ހައިސިއްޔަތެއް އެނގެން ޖެހޭ ކަމަށް އެކި ފަރާތްތަކުން އަންނަނީ ބުނަމުންނެވެ. އަދި ވޯލްޑް ކަޕް ޓްރޮފީގައި ސޯލްޓް ބޭ އަތްލުމަކީ ގަވާއިދާ ހިލާފަށް އޭނާ ކޮށްފައިވާ ކަމެއް ކަމަށްވާތީ، ފިޔަވަޅު އަޅަން ޖެހޭ ކަމަށް ވެސް ގިނަ ބަޔަކު އަންނަނީ ބުނަމުންނެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox