ވަރަށް މަަދުން ނޫނީ ނުފެންނަ ފިޔާތޮށި ކުލައިގެ ޖަވާހިރެއް ހޮންކޮންގައި 58 މިލިއަން ޑޮލަރަށް ވިއްކާލައިފި އެވެ.
ސޮދެބީޒް އޯކްޝަަން ހައުސް ކުންފުނިން ބުނީ އެއީ ބިޑަށް ހުޅުވާލި ޖަވާހިރެއްގެ ކެރެޓަކަށް ޖެހޭ އަގުން ބަލާއިރު، ރެކޯޑް އަގެއް ކަމަށެވެ.
"ވިލިއަމްސަން ޕިންކް ސްޓާ" ޖަވާހިރުގައި 11.5 ކެރެޓް ހުރެ އެވެ. ހުކުރު ދުވަހު ހުޅުވާލި ބިޑުގައި އޭތި ވިކުނީ 57.7 މިލިއަން ޑޮލަރަށެވެ.
ސޮދެބީޒްއިން ބުނީ އެއީ ބިޑަކަށް ހުޅުވާލައިގެން މިހާތަނަށް ވިކުނު ދެ ވަނައަށް އެންމެ އަގުހުރި ޖަވާހިރު ކަމަށެވެ. އޭތި ގަތީ ފްލޮރިޑާގައި ދިރިއުޅޭ މީހެކެވެ.
އެ މީހާގެ ނަން ހާމަކޮށްފައެއް ނުވެ އެވެ. އެ ޖަވާހިރުގެ ވިއްކާ އަގަކީ 21 މިލިއަން ޑޮލަރު ކަމަށް ވާއިރު، އޭނާ ބިޑުކުރީ ދެ ގުނަ އަގުބޮޑުކޮށެވެ.
"ވިލިއަމްސަން ޕިންކް ސްޓާ" އަކީ މިހާތަނަށް ބިޑެއްގައި ވިއްކާލި ދެ ވަނައަށް އެންމެ ބޮޑު ފިޔާތޮށި ޖަވާހިރެވެ. ޖަވާހިރުގެ ބާވަތްތަކުގެ ތެރެއިން އެންމެ މަދުން ފެންނަނީ ފިޔާތޮށި ޖަވާހިރެވެ. އެހެންވެ، ދުނިޔޭގެ މާކެޓުގައި އެންމެ ޑިމާންޑު ބޮޑީ ވެސް އެއަށެވެ.
މިހާތަނަށް އެންމެ އަގުބިކޮށް ފިޔާތޮށި ޖަވާހިރެއް ވިކުނީ 2017 ގަ އެވެ. އެއީ "ސީޓީއެފް ޕިންކް ސްޓާާ" އެވެ. އެ ޖަވާހިރު ވިއްކާލީ 71.2 މިލިއަން ޑޮލަރަށެވެ.
