އުރީދޫ އިން އޭއައި އެސިސްޓެންޓެއް އަދި ތާނަ ފޮންޓެއް ތައާރަފުކޮށްފި

އޫރިދޫ މޯލްޑިވްސް ގެ އެމްޑީ ހާމިދު އަލް ހަމާދީ : ވިދާޅުވީ އުރީދޫއިން އަބަދުވެސް މަސައްކަތް ކުރަނީ ކަސްޓަމަރުންނަށް އެންމެ ފުރިހަމަ ހިދުމަތެއް ދިނުމަށް ކަމަށް -- ފޮޓޯ: މުހައްމަދު ޝާބިން / އަދަދު

އޫރިދޫ މޯލްޑިވްސް ގެ އެމްޑީ ހާމިދު އަލް ހަމާދީ : ވިދާޅުވީ އުރީދޫއިން އަބަދުވެސް މަސައްކަތް ކުރަނީ ކަސްޓަމަރުންނަށް އެންމެ ފުރިހަމަ ހިދުމަތެއް ދިނުމަށް ކަމަށް -- ފޮޓޯ: މުހައްމަދު ޝާބިން / އަދަދު

އޫރިދޫ މޯލްޑިވްސް އިން އާޓިފިޝަލް އިންޓެލިޖެންސް (އޭއައި) މެދުވެރިކޮށް އުފައްދާފައިވާ އޫރިދޫ ޑިޖިޓަލް ކެއާ އެސިސްޓެންޓް 'އެވީ' އަދި އެ ކުންފުނީގެ ހާއްސަ ތާނަ ފޮންޓެއް ތައާރަފުކޮށްފި އެވެ.

މިއަދު ބޭއްވި ހާއްސަ ހަފުލާއެއްގައި 'އެވީ' ތައާރަފު ކޮށްދެއްވީ ޓެކްނޮލަޖީ މިނިސްޓަރު އައިމިނަތު ޝައުނާ އެވެ. އަދި އޫރިދޫގެ ހާއްސަ ތާނަ ފޮންޓު ތައާރަފު ކޮށްދެއްވީ އާޓްސް އެންޑް ކަލްޗާ މިނިސްޓަރު ޔުމްނާ މައުމޫނެވެ.

މި ހަފުލާގައި ވާހަކަ ދައްކަވަމުން އޫރިދޫ މޯލްޑިވްސްގެ މެނޭޖިން ޑިރެކްޓަރު ހާލިދު އަލް ހަމާދީ ވިދާޅުވީ މި އަހަރު ފެށުނީއްސުރެ އެ ކުންފުނިން ރާއްޖެއަށް އާ ކަންކަން ތައާރަފުކުރަމުން ގޮސްފައިވާ ކަމަށެވެ.

އަދި އުރީދޫއިން އަބަދުވެސް މަސައްކަތް ކުރަނީ ކަސްޓަމަރުންނަށް އެންމެ ފުރިހަމަ ހިދުމަތެއް ދިނުމަށް ކަމުގައިވެސް ވިދާޅުވި އެވެ.

އޫރިދޫގެ ޑިޖިޓަލް ކެއާ އެސިސްޓަންޓް 'އެވީ'

އުރީދޫ 'އެވީ' (ކ) އަދި މިނިސްޓަރު ޝައުނާ --
އުރީދޫ 'އެވީ' (ކ) އަދި މިނިސްޓަރު ޝައުނާ --

އުރީދޫ 'އެވީ' (ކ) އަދި މިނިސްޓަރު ޝައުނާ : މިނިސްޓަރު ވިދާޅުވީ ދިވެހި ބަހުން މިފަދަ ހިދުމަތެއް ތައާރަފުކުރެވިގެން ދިއުމަކީ ވަރަށް އުފާވެރި ކަމެއް ކަމުގައި -- ފޮޓޯ: މުހައްމަދު ޝާބިން / އަދަދު

މިއަދު ތައާރަފު ކުރެވިގެންދިޔަ އެވީ އަކީ ރާއްޖޭގައި ދިވެހި ބަހުން މުހާތަބު ކުރެވޭގޮތަށް އޭއައި މެދުވެރިކޮށް އުފެދިގެންދިޔަ ފުރަތަމަ ޑިޖިޓަލް އެސިސްޓެންޓް އެވެ. އުރީދޫއިން ބުނެފައިވަނީ އެވީ އަކީ ޑިޖިޓަލް ހިދުމަތްތައް މެދުވެރިކޮށް ކަސްޓަމަރުންގެ ދިރިއުޅުން އިތުރަށް ފުރިހަމަ ކުރުމަށް ކުރާ މަސައްކަތްތަކުގެ ދަށުން އިތުރުވި ވަރަށް ހާއްސަ ހިދުމަތެއް ކަމަށެވެ.

އަދި އޫރިދޫގެ ކަސްޓަމަރުންނަށް ހިދުމަތްތައް ދިނުމުގައި އެންމެ ފުރިހަމަ ތަޖުރިބާއެއް ޔަގީން ކޮށްދިނުމަކީ އެ ކުންފުނީގެ ސްޓްރެޓެޖީގެ މައިގަނޑު އެއް ބިނާ ކަމަށްވެސް އުރީދޫއިން ބުނެފައިވެ އެވެ. އެވީ އާއެކު އުރީދޫގެ ކަސްޓަމަރުންނަށް ލިބޭ ހިދުމަތްތައް އިތުރަށް ފުރިހަމަވެގެންދާނެ ކަމަށްވެސް ބުނެފައިވެ އެވެ.

އޫރިދޫއިން ވަނީ އެވީ އުފެއްދުމާއި ދިވެހި ބަހަށް ތަމްރީނު ކުރުމުގައި އެ ކުންފުނީގެ މުވައްޒަފުންނާއި ޕާޓްނަރުން ކުރި ބުރަ މަސައްކަތް ފާހަގަކޮށް ޝުކުރު އަދާކޮށްފަ އެވެ.

މިހާރު އުރީދޫގެ ހޮޓްލައިން 929 އަށް ގުޅާލައިގެން ކަސްޓަމާ ކެއާ އެޖެންޓަކާ ވާހަކަ ދެއްކުމަށް ލައިންގައި މަޑުކުރުމުގެ ބަދަލުގައި އެވީ މެދުވެރިކޮށް ޑޭޓާ، ވޮއިސް، އެސްއެމްއެސް ގެ ބެލެންސް އަދި ބިލުތަކާ ބެހޭ މައުލޫމާތު ދިވެހި ބަހުން ބަލައިލެވޭނެ އެވެ.

އެވީ ތައާރަފު ކުރެއްވުމަށްފަހު ވާހަކަ ދައްކަވަމުން މިނިސްޓަރު ޝައުނާ ވިދާޅުވީ ޓެކްނޮލަޖީއަކީ މިއަދު އެއާ ނުލާ ނޫޅެވޭ ވަރުގެ އެއްޗަކަށްވެފައިވާ ކަމަށެވެ. ހާއްސަކޮށް ރާއްޖޭގެ ތަރައްގީ މިސްރާބު ޖަހާފައިވާ ދާއިރާތަކަށް ބަލައިލި ކަމުގައިވީނަމަވެސް ޓެކްނޮލަޖީއާ ނުލާ ކުރިނޭރޭނެ ކަން ހާމަވާކަމަށްވެސް ވިދާޅުވި އެވެ.

"މިހާވަރަށް (ދުނިޔެ) ކުރިއަރައިގެން އަންނަ އިރުގަ ދިވެހި ބަހުން ދިވެހިންނާ މުހާތަބުކޮށް ދިވެހިންނަށް ބޭނުންވާ ހިދުމަތްތަކުގެ އެހީތެރިއެއްގެ ގޮތުގައި 'އެވީ' އަޅުގަނޑުމެންނަށް ތައާރަފުވުމަކީ ދިވެހިރާއްޖެ މިސްރާބު ޖަހާމުންދާ ތަރައްގީގެ ޖާނީ (ދަތުރު) ގައި ލިބުނު ވަރަށް ބޮޑު ކުރިއެރުމެއް" މިނިސްޓަރު ޝައުނާ ވިދާޅުވި އިތުރަށް އެވެ.

އޫރިދޫގެ ހާއްސަ ތާނަ ފޮންޓު

އުރީދޫގެ ބްރޭންޑިން މެނޭޖަރު އަކްޝަމް އެކުންފުނީގެ ތާނަ ފޮންޓުގެ ތަފުސީލު ދެއްވަނީ  -- ފޮޓޯ: މުހައްމަދު ޝާބިން / އަދަދު
އުރީދޫގެ ބްރޭންޑިން މެނޭޖަރު އަކްޝަމް އެކުންފުނީގެ ތާނަ ފޮންޓުގެ ތަފުސީލު ދެއްވަނީ -- ފޮޓޯ: މުހައްމަދު ޝާބިން / އަދަދު

އުރީދޫގެ ބްރޭންޑިން މެނޭޖަރު އަކްޝަމް އެކުންފުނީގެ ތާނަ ފޮންޓުގެ ތަފުސީލު ދެއްވަނީ -- ފޮޓޯ: މުހައްމަދު ޝާބިން / އަދަދު

އޫރިދޫއިން މިއަދު ތައާރަފުކުރި ހާއްސަ ތާނަ ފޮންޓަކީ އެކުންފުނީގެ ބްރޭންޑިންގެ ދަށުން ހާއްސަ ސިފަތަކެއް އެކުލެވޭ ގޮތަށް އުފެއްދި ފޮންޓެކެވެ. ފޮންޓާ ބެހޭ އިތުރު ތަފުސީލު ދެއްވަމުން އެ ކުންފުނީގެ ބްރޭންޑިން މެނޭޖަރު މުހައްމަދު އަކްޝަމް ވިދާޅުވީ މި ފޮންޓަކީ ދުރާލާ މަސައްކަތްތަކެއް ކުރެވި ގިނަ ބައެއްގެ ކޮމެންޓާއި އެއްބާރުލުމާއެކު ހެދުނު ފޮންޓެއް ކަމަށެވެ.

އަކްޝަމް އިތުރަށް ވިދާޅުވެފައިވަނީ ފޮންޓު ހެދުމުގައި ކުންފުނީގެ ޕާޓްނަރު ހުސެއިން ނިޔާޒް ވެދެއްވި އެހީތެރިކަން ފާހަގަކުރައްވައި ޝުކުރު އަދާކުރައްވާފަ އެވެ. ނިޔާޒް އަކީ މީގެ ކުރިންވެސް އަމިއްލަ ގިނަ ތާނަ ފޮންޓުތަކެއް ހައްދަވާފައިވާ ބޭފުޅެކެވެ.

އުރީދޫގެ މި ފޮންޓުގެ ހަތަރު ސްޓައިލެއް ވަނީ ތައާރަފުކޮށްފަ އެވެ. އެއީ ރެގިއުލާ، ބޯލްޑް، އެކްސްޓްރާ ބޯލްޑް އަދި ލައިޓް އެވެ. އުރީދޫގެ މި ފޮންޓު މިހާރުން ފެށިގެން އެ ކުންފުނީގެ ވެބްސައިޓުން ޑައުންލޯޑް ކުރެވެން ހުންނާނެ އެވެ.

ފޮންޓު ތައާރަފު ކުރެއްވުމަށްފަހު ވާހަކަ ދައްކަވަމުން ކަލްޗާ މިނިސްޓަރު ޔުމްނާ ވިދާޅުވީ ދިވެހި ބަހަކީ ދިވެހިންގެ އަމިއްލަވަންތަކަމުގެ އެންމެ ބޮޑު ރަމްޒު ކަމަށެވެ. އަދި މިހާރު ދުނިޔޭގައި 7000 އަށްވުރެ ގިނަ ބަސް ބޭނުންކުރަމުންދާ ނަމަވެސް މިގަރުނުގެ ތެރޭގައި އޭގެ ތެރެއިން 50 ޕަސަންޓުގެ ބަސް ނެތި ދިއުމުގެ ބިރު އެބައޮތް ކަމަށް މާހިރުން ދެކޭ ކަމަށްވެސް ވިދާޅުވި އެވެ.

"ބަސްތައް ހިމާޔަތް ކުރުމަށް ކުރެވޭނެ އެންމެ މުހިންމެ އެއް ކަމަކީ ބަހާއި ޓެކްނޮލަޖީއާ ރައްޓެހިކުރުވުން" މިއަދު ތައާރަފު ވެގެންދިޔަ ތާނަ ފޮންޓު އަދި އެވީގެ މުހިންމުކަން ފާހަގަކުރައްވާ މިނިސްޓަރު ވިދާޅުވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox