ޕެރިސް (އޮކްޓޫބަރު 17) - ޕީއެސްޖީގެ ފްރާންސްގެ ފޯވަޑް ކިލިއަން އެމްބާޕޭ އެ ކްލަބުން ދޫކޮށްލަން ބޭނުންވާ ކަމަށް ބުނެ ފެތުރުނު ރިޕޯޓްތައް ދޮގުކޮށްފި އެވެ.
ޕީއެސްޖީ ދޫކޮށްލަން އެމްބާޕޭ ބޭނުންވާ ކަމުގެ ރިޕޯޓްތައް ފެތުރެން ފެށީ މިދިޔަ އަންގާރަ ދުވަހުގެ ރޭ ޗެމްޕިއަންސް ލީގުގައި ބެންފީކާއާ ދެކޮޅަށް ޕީއެސްޖީ ކުޅެން އޮތް މެޗުގެ ކުރިންނެެވެ. ޕީއެސްޖީ ދޫކޮށްލަން އެމްބާޕޭ ބޭނުންވާ ވާހަކަތައް ވަރަށް ހޫނުކޮށް ފެތުރިގެންދިޔަ އެވެ.
އެކަމަކު، ފްރާންސް ލީގުގައި ރޭ މާސޭ އަތުން ޕީއެސްޖީ މޮޅުވި މެޗަށް ފަހު، އެމްބާޕޭ ވަނީ އެ ވާހަކަތައް ދޮގުކޮށްފަ އެވެ.
"އަހަރެން އެއް އިރެއްގައި ވެސް ނުބުނަން ޕީއެސްޖީ ދޫކޮށްލަން ބޭނުންވާ ވާހަކައެއް. މި ކްލަބުގައި އަހަރެން މިހުރީ ވަރަށް ހިތްހަމަޖެހިގެން،" އެމްބާޕޭ ބުންޏެވެ.
"އަހަންނަކަށް ނޭނގޭ މެޗެއް ކުރިން އެ ހަބަރު ފެތުރުނީ ކީއްވެކަން. އަހަރެން ވެސް ހުރީ ވަރަށް ހައިރާންވެފައި. ބައެއް މީހުން ހީކުރަނީ މި ވާހަކަތައް ފެތުރުމުގައި އަހަރެން ވެސް ބައިވެރިވާ ކަމަށް. އެކަމަކު، އަހަންނަށް އެއްވެސް ކަމެއް ނޭނގޭ،" އެމްޕޭބޭ ބުންޏެވެ.
ޕީއެސްޖީ ދޫކޮށްލަން އެމްބާޕޭ ބޭނުުންވާކަން އެންމެ ފުރަތަމަ ފެތެރުނީ އެމްބާޕޭގެ ގާތް ކުޅުންތެރިންތަކެއްގެ ފަރާތުން ކަމަށް މީޑިއާ ރިޕޯޓްތަކުން ބުނެ އެވެ. އެކަމަކު މި ވާހަކަތައް އެމްބާޕޭ ވަނީ ދޮގުކޮށްފަ އެވެ.
'އެއީ ހުސް ދޮގު ވާހަކަތަކެއް. އަހަރެން ޕީއެސްޖީގައި މިހުރީ ވަރަށް ހިތްހަމަޖެހިގެން،" އެމްބާޕޭ ބުންޏެވެ.
ފްރާންސް ލީގުގެ އެއްވަނައިގައި އިން ޕޮއިންޓްގެ ލީޑެއް ޕީއެސްޖީން ހޯދީ ލީގުގައި ޜޭ މާސޭ އަތުން 1-0 އިން މޮޅުވެގެނެވެ. މި މެޗުގައި ނޭމާ ލަނޑުޖެހިއިރުު، ނޭމާ އަށް އެ ފުރުސަތު ތަނަވަސްކޮށްދިނީ އެމްބާޕޭ އެވެ.
