އެތައް ހާސް ކަކުނި މަރުވެގެން ގޮނޑުދޮށަށް ލައްގާފައިވާ ސަބަބު ދެނެގަތުމަށް ޒަންޒިބާރްގެ ސަރުކާރުން މަސައްކަަތް ފަށައިފި އެވެ.
ޒަންޒިބާރްގެ މްޓޮނީ، މިޒިންގަނީ އަދި ފޮރޮދަނީ ގޮނޑުދޮށަށް މަރުވެފައިވާ ކަކުނިތައް ލަައްގާކަމުގެ ރިޕޯޓުތައް ލިބެން ފެށީ ސެޕްޓްމްބަރު 28 ގަ އެވެ.
އެއީ ތަގައްޔަރުވުމުގެ ސަބަބުން މެދުވެރިވި ކަމަކަށް ވެދާނެތީ އާއްމުން ކަންބޮޑުވެ އެވެ. އެކަމަކު ސަރުކާރުން ގޮވާލީ ކަންބޮޑުނުވުމަށެވެ.
ރިޕޯޓުތައް ބުނާ ގޮތުން އެކަން މެދުވެރިވީ މޫސުމީ ބަދަަލާ ހެދި ކުއްލިއަކަށް ކަނޑުގެ ފިނިހޫނުމިނަށް ބަދަލު އައުމުން ކަމަށް ވުން އެކަށީގެންވެ އެވެ.
"ކަނޑުގެ ފިނިހޫނުމިނަށް އަންނަ ކުއްލި ބަދަލުތަކަށް ހޭނުމަކީ ބައެއް ދިރުންތަކެއް ކުރެވޭ ކަމެއް ނޫން،" މެރީން ބަޔޮލޮޖިސްޓް އަދި ޒަންޒިބާރްގެ ޑިރެކްޓާ އޮފް ޑެވެލޮޕްމަންޓް އެންޑް ފިޝަރީޒް ޑރ. ސަލޫމް ސޫދް ބީބީސީއަަށް ވިދާޅުވި އެވެ.
ޒަންޒިބާރްގެ އެންވާރަމަންޓް މެނޭޖްމަންޓް އޮތޯރިޓީގެ ޑިރެކްޓަރު ޖެނެރަލް ޝެހާ މްޖާޖާ ޖޫމާ އެ ގައުމުގެ ނޫހަކަށް ވިދާޅުވީ ކަކުނި މަަރުވުމުގެ މަައްސަލަ ސީޝެލްސްއަށް ވެސް ދިމާވި ކަމަށެވެ.
