އަފްގާނިސްތާނުގެ އުތުރުގައި އޮންނަ އައިބަކް ސިޓީގައި ދިން ހަމަލާއެއްގައި 16 މީހުން މަރުވެ 24 މީހުންނަށް އަނިޔާވެއްޖެ އެވެ.
މިދިޔަ އަހަރުގެ އޯގަސްޓު މަހު ތާލިބާނުން ވެރިކަަމަަށް އައި ފަހުން ވެސް އާއްމުންނަށް އަމާޒުކޮށް ދޭ ހަމަލާތައް މަދުވެފައެއް ނުވެ އެވެ.
އޭގެ ތެރެއިން ގިނަ ހަމަލާގެ ޒިންމާ އުފުލާފައި ވަނީ އިސްލާމިކް ސްޓޭޓް (އައިއެސް) ގްރޫޕުންނެވެ. ބުދަ ދުވަހު ހަމަލާ ދިނީ އައިބަކްގައި ދީނީ ތައުލީމު ދޭ މަދަރުސާއަކަށެވެ.
ވެރިރަަށް ކާބުލްއާ 200 ކިލޯމީޓަރު އުތުރުން އޮންނަ އެ ސިޓީގެ ޑޮކްޓަރަކު ބުނީ ގިނައިން މަރުވީ ކުޑަކުދިން ކަމަށެވެ. ބެލެވޭ ގޮތުގައި އެއީ ދަރިވަރުންނެވެ.
ހަމަލާގެ ޒިންމާ އެއްވެސް ގްރޫޕަކުން އުފުލާފައެއް ނުވެ އެވެ. ރިޕޯޓުތައް ބުނާ ގޮތުން ހަމަލާ ދިނީ ނަމާދަށް ފަހު ގިނަަ ބަޔަކު ދާން ނުކުތް ވަަގުތާ ދިމާކޮށްފަ އެވެ.
އިންޓީރިއާ މިނިސްޓްރީން ބުނީ ހަމަލާގެ ތަހުގީގު ފަށާފައިވާ ކަމަށާއި އެކަން ކުރި މީހުން ދެނެގަނެ، ހިފަައި ހައްޔަރުކޮށް، ހައްގު އަދަަބު ދޭނެ ކަމަށެވެ.
