ޖުމްލަ 15،000ރ. ގެ ޕްރައިޒް ޕޫލަކާއެކު އުރީދޫ ނޭޝަންއިން ބާއްވާ އުރީދޫ މޯލްޑިވްސް ޕަބްޖީ ކޮންޓެންޑާ ސީރީޒް 2، 500 އަށް ވުރެ ގިނަ ބައިވެރިންނާއެކު އިއްޔެ ފަށައިފި އެވެ.
ޖުމްލަ 89 ޓީމު ވާދަކުރާ އެ މުބާރާތް ކުރިއަށް ދާނީ ފަސް ގުރޫޕަކަށް ބަހާލައިގެންނެވެ. އެ މުބާރާތުގެ އެއް ވަނަ ހޯދާ ޓީމަކަށް 10،000ރ.، ދެވަނަ އަށްދާ ޓީމަކަށް 3000ރ. އަދި ތިން ވަނަ އަށްދާ ޓީމަކަށް 2000ރ. ލިބޭނެ އެވެ.
އޭގެ އިތުރުން އެއްލައްކަ ރުފިޔާގެ ޕްރައިޒް ޕޫލަކާ އެކު މިއަންނަ ޑިސެމްބަރުގައި ބާއްވާ ރާއްޖޭގެ އެންމެ ބޮޑު ޕަބްޖީ މުބާރާތައް ވެސް އެ ތިން ޓީމު ކޮލިފައިވާނެ އެވެ.
އުރީދޫ މޯލްޑިވްސް ޕަބްޖީ ކޮންޓެންޑާ ސީރީޒްއަކީ ރާއްޖޭގައި ބާއްވާ އެންމެ ބޮޑު ޕަބްޖީ މުބާރާތާއި ހަމައަށް ސިލްސިލާކޮށް ކުރިއަށް ގެންދާ މުބާރާތްތަކެކެވެ. އެގޮތުން މިދިޔަ އޯގަސްޓު 24 ގައި ފެށި އުރީދޫ މޯލްޑިވްސް ޕަބްޖީ ކޮންޓެންޑާ ސީރީޒްގެ ފުރަތަމަ މުބާރާތުގެ އެންމެ މޮޅު ތިން ޓީމު ވެސް ވަނީ ޑިސެމްބަރު މަހު އޮންނަ މުބާރާތަށް ކޮލިފައިވެފަ އެވެ.
އުރީދޫ މޯލްޑިވްސް ކޮންޓެންޑާ ސީރީޒްގެ ފުރަތަމަ މުބާރާތުގެ އެންމެ ގަދަ ތިން ޓީމު
މި ސީރީޒްގެ ތިން ވަނަ މުބާރާތް މިއަންނަ އޮކްޓޯބަރު މަހު ބާއްވަން ހަމަޖައްސާފައިވާއިރު، އެ މުބާރާތުގެ އެންމެ މޮޅު ތިން ޓީމު ވެސް ޑިސެމްބަރު މަހު އޮންނަ މުބާރާތަށް ކޮލިފައިވާނެ އެވެ.
ރާއްޖޭގައި ބާއްވާ އެންމެ ބޮޑު ޕަބްޖީ މުބާރާތް، އުރީދޫ ޕަބްޖީ މޯބައިލް ޗެމްޕިއަންޝިޕުގައި 16 ޓީމެއް އެއްލައްކަ ރުފިޔާގެ ގްރޭންޑު ޕްރައިޒައަށް ވާދަކުރާނެ އެވެ. މިހާރު ކުރިއަށްދާ އުރީދޫ މޯލްޑިވްސް ކޮންޓެންޑާ ސީރީޒްގެ މުބާރާތްތަކުން ހޮވާ ނުވަ ޓީމުގެ އިތުރުން ދެން އެ މުބާރާތުން ޖާގަ ލިބޭނީ ނޮވެމްބަރު މަހު ބާއްވާ އުރީދޫ ޕަބްޖީ ޗެމްޕިއަންޝިޕް އޮފިޝަލް ކޮލިފައިން އިވެންޓުގެ އެންމެ ގަދަަ ހަތް ޓީމަށެވެ.
ރާއްޖޭގައި ތިބި ހުނަރުވެރި ގޭމަރުންނަށް ބައިނަލްއަގުވާމީ މައިދާނުގައި ފުރުސަތުތައް ހޯދައި ދިނުމުގެ ގޮތުން ތައާރަފުކުރި އުރީދޫނޭޝަން އަކީ މޯބައިލް، ޕީސީ އަދި ގޭމިން ކޮންސޯލްތައް ބޭނުންކޮށްގެން ކުޅޭ މީހުން އެއް ތަނަކުން ގުޅާލާ، ހާއްސަ މުބާރާތްތައް ބާއްވާ ގޭމިން ޕްލެޓްފޯމެކެެވެ.
ރާއްޖޭގައި އީ-ގޭމިން ކުރިއެރުވުމަށް ގިނަ މަސައްކަތްތަކެއް ކުރާ އުރީދޫއިން ދަނީ ގޭމިންއަށް ހާއްސަ ޑޭޓާ ޕެކުތަކާއެކު ތަފާތު ޕުރޮމޯޝަންތައް ވެސް ހިންގަމުންނެވެ. އެގޮތުން ޕަބްޖީ ޑޭޓާ ޕެކެއް އަޅާލައިގެން ނަސީބުވެރި ފަސް ފަރާތަކަށް ވީއާރު ކެފޭއިން އެއް ގަޑިއިރުގެ ވީއާރު ސެޝަނެއް ހިލޭ ލިބޭ ޕުރޮމޯޝަނެއް މިހާރުވެސް އެކުންފުނިން ދަނީ ކުރިއަށް ގެންދަމުންނެވެ. މިއަންނަ އޮކްޓޫބަރު 6، އާ ހަމައަށް އެ ޕުރޮމޯޝަން ކުރިއަށްދާނެ އެވެ.
