ހުޅިދޫގެ ހައިޖާނަށްފަހު ރިސޯޓުތަކުން ރަށްތަކަށް ގެސްޓުން ނުފޮނުވާ މައްސަލަ ހޫނުވެއްޖެ!

ހުޅިދޫ މައްސަލައިގައި ސަރުކާރާއި، ވ. އަތޮޅު ކައުންސިލް އަދި ރަށް ކުއްޔަށް ހިފާފައިވާ ފަރާތާއި މެދު ބޭއްވުނު މަޝްވަރާގެ ތެރެއިން -- ފޮޓޯ: ވ. އަތޮޅު ކައުންސިލް

ހުޅިދޫ މައްސަލައިގައި ސަރުކާރާއި، ވ. އަތޮޅު ކައުންސިލް އަދި ރަށް ކުއްޔަށް ހިފާފައިވާ ފަރާތާއި މެދު ބޭއްވުނު މަޝްވަރާގެ ތެރެއިން -- ފޮޓޯ: ވ. އަތޮޅު ކައުންސިލް

ވ. އަތޮޅު ހުޅިދޫ އަނބުރާ ހޯދުމަށް އެ އަތޮޅު ކައުންސިލްގެ ރައީސް އަދި ރައްޔިތުން އެ ރަށަށް އަރާ އަޑުއުފުލި މައްސަލައަށްފަހު ރިސޯޓުތަކުން އެ އަތޮޅުގެ ރަށްތަކަށް ގެސްޓުން ނުފޮނުވާ މައްސަލަ ހޫނުވެއްޖެ އެވެ.

މައްސަލަ ހޫނުވެފައި މިވަނީ ވ. އަތޮޅުގައި ހިންގާ އަލިމަތާ ރިސޯޓަށް އެ އަތޮޅު ފެލިދޫ ކައުންސިލުން ފޮނުވި ސިޓީއަކާ ގުޅިގެންނެވެ. އެގޮތުން އެ ސިޓީގައި ބުނެފައިވަނީ ވ. އަތޮޅު ހުރިހާ ރައްޔިތުންގެ ނަމުގައި ކަމަށް ބުނެ ވަކި ބަޔަކު ހުޅިދޫއަށް އަރާ ކުރި މުޒާހަރާއަކީ ފެލިދޫ ރައްޔިތުންނާއި ކައުންސިލުން ވެސް ތާއީދު ކުރާ ކަމެއް ނޫން ކަމަށެވެ. އަދި ކުރިއެކޭ އެއްގޮތަށް އެ ރިސޯޓުން ގެސްޓުން ރަށަށް ފޮނުވައިދިނުމަށް ވެސް އެ ސިޓީ ނިންމާލަމުން ވަނީ އެދިފަ އެވެ.

މި ސިޓީއާ ބެހޭ ގޮތުން "އަދަދު"އަށް މައުލޫމާތު ދެއްވަމުން ވ. އަތޮޅު ރައީސް ޝުޖާއު އަލީ ވިދާޅުވީ ހުޅިދޫ އަކީ އަލިމަތާ ރިސޯޓުގެ ހިއްސާދަރުންގެ ހިއްސާ އޮންނަ ރަށެއް ކަމަށާއި އަތޮޅުގެ ރަށްތަކަށް ގެސްޓުން ނުފޮނުވަނީ ހުޅިދޫ ހޯދުމަށް އެބޭފުޅުން ކުރާ މަސައްކަތުގެ ސަބަބުން ނުރުހުން ފާޅުކުރުމުގެ ގޮތުން ކަމަށެވެ. އަދި އެ ރިސޯޓުގެ ވެރިންގެ ވިސްނުން ހުރީ ހުޅިދޫ މައްސަލައިގެ ސަބަބުން އަތޮޅުގެ ރަށްތަކަށް ދަތިކުރުން ކަމަށް ވެސް ތުހުމަތު ކުރެއްވި އެވެ.

"އަޅުގަނޑުމެންނަށް މައުލޫމާތު ލިބިފައިވާ ގޮތުގައި ފެލިދޫގައި ގެސްޓްހައުސް ވިޔަފާރިކުރާ ދެތިން ފަރާތަކުން ކައުންސިލަށް ޝަކުވާ ހުށަހަޅާފަ ވަނީ.. އެބޭފުޅުން އެދުނީ ކައުންސިލުން ސިޓީއެއް ލިޔެފި ނަމަ އަލިމަތާއިން ގެސްޓުން ފޮނުވާނެ ކަމަށް," ފެލިދޫ ކައުންސިލްގެ ސިޓީއާ ބެހޭގޮތުން ޝުޖާއު ވިދާޅުވި އެވެ.

އަތޮޅު ކައުންސިލްގެ އަމަލުތަކާ ފެލިދޫ ކައުންސިލުން ދެކޮޅު

މި މައްސަލައިގައި "އަދަދު" އަށް މައުލޫމާތު ދެއްވަމުން ފެލިދޫ ކައުންސިލްގެ ރައީސް އަހުމަދު ނަސްރުﷲ ވިދާޅުވީ ކައުންސިލްގެ ސިޓީއަކީ އަލިމަތާ ރިސޯޓުން ވަކި އެންގުމެއް އަންގައިގެން ފޮނުވި ސިޓީއެއް ނޫން ކަމަށެވެ. އަދި ސިޓީގައި ބުނެފައިވާހެން ނަސްރުﷲ ވަނީ ހުޅިދޫ ހޯދުމަށް "ވަކި ބަޔަކު" ކުރާ މަސައްކަތަކީ އެ ރަށުން ތާއީދުކުރާ ކަމެއް ނޫންކަން ތަކުރާރު ކުރައްވާފަ އެވެ.

"ވ. އަތޮޅުގައި ލޯކަލް ޓުއަރިޒަމް ދިރުވާ އާލާކުރުމަށްޓަކާ ގެސްޓްހައުސް ވިޔަފާރީގައި އުޅުއްވާ ބޭފުޅުން އިސްނަންގަވައިގެން އެސޯސިއޭޝަނެއް އުފެއްދުމުގެ މަސައްކަތެއް ކުރަމުންދިޔަ ދަނޑިވަޅެއްގައި ހިނގާ ދިޔަ ކަމެއް (ހުޅިދޫ މުޒާހަރާ) މި ކަމަކީ." ނަސްރުﷲ ވިދާޅުވި އެވެ.

އޭނާ ދެކޭ ގޮތުގައި ހުޅިދޫ މުޒާހަރާ ފަދަ އަމަލުތަކުގެ ސަބަބުން އެ އަތޮޅުގެ ލޯކަލް ޓުއަރިޒަމަށް ނޭދެވޭ އެތަށް އަސަރެއް ކުރާނެ އެވެ.

އިދިކޮޅު ޕީޕީއެމްއަށް ނިސްބަތްވާ ނަސްރުﷲ ވިދާޅުވީ މިއީ އަތޮޅު ކައުންސިލް ރައީސްގެ ނިސްބަތްވާ ޕާޓީގެ ސަރުކާރެއް ކަމަށާއި މިފަދަ މައްސަލަތަކުގައި އޮންނަ ރީތި ނިޒާމުގެ ދަށުން އުސޫލުގެ ތެރެއިން ކަންކަން ކުރަން ޖެހޭ ކަމަށެވެ. އަދި ބައެއްގެ މުދަލަށް އެގޮތަށް އަރައިގަތުމަކީ ފެލިދޫގެ ރައްޔިތުންނާއި ކައުންސިލުން ބަލައިގަންނަ ހަމައެއް ނޫން ކަމަށް ވެސް ވިދާޅުވި އެވެ.

މައްސަލައިގެ ފަސްފަހަތް

މި މައްސަލަ ފެށިގެން ދިޔައީ ސަރުކާރުން ދަނޑުވެރިކަމަށް ދޫކޮށްފައިވާ ހުޅިދޫގައި އެފަދަ އެއްވެސް މަސައްކަތެއް ނުކުރާ ކަމަށްބުނެ އަތޮޅު ރައީސް ޝުޖާއު އަލީ އިސްވެ ހުންނަވާ އެރަށް އަތޮޅުގެ ރައްޔިތުންނަށް އަނބުރާ ހޯދުމަށް މަސައްކަތް ފެއްޓެވުމުންނެވެ.

އެގޮތުން ރައީސް ސޯލިހު 2018 ވަނަ ވެވަޑައިގެން ރިޔާސީ ވައުދާ އެއްގޮތަށް ވ. އަތޮޅު ރައްޔިތުން ދަތުރުދާނެ ރަށެއް ހަމަޖައްސައިދީ އެ ރަށަކީ ހުޅިދޫއަށް ހަދައިދިނުމަށް ޝުޖާއު އިސްވެ ހުންނަވާ ގޮވާލެއްވި އެވެ. އަތޮޅުގެ ބައެއް ރައްޔިތުން ހުޅިދޫއަށް ގޮސް ކުރި މުޒާހަރާ ހުއްޓާލީ ފުލުހުން ގޮސް ސަރުކާރާ އެކު މަޝްވަރާ ކުރުމަށް އެދުމުންނެވެ.

އޭގެ ފަހުން މި މައްސަލަ ހައްލުކުރުމަށް ސަރުކާރުން ވަނީ އަތޮޅު ކައުންސިލާއި ހުޅިދޫ ކުއްޔަށް ނަގައިގެން ތިބި ފަރާތާއި އެކު މަޝްވަރާތަކެއްވެސް ކުރިއަށް ގެންގޮސްފަ އެވެ. ނަމަވެސް އެ މަޝްވަރާތަކުން މައްސަލައަށް ހައްލެއް ލިބޭގޮތް ވަނީ ނުވެފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox