މި މަހު ފަށާ ފީފާ ވޯލްޑު ކަޕުގެ ސެމީ ފައިނަލުގެ މެޗެއް ބަލާލަން ދިއުމުގެ ފުރުސަތު ހަތަރު ފަރާތަކަށް ލިބޭ ގޮތަށް އުރީދޫ މޯލްޑިވްސްއިން ކުރިއަށް ގެންދިޔަ ޕްރޮމޯޝަނުގެ ނަސީބުވެރިން ރޭ ހޮވައިފި އެވެ.
ނަސީބުވެރިން
- މަރިޔަމް ޝަބްނަމް
- އަހުމަދު ޝިހާމް
- ހާފިޒު ސައީދު
- ސޮމޮރަތަނާ ޔޮޑަގެ
މި ހުރިހާ ނަސީބުވެރިން ސެމީ ފައިނަލް މެޗު ބަލަން ގަތަރަށް ދިއުމުގެ ހުރިހާ ހަރަދެެއް ބަލަހައްޓާނީ އުރީދޫންނެވެ.
މި މަހު ފަށާ ފީފާ ވޯލްޑުކަޕުގެ ސެމީ ފައިނަލް މެޗެއް ބަލާލަން ދިއުމުގެ ފުރުސަތު ލިބުނު ހަތަރު ނަސީބުވެރިން -- ފޮޓޯ: އުރީދޫ
މިދިޔަ އޮގަސްޓު، 2 ވަނަ ދުވަހު ފެށި ޕްރޮމޯޝަން ކުރިއަށް ގެންދިޔައީ އުރީދޫގެ މިހާރުގެ ކަސްޓަމަރުންނާއި އަލަށް އެ ކުންފުނީގެ ހިދުމަތް ހޯދަންފަށާ ކަސްޓަމަރުންނަށް ވެސް ބައިވެރިވުމުގެ ފުރުސަތު ހުޅުވާލައިގެންނެވެ.
އެގޮތުން އުރީދޫ ސުޕާނެޓު އަދި ޕޯސްޓުޕެއިޑު ކަސްޓަމަރުންނާއި، ޕްރިޕެއިޑު ރީޗާޖު ކުރާ ކަސްޓަމަރުންނާއި، އުރީދޫ ބިލަށް ފައިސާ ދެއްކުމާއި، އާ ޕްލޭނަކަށް އަޕްގުރޭޑު ކުރާ ކަސްޓަމަރުންނާއި، މޫލީ މެދުވެރިކޮށް ވިޔަފާރި ކުރާ ފަރާތްތަކުގެ އިތުރުން އެމް-ފައިސާގެ ހިދުމަތްތައް ބޭނުންކުރާ ހުރިހާ ކަސްޓަމަރުން ވެސް އެ ޕްރޮމޯޝަނުގައި ހިމަނާފައިވެއެވެ.
އުރީދޫ މޯލްޑިވްސް އަކީ ގަތަރު ފީފާ ވޯލްޑުކަޕުގެ ރާއްޖެ ކަވަރެޖުގެ ޓައިޓަލް ސްޕޮންސަރެވެ. އޭގެއިތުރުން އުރިދޫ މޯލްޑިވްސްގެ ބެލެނިވެރި ކުންފުނި އުރީދޫ ގަތަރަކީ މިފަހަރުގެ ވޯލްޑުކަޕުގެ އޮފިޝަލް ގުލޯބަލް ކަނެކްޓިވިޓީ ސާވިސަސް ޕްރޮވައިޑަރެވެ.
