ކޮކާކޯލާގެ ވޯލްޑް ކަޕް ޕްރޮމޯޝަންގެ ނަސީބުވެރިންނާ ބައްދަލުކޮށްފި

ކޮކާކޯލާ އިން މިއަދު ބޭއްވި އިވެންޓްގެ ތެރެއިން.--- ފޮޓޯ: ކޮކާކޯލާ ކޮމްޕެނީ

ކޮކާކޯލާ އިން މިއަދު ބޭއްވި އިވެންޓްގެ ތެރެއިން.--- ފޮޓޯ: ކޮކާކޯލާ ކޮމްޕެނީ

އަންނަ މަހު 20 ވަނަ ދުވަހު ގަތަރުގައި ފަށަން ހަމަޖެހިފައިވާ ފީފާ ވޯލްޑް ކަޕުގެ މެޗެއް ބަލައިލަން ދިއުމުގެ ފުރުސަތު ވެސް ލިބިގެންދާ ކޮކާކޯލާ ވޯލްޑް ކަޕް ޕްރޮމޯޝަންގެ މިހާތަނަށް ހޮވުނު ނަސީބުވެރިންނާ އެ ކުންފުނީގެ އޮފިޝަލުން ބައްދަލުކޮށްފި އެވެ.

މިއަދު ހަވީރު މާގިރި ހޮޓެލްގައި ބޭއްވި ހާއްސަ ސަޔަކާ އެކު ކުރިއަށް ގެންދިޔަ މި އިވެންޓުގައި މިހާތަނަށް ގުރުއަތުން ހޮވިފައިވާ ނަސީބުވެރި ފަރާތްތަކާއި، އެ ފަރާތްތަކުގެ އާއިލާތަކާއި މީޑިއާތަކުން ވެސް ވަނީ ކޮކާކޯލާ ކުންފުނީގެ ދައުވަތަށް ބައިވެރިވެފަ އެވެ.

މި މަހުގެ 31 ވަނަ ދުވަހުގެ ނިޔަލަށް ކުރިއަށްދާ މި ޕްރޮމޯޝަންގައި ކޮންމެ ހަފުތާއަކު ޖުމްލަ 10 ނަސީބުވެރިއަކު ހޮވާނެ އެވެ. އޭގެ ތެރޭގައި އެންމެ ބޮޑު އިނާމަކީ ދެ މީހަކަށް ހުރިހާ ހަރަދަކާ އެކު ލިބޭ ވޯލްޑް ކަޕު މެޗެއް ބަލައިލުމަށް ގަތަރަށް ދިއުމުގެ ފުރުސަތެވެ. މީގެއިތުރުން ޕީއެސް ފައިވް އަކާއި ވޯލްޑް ކަޕުގެ ރަސްމީ ބޯޅައެއްގެ އިތުރުން ހަތް ފަރާތަކަށް ކޮކާކޯލާ ކޭހެއް ލިބިގެންދާނެ އެވެ.

ފަހަކަށް އައިސް ބައިނަލްއަގުވާމީ ބޮޑެތި ފުޓްބޯޅަ މުބާރާތްތަކުގެ ތެރެއިން ނަސީބު ވެރިންނަށް މެޗުތައް ބަލައިލުމުގެ ފުރުސަތު ކޮކާކޯލާ އިން އަންނަނީ ދެމުންނެވެ. އެ ގޮތުން 2018 ވަނަ އަހަރު ރަޝިއާގައި ބޭއްވި ވޯލްޑް ކަޕްގައި ވެސް ނަސީބުވެރި ފަރާތްތަކަށް މެޗެއް ބަލައިލުމުގެ ފުރުސަތު ކޮކާކޯލާ އިން ވަނީ ދީފަ އެވެ.

މިއަދު ބޭއްވި އިވެންޓްގެ ތެރެއިން ކޮކާކޯލާގެ ޕްރޮމޯޝަނުގައި ބައިވެރިވި ނަސީބު ވެރިއަކު މީޑިއާ އަށް އިންޓަވިއު ދެނީ.--- ފޮޓޯ: ކޮކާކޯލާ

މި ޕްރޮމޯޝަނުގައި ބައިވެރިވުމަށް ގަންނަ ކޮކާ-ކޯލާ، ކޮކާ-ކޯލާ ޒީރޯ ނުވަތަ ސްޕްރައިޓްގެ ރީނދޫ ކުލައިގެ މަތިގަނޑު ޖެހި ޕެޓް ފުޅީގެ މަތިގަނޑުގެ ދަށުގައި އިންނަ ހަ ނަންބަރުގެ ކޯޑު 2626 ފޮނުވަން ޖެހޭނެ އެވެ. ކޮންމެ ހަފުތާއެއްގެ ގުރުއަތުލުން އޮންނާނީ ހޮނިހިރު ދުވަހުގެ ރޭ 19:45 އިން 19:55 އަށް ޓީވީއެމް މެދުވެރިކޮށް ވަގުތުން ގެނެސްދޭ ގުރުއަތެއްގަ އެވެ.

މިއަދުގެ އިވެންޓުގައި ބައިވެރިވި ނަސީބުވެރިންގެ ތެރެއިން ގަތަރަށް ދިއުމުގެ ފުރުސަތު ލިބިފައިވާ ފަރާތަކުން މީޑިއާތަކަށް މައުލޫމާތު ދެމުން ބުނެފައިވަނީ އެ ފަރާތުން މި ޕްރޮމޯޝަނަށް މިހާތަނަށް ކުރީ އެންމެ އެސްއެމްއެސް އެއް ކަމަށެވެ. އަދި މި ފުރުސަތު ލިބުމުން ވަރަށް ވެސް އުފާވާ ކަމަށާއި މިހާރު ހުރީ ވޯލްޑް ކަޕު ބަލައިލުމަށް ކެތްމަދުވެފައި ކަމަށް ވެސް ބުންޏެވެ.

ކޮމެންޓް

ފަހުގެ ޚަބަރު

ތިމަރަފުށްޓާއި ފޮނަދޫގައި ސިޓީ ހޮޓާ އަޅަން ހުޅުވާލައިފި

ތ. ތިމަރަފުށްޓާއި ލ. ފޮނަދޫގައި ފަތުރުވެރިކަން ފުޅާކުރުމަށްޓަކައި، އެ ދެ ރަށުގައި ސިޓީ ހޮޓާ އަޅައި ހިންގާނެ ފަރާތްތައް ހޯދުމަށް ޓޫރިޒަމް މިނިސްޓްރީން ބީލަމަށް ހުޅުވާލައިފި. މިއީ ރާއްޖޭގެ އެކި ސަރަހައްދުތަކަށް ފަތުރުވެރިކަން ފުޅާކުރުމަށް ސަރުކާރުން ގެންގުޅޭ ސިޔާސަތުގެ ދަށުން ކުރިއަށްގެންދާ މަސައްކަތެއް.

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

Newsletter

Get the latest news delivered straight to your inbox