ޕޯސްޓުޕެއިޑް ހިދުމަތްތަކުން 30 ޕަސެންޓާ ހަމައަށް ޑިސްކައުންޓު ލިބޭ އިސްރަށްވެހިންގެ ޕޯސްޓުޕެއިޑް ޕްލޭން އުރީދޫއިން ތައާރަފުކޮށްފި އެވެ.
އުމުރުން 60 އަހަރުން މަތީގެ ބޭފުޅުންނަށް ހާއްސަ އެ ޕުލޭނުގެ ދަށުން ހިޔާރުކުރައްވާ ޕޯސްޓުޕެއިޑު ޕެކޭޖުގެ މަހު ފީއިން 30 ޕަސެންޓާ ހަމައަށް ޑިސްކައުންޓު، ދާއިމަށް ލިބޭނެ އެވެ. އޭގެ އިތުރުން އެ ޕްލޭނުގެ ދަށުން ޕެކޭޖުތައް އެކްޓިވޭޓު ކުރައްވާ ފަރާތްތަކަށް ވައިބާ ބޭނުން ކުރެއްވުމަށް ދެ ޖީބީ ހިލޭ ޑޭޓާ ވެސް ލިބޭނެ އެވެ.
އިސްރަށްވެހިންގެ ޕޯސްޓުޕެއިޑު ޕުލޭނުގެ ދަށުން ލިބޭ ހާއްސަ އިނާޔަތްތައް -- ފޮޓޯ: އުރީދޫ
މާމަކާފަމެންގެ ލޯބިވާ ދަރިންނާއި މާމަކާފަ ދަރިންނާއި އޮންނަ ގުޅުން އިތުރަށް ފަސޭހަކޮށްލުމަށްޓަކައި އުރީދޫއިން ތައާރަފު ކުރި އެ ޕުލޭނުގެ ދަށުން ހިދުމަތް ހޯދާ ކޮންމެ ބޭފުޅަަކަށް ވެސް ރާއްޖެއާއި ރާއްޖެއިން ބޭރުގެ ބައެއް ތަންތަނުން ތަފާތު އެކި ޑިސްކައުންޓުތަކާއި ހާއްސަ ހިދުމަތްތައް ލިބިގެންދާ އުރީދޫ ކުލަބް ޕުރިމިއާ ގޯލްޑު މެންބަރުކަން ވެސް ލިބޭނެ އެވެ.
އިސްރަށްވެހިންގެ ޕުލޭނު އެކްޓިވޭޓުކޮށްލުމަށް "60* ޖެއްސެވުމަށްފަހު އައިޑީ ކާޑް ނަންބަރު ޖައްސަވާފައި 929އަށް އެސްއެމްއެސް ކޮށްލުމުން އެބޭފުޅަކު ބޭނުން ކުރައްވަމުންގެންދަވާ ޕޯސްޓްޕެއިޑް ޕެކޭޖަކަށް އެ ޕުލޭނުގެ ދަށުން ލިބޭ އިނާޔަތްތައް ލިބިގެންދާނެ އެވެ.
އުރީ ދޫއަކީ އަބަދުވެސް ހިދުމަތް ހޯދާ ފަރާތްތަކަށް ތަފާތު ލުއިފަސޭހަތައް ހޯދައިދިނުމަށްޓަކައި މަސައްކަތް ކުރާ ކުންފުންޏެކެވެ.
