ސަރުކާރުން ނަސްރުގެ ދުވަސް ފާހަގަނުކުރާ މައްސަލައިގައި ޔާމީންގެ ފާޑުކިޔުން

ރައީސް ޔާމީން : ވިދާޅުވީ މިއަދަކީ ސިއްކަ ދުވަސް ކަމަށް -- ފޮޓޯ: މުހައްމަދު ޝާބިން / އަދަދު

ރައީސް ޔާމީން : ވިދާޅުވީ މިއަދަކީ ސިއްކަ ދުވަސް ކަމަށް -- ފޮޓޯ: މުހައްމަދު ޝާބިން / އަދަދު

މި ސަރުކާރުން ނަސްރުގެ ދުވަސް ފާހަގަނުކުރާ ކަމަށް ބުނެ އިދިކޮޅު ފަރާތްތަކާއި އާންމުންގެ ގިނަ ފާޑުކިޔުންތަކެއް މީގެ ކުރިން ވެސް ވަނީ ސަރުކާރަށާއި ރައީސް ސޯލިހަށް އަމާޒުވެފަ އެވެ. މި އަހަރުގެ ނަސްރުގެ ދުވަސް ކުރީގެ ރައީސް އަބްދުﷲ ޔާމީންގެ ޓްވީޓަކުން ވަނީ ސަރުކާރަށް ހަމަލާއެއް ދެއްވާފަ އެވެ.

އެމަނިކުފާނު ނަސްރުގެ ދުވަހުގެ ބަދަލުގައި ޓުވީޓު ކުރެއްވީ ބިރުވެރި 'ސިއްކަ' ދުވަހުގެ ގޮތުގަ އެވެ.

ރައީސް އޮފީހުން މި އަހަރުގެ ނަސްރުގެ ދުވަސް ފާހަގަކުރުމަށް ނެރެފައިވަނީ ރައީސް ސޯލިހުގެ ހިތޯބެކެވެ. ސިފައިން ޝަހީދުންގެ ބިނާގައި ދިދަ ޖެހުމާއި ގާޑް މައުންޓުކުރުމުގެ ހަރަކާތެއް ބޭއްވި އެވެ. އޭގެ އިތުރަށް އެހެން ހަރަކާތެއް ސަރުކާރުން ރާވާފައެއް ނުވެ އެވެ.

Advertisement

ނަސްރުގެ ދުވަސް ފާހަގަކުރުމަށް ރަސްމީ ޖަލްސާއެއް އެންމެ ފަހުން ބާއްވާފައިވަނީ 2019 ވަނަ އަހަރު އެވެ. އޭގެ ފަހުން ވޭތުވެދިޔަ ދެ އަހަރު އަދި މި އަހަރު ވެސް ރަސްމީ ޖަލްސާއެއް ނުބާއްވަ އެވެ. ރައީސް ގައުމާ މުހާތަބު ކުރައްވާފައެއް ނުވެ އެވެ. އާންމު އުސޫލުގެ ދަށުން ދުވަސްތަކުގެ ތަހުނިޔާ ކިޔުއްވުމަށް ރައީސް ސޯލިހު ކުރައްވާ ޓުވީޓުވެސް މިދިޔަ އަހަރު ނުކުރައްވަ އެވެ.

ނަމަވެސް, މި އަހަރު ރައީސް ސޯލިހު ވަނީ ދުވަހާ ގުޅިގެން ޓްވީޓެއް ކުރައްވާފަ އެވެ.

އިދިކޮޅުން ބުނަނީ "ހާއިނުން" ތިބީ ވެރިކަމުގައި ކަމަށް

ނަސްރުގެ ދުވަހުގެ ހާއިނުން ތިބީ ވެރިކަމުގައި ކަމަށާއި މި ސަރުކާރުން އެ ދުވަސް ފާހަގަނުކުރަނީ އެހެންވެ ކަމަށް އިދިކޮޅު ފަރާތްތަކުން ދަނީ ތަކުރާރުކޮށް ބުނަމުންނެވެ.

ސަބަބެއްގެ ގޮތުގައި އެ ފަރާތްތަކުން ނަގަނީ ރައީސް ސޯލިހުގެ އަނބިކަނބަލުން ފަޒުނާ އަހުމަދުގެ ބައްޕަ ސިއްކަ އަހުމަދު އިސްމާއިލް މަނިކު (ބޮޑު ސިއްކަ) ގެ ބައިވެރިވުން ނޮވެމްބަރު 3 ގެ ހަމަލާގައި އޮތް ކަމަށް ކުރެވޭ ތުހުމަތުތަކެވެ.

މި ހަމަލާގައި ބައިވެރިވިކަމުގެ ކުށް ސާބިތުވި ފަސް ދިވެހިންގެ ތެރޭގައި ވެސް އޭނާ ހިމެނެ އެވެ.

"އަދަދު" އަށް މައުލޫމާތު ދެއްވަމުން އިދިކޮޅު ޕީޕީއެމްގެ ނައިބު ރައީސް އަހުމަދު ޝިޔާމް ވިދާޅުވީ މި ސަރުކާރުން ނަސްރުގެ ދުވަސް ފާހަގަނުކުރާނެ ކަމަށާއި އެ ދުވަހު ދިވެހި ރައްޔިތުންނަށް އެ ބިރުވެރިކަން ގެނައި މީހުން މިއަދު ތިބީ ސަރުކާރުގައި ކަމަށެވެ.

"އެ އާއިލާ މިއަދު ސަރުކާރުގަ މި ތިބީ. އެހެންވީމާ އެމީހުން ކުރި ކަމެއް އެމީހުން ކުރި ކަމެއް ފާހަގަކުރަން ބޭނުމެއް ނުވާނެ. އެމީހުންނަށް ނަސްރުގެ ދުވަހެއް ނޫން މިއީ," ޝިޔާމް ވިދާޅުވި އެވެ.

ސަރުކާރުން ބުނަނީ "އޭ ކެޓަގަރީ" ގެ ދުވަހެއް ކަަމަށް

ރައީސް އޮފީހުގެ ތަރުޖަމާނު މިއުވާން މުހައްމަދަށް ނަސްރުގެ ދުވަހާ ގުޅިގެން އިއްޔެ ނޫސްވެރިޔަކު ކުރި ސުވާލަށް ޖަވާބުދެއްވަމުން ވިދާޅުވީ މިއީ "އޭ ކެޓަގަރީ" ގެ ދުވަހެއް ކަމަށެވެ.

"ނަސްރުގެ ދުވަހަކީ ރާއްޖޭގެ މިނިވަންކަމާއި އިސްލާމް ދީނުގެ ހިމާޔަތުގައި ދިވެހި ގިނަ އަބްތާލުންނެއް ޝަހީދުވެގެންދިޔަ ދުވަސް.. އެއީ ހަމަ ކެޓަގަރީ އޭ (ގެ ދުވަހެއް)," މިއުވާން އިއްޔެ ވިދާޅުވި އެވެ.

ކެޓަގަރީއާ ބެހޭ ސުވާލުތައް އުފެދިގެން ދިޔަ ކަމަށް ބެލެވެނީ މިދިޔަ އަހަރު ނަސްރުގެ ދުވަހު ދައުލަތުގެ މީޑިއާއިން ބުނި ވާހަކައާ ގުޅިގެންނެވެ. އެ ދުވަހު ދައުލަތުގެ މީޑިއާއިން ބުނީ ރަސްމީ ދުވަސްތައް އެ ފަރާތުން ފާހަގަކުރަނީ ކެޓަގަރީތަކަށް ބަހައިލައިގެން ކަމަށާއި ނަސްރުގެ ދުވަސް ފެތެނީ "ބީ ކެޓަގަރީ" އަށް ކަމަށެވެ. ނަމަވެސް އަމާޒުވި ފާޑުކިޔުންތަކާ އެކު އެ ދުވަހު ވަނީ ޕީއެސްއެމް އިން ނަސްރުގެ ދުވަހުގެ ޕްރޮގްރާމެެއް ގެނެސްދީފަ އެވެ.

މި އަހަރު ވެސް ނަސްރުގެ ދުވަހުގެ ޖަލްސާއެއް ނެތުމާއި އިދިކޮޅުން ކިޔަމުންދާ ފާޑުކިޔުންތަކާ ގުޅިގެން "އަދަދު" އިން މިއަދު ސުވާލުކުރުމުން މިއުވާން ވިދާޅުވީ އިދިކޮޅުން ނަސްރުގެ ދުވަހާ ބެހޭ ގޮތުން ދައްކާ ވާހަކަތަކަކީ ނަފްރަތު އުފެއްދުމަށް ދައްކާ ވާހަކަތަކެއް ކަމަށެވެ. އަދި މިރޭ ކުޅުދުއްފުށީގައި ނަސްރުގެ ދުވަހުގެ ޖަލްސާ އޮންނާނެ ކަމަށް ވިދާޅުވި އެވެ. ނަމަވެސް "އަދަދު" އަށް މައުލޫމާތު ލިބިފައިވާ ގޮތުގައި މިރޭ ކުޅުދުއްފުށީގައި ބޭއްވޭ ޖަލްސާއަކީ އެ ސިޓީގެ ކައުންސިލުން ބާއްވާ ޖަލްސާއެކެވެ.

ކުޅުދުއްފުށި ސިޓީ މޭޔަރު މުހައްމަދު އާތިފް އަށް "އަދަދު" އިން ގުޅުމުން ވިދާޅުވީ މިރޭގެ ޖަލްސާއަކީ ކުޅުދުއްފުށީ ކައުންސިލާއި އެ ރަށު ޖަލާލުއްދީން ސްކޫލް ގުޅިގެން ބާއްވާ ޖަލްސާއެއް ކަމަށެވެ. އަދި މި ޖަލްސާގައި ސަރުކާރުގެ އެއްވެސް އިސްވެރިއަކު ބައިވެރިވެވަޑައިނުގަންނަވާކަން އާތިފް ވަނީ ކަށަވަރުކޮށް ދެއްވާފަ އެވެ.

ކުޅުދުއްފުށީ ކައުންސިލުން މިރޭ ބާއްވާ ޖަލްސާގެ ޝަރަފުވެރި މެހުމާނެއްގެ ގޮތުން ބައިވެރިވެވަޑައިގަންނަވަނީ ހެރިޓޭޖް މިނިސްޓްރީގެ ރިސާޗް އެނަލިސްޓް އަހުމަދު އަލާ ދީދީ އެވެ. މީގެއިތުރުން ރިޓަޔާޑް ބްރިގޭޑިއާ ޖެނެރަލް އިބްރާހިމް މުހައްމަދު ދީދީ ވެސް ބައިވެރިވެވަޑައިގަންނަވާނެ ކަމަށް މޭޔަރު އާތިފް ވިދާޅުވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox