މީގެ 31 ކުރިން ސްރީލަންކާގައި ފިރިމީހާ އާއި ދަރިފުޅު މަރާލިކަމުގެ ތުހުމަތުގައި އަންހެނަކު ހައްޔަރުކޮށްފި އެވެ.
ލަންކާގެ ފުލުހުން ހައްޔަރު ކުރީ އުމުރުން 64 އަހަރުގެ އަންހެނެކެވެ. އޭނާގެ މައްޗަށް ތުހުމަތު ކުރެވެނީ 1991 ވަނަ އަހަރު ފިރިމީހާ އާއި ދަރިފުޅު މަރާލި ކަމަށެވެ.
ތުހުމަތު ކުރެވޭ ގޮތުގައި އުމުރުން 47 އަހަރުގެ ފިރިމީހާ މަރާލީ މޮރަތުވާގެ މެންޑިސް މަވަތައިގައި ހުންނަ ގެޔެއްގަ އެވެ. އަދި 21 އަހަރުގެ ފިރިހެން ދަރިފުޅު މަރާލީ ޕިލިޔަންޑަލާގެ ބޮލްގޯޑާ ކޯރު ކައިރިންނެވެ.
ފުލުހުން ހިންގި ދިގު ތަހުގީގަށް ފަހު އެންމެ ފުރަތަމަ މީހަކު ހައްޔަރު ކުރީ ސެޕްޓެމްބަރު 29 ގަ އެވެ. އޭގެ ފަހުން މިދިޔަ ހުކުރު ދުވަަހު 55 އަހަރުގެ މީހަކު ވެސް ހައްޔަރު ކުރި އެވެ.
ފުލުހުން ބުނީ ހޮނިހިރު ދުވަހު ތިން ވަނަ މީހަކު ހައްޔަރު ކުރި ކަމަށެވެ. އެއީ މިދިޔަ ސެޕްޓެމްބަރު މަހު ހައްޔަރު ކުރި ފިރިހެން މީހާގެ އަންހެނުންނެވެ.
ތަހުގީގުން އެނގުނު ގޮތުގައި އަންހެން މީހާގެ ދަރިފުޅާއި ފިރިމީހާ މަރާލީ ބިމެއްގެ މައްސައިގަ އެވެ. މޮރަތުވާގެ މެންޑިސް މަވަތައިގައި އޮންނަ އެ ބިމަކީ އޭނާގެ ފިރިމީހާގެ ބިމެކެވެ.
