ނޫސްވެރިންގެ ރައްކާތެރިކަމަށް 6 ކަމެއް ތަންފީޒުކޮށްދޭން އެމްޖޭއޭއިން އެދިއްޖެ

އެމްޖޭއޭގެ ބައްދަލުވުމެއްގެ ތެރެއިން؛ ނޫސްވެރިންގެ ރައްކާތެރިކަމަށް އެމްޖޭއޭއިން ވަނީ 6 ކަމަކަށް އެދިފައި

އެމްޖޭއޭގެ ބައްދަލުވުމެއްގެ ތެރެއިން؛ ނޫސްވެރިންގެ ރައްކާތެރިކަމަށް އެމްޖޭއޭއިން ވަނީ 6 ކަމަކަށް އެދިފައި

ނޫސްވެރިންގެ ރައްކާތެރިކަން ކަށަވަރުކޮށްދިނުމަށް ހަ ކަމެއް ތަންފީޒު ކުރުމަށް މޯލްޑިވްސް ޖާނަލިސްޓްސް އެސޯސިއޭޝަން (އެމްޖޭއޭ) އިން ސަރުކާރަށް ގޮވާލައިފި އެވެ.

އެމްޖޭއޭއިން އެކަންކަމަށް ގޮވާލީ މިއަދު ފާހަގަ ކުރާ 'އިންޓަނޭޝަނަލް ޑޭ ޓު އެންޑް އިމްޕިޔުނިޓީ ފޯ ކްރައިމްސް އަގެއިންސްޓް ޖާނަލިސްޓްސް' ނުވަތަ ނޫސްވެރިންނާ ދެކޮޅަށް ހިންގާ ކުށްތަކަށް އަދަބު ނުދެވޭ ނުދެވުން ހުއްޓުވުމަށް ގޮވާލާ ފާހަގަ ކުރާ ބައިނަލްއަގުވާމީ ދުވަހުގެ މުނާސަބާގަ އެވެ.

އެމްޖޭއޭއިން ސަރުކާރަށް ގޮވާލާ ކަންކަން:

  • ފާޅުގައި، ހާމަކަންބޮޑު ގޮތެއްގައި ނޫސްވެރިންނާ ދެކޮޅަށް ހިންގާ ޖަރީމާތައް އެންމެ މަތީ ދަރަޖައިގައި ކުށްވެރިކުރުން
  • އިންސާފުވެރި، އަވަސް، ފުރިހަމަ، މިނިވަން އަދި ހަރުދަނާ ގޮތެއްގައި ތަހުގީގުތައް ހިންގުން
  • ކުށްކުރި މީހުންގެ މައްޗަށް ދައުވާކޮށް އަދަބު ދިނުން ހަރުދަނާކުރުން
  • އަނިޔާގެ ޝިކާރައަށްވާ ނޫސްވެރިންނާއި އާއިލާތަކަށް އެހީތެރިވުން
  • އޮންލައިންކޮށް ކުރާ ފުރައްސާރަ އާއި ބިރުދެއްކުމަށް ފުރިހަމަ ރައްކާތެރިކަން ހޯދައިދޭން ޖެހޭ
  • ނޫސްވެރިންގެ ރައްކާތެރިކަމަށް އަހަންމިއްޔަތުކަން ދީ އެކަން ކުރިއެރުވުން

ނޫސްވެރިންނާ ދެކޮޅަށް ހިންގާ ކުށްތަކަށް އަދަބު ނުދެވޭ ނުދެވުން ހުއްޓުވުމަށް ގޮވާލާ ދުވަހުގެ މުނާސަބާގައި އެމްޖޭއޭގެ ރައީސް، އަލީ ރިފްޝާން ވިދާޅުވީ، ރާއްޖޭގައި ވެސް ނޫސްވެރިންނަށް އެކި ގޮތްގޮތުން ބިރު ދެއްކުމާއި ފުރައްސާރަ ކުރުމާއި ހުރަސްއެޅުމުގެ އަމަލުތައް އަދިވެސް ހިނގަމުން ދާ ކަމަށާއި، އެކަންކަން ހުއްޓުވަން އެކަށީގެންވާ މަސައްކަތެއް އަދި އިސްކަމެއް ވެސް ނުދެވޭ ކަމަށެވެ.

އޭނާ ވިދާޅުވީ ނޫސްވެރިންނާ ދެކޮޅަށް ހިންގާ ކަންކަން ރަނގަޅަށް ބެލި އިންސާފު ލިބޭކަން އިހުސާސް ކުރެވޭ ވަރަށް އިންސާފު ހޯދައިދެވިފައެއް ނެތް ކަމަށެވެ. އަދި އޭގެ ނަތީޖާއެއްގެ ގޮތުން ނޫސްވެރިންނަށް ރައްކާތެރިކަން އޮތް ކަމުގެ އިހުސާސް ނުކުރެވޭ ކަމަށް އޭނާ ވިދާޅުވި އެވެ.

"ނޫސްވެރިންނަށް ރައްކާތެރި މާހައުލެއް ކަށަވަރުކޮށް ދިނުމަށް ރާއްޖޭގައިވެސް ކުރަން ޖެހޭ މަސައްކަތްތައް ވަރަށް ގިނަ. އަޅުގަނޑުމެން ދައުލަތުގެ އިދާރާތަކަށް ގޮވާލަނީ އެމްޖޭއޭއިން މި ހުށަހަޅާ ހަ ކަންތައް ތަންފީޒުކޮށް އަމަލީ ސިފަގެނައުމަށް ގުޅިގެން މަސައްކަތް ކުރުމަށް،" ރިފްޝާން ވިދާޅުވި އެވެ.

އޭގެ އިތުރަށް އެމްޖޭއޭއިން މިއަދު ނެރުނު ބަޔާނުގައި ވަނީ 2014 ވަނަ އަހަރު ގެއްލުވާލާފައިވާ މިނިވަން ނޫހުގެ ނޫސްވެރިޔާ އަހުމަދު ރިލްވާން އަބްދުﷲގެ މަރުގެ މައްސަލަ ތަހުގީގު ކުރުމުގައި މިދިޔަ ދެތިން އަހަރެއްގެ ތެރޭ ކުރިއެރުންތަކެއް ހޯދައި ބައެއް މީހުންގެ މައްޗަށް ދައުވާ އުފުލާފައިވާތީ އެކަން ފާހަގަ ކޮށްފަ އެވެ. ނަމަވެސް ރިލްވާން ގެއްލުވާލުމުގައި ބައިވެރިވި ކަމަށް ތުހުމަތުވާ ގިނަ ބައެއްގެ މައްޗަށް ތަހުގީގުތައް ނުހިންގި އޮތް އޮތުމަކީ ނޫސްވެރިންނަށް ރައްކާތެރި މާހައުލެއް ކަށަވަރުނުކޮށްދެވޭ ކަމުގެ ހެއްކެއް ކަމަށް އެމްޖޭއޭއިން ބުނެ އެވެ.

އެ ޖަމްއިއްޔާއިން ބުނީ ރަހުމްކުޑަ ގޮތަކަށް 2016ގައި މަރާލި ބްލޮގަރު ޔާމީން ރަޝީދުގެ މަރުގެ މައްސަލައިގައި ވެސް އެކަށީގެންވާ ގޮތެއްގައި ތަހުގީގުތައް ނުހިންގި އެ މަރަށް އެކަށީގެންވާ ގޮތެއްގައި އިންސާފު ހޯދައިދެވިފައި ނުވާ ކަމަށެވެ. އަދި އެއީ އެފަދަ ނުރައްކާތެރި ޖަރީމާތައް ތަކުރާރު ކުރުމަށް ލިބޭ ހިތްވަރެއް ކަމަށް ވެސް އެމްޖޭއޭއިން ބުނެ އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox