ބިލިއަނެއްހާ ރުފިޔާގެ މަޝްރޫއު؛ ހދ. އަށް ރައީސްގެ ޔަގީންކަމާއި އުއްމީދު

ރައީސް, މިއަދު ނާވައިދޫގައި ވާހަކަ ދައްކަވަނީ

ރައީސް, މިއަދު ނާވައިދޫގައި ވާހަކަ ދައްކަވަނީ

ބޮޑުތިލަދުންމަތީގެ ހދ. އަތޮޅުގައި ތަރައްގީގެ 100 އަށްވުރެ ގިނަ މަޝްރޫއުތައް އެބަ ހިނގަ އެވެ. ދައުރު ނިމެން ގާތްވިއިރު, އެއް ބިލިއަނެއްހާ ރުފިޔާ މި ތޭރަ ރަށަށް ކޮށްފި އެވެ.

އެ އަތޮޅަށް ވަޑައިގެން ރައީސް އިބްރާހިމް މުހައްމަދު ސޯލިހު އަނެއްކާވެސް ދެއްވީ ޔަގީންކަމާއި އުއްމީދެވެ; ރަށްރަށުގެ ރައްޔިތުން ބޭނުންވާ ހުރިހާ ކަމެއް އެމަނިކުފާނު ފުއްދަވާނެ ކަމެވެ.

ހދ. ނައިވާދޫއަށް މިހާރު ކުރައްވަމުން ގެންދަވާ ދަތުރުފުޅުގައި ފެނުގެ ނިޒާމު އިފްތިތާހުކޮށް ދެއްވަމުން ރައީސް ވިދާޅުވި ގޮތުގައި, މި ސަރުކާރުން ރައްޔިތުންނަށް ކަންކަން ކޮށްދެމުން އަންނަނީ ވަކި ރަށެއް، ވަކި އަތޮޅެއް ތަފާތުކުރުމެއް ނެތި އެވެ.

"އަޅުގަނޑުމެން ވީ ވައުދަކީ އެއީ، ތަފާތުނުކޮށް ހަމަހަމަކަމާއެކީގައި އިންސާފުން އެންމެންނަށް ކަންކަން ކޮށްދިނުން، އިރާދަކުރެއްވިއްޔާ އެ ބޮޑު ވައުދު އަޅުގަނޑުމެން ފުއްދަމުން ގެންދާނަން،" ހދ. އަތޮޅުގައި މާބޮޑު ސަމާލުކަމެއް ތަރައްގީގެ ގޮތުން ނުލިބޭ, ނާވައިދޫގައި ހުންނަވައި ރައީސް ވިދާޅުވި އެވެ.

މި ދައުރުގައި ރައްޔިތުން އެދުނު ގިނަ ކަންކަން ކޮށްދެމުން އަންނަ ކަން ފާހަގަކުރައްވައި ރައީސް ވިދާޅުވީ ހދ. އަތޮޅުގައި އެކި ބާވަތުގެ 199 ތަރައްގީގެ މަޝްރޫއު ހިނގަމުންދާ ކަމަށެވެ. އޭގެ އަގު އެއް ބިލިއަނެއްހާ ރުފިޔާއަށް އަރަ އެވެ.

"ގާތްގަނޑަކަށް މިހާތަނަށް ހަރަދު ކުރެވިއްޖެ 970 މިލިއަން ރުފިޔާ ހަމައެކަނި ހދ. އަތޮޅަށް، އަދި ކުރިއަށް ހުރި މަޝްރޫއުތައް ނިމޭއިރުގައި މި އަދަދު ބޮޑުތަނުން އިތުރުވެގެން ދާނެ، މިއީ ހަނިމާދޫ އެއާޕޯޓު ނުލާ އެކިއެކި މަޝްރޫއުތަކަށް ކުރެވިފައި ހުރި ހަރަދު،" ރައީސް ވިދާޅުވި އެވެ.

ހަނިމާދޫ އިންޓަނޭޝަނަލް އެއާޕޯޓް ތަރައްގީ ކުރުމުގެ ބޮޑު މަޝްރޫއުގައި އިއްޔެ ވަނީ ސޮއިކޮށްފަ އެވެ. ސަރުކާރުން އަމާޒުކުރާ ގޮތުގައި, މި މަޝްރޫއުއާ އެކު ބޮޑުތިލަދުންމައްޗަށް ބޮޑު އިންގިލާބީ ތަރައްގީއެއް އަންނާނެ އެވެ.

އެ ތަރައްގީގެ އަސަރު ހެޔޮ ގޮތުގައި ފޯރާނެ, ނައިވާދޫގައި ވެސް ގިނަ މަޝްރޫއުތައް ކުރިއަށްދާ ކަން އަދި ބައެއް މަޝްރޫއުތައް ނިމިފައިވާކަން ރައީސް ފާހަގަކުރެއްވި އެވެ. އަދި، މިހާތަނަށް ނުފެށިވާ ބަނދަރުގެ މަޝްރޫއު ވަރަށް އަވަހަށް ތަރައްގީކުރަން ފަށާނެ ކަމުގެ ޔަގީން ކަން ވެސް ދެއްވެވި އެވެ.

ނާވައިދޫގެ ފެނުގެ ނިޒާމް ރައީސް އިފްތިތާހު ކޮށް ދެއްވަނީ
ނާވައިދޫގެ ފެނުގެ ނިޒާމް ރައީސް އިފްތިތާހު ކޮށް ދެއްވަނީ

ނާވައިދޫގެ ފެނުގެ ނިޒާމް ރައީސް އިފްތިތާހު ކޮށް ދެއްވަނީ

ރައީސް އިތުރަށް ވިދާޅުވީ ކޮންމެ ރަށެއްގެ ރައްޔިތުން ވެސް އަބަދުވެސް އިތުރަށް ބޭނުންވާ ކަންކަން ހުންނާނެ ކަން ގަބޫލުކުރައްވާ ކަމަށާއި އެކަންކަން ކޮށްދެއްވާނެ ކަމަށެވެ.

"...އިރާދަކުރެއްވިއްޔާ އަޅުގަނޑުމެން ކޮންމެ ރަށަކަށް ވެސް އެ ބޭނުންވާ ކަންކަން ދެނެގަނެ، އެ ކަންތައްތައް ކުރުމުގައި ދެމިތިބޭނެ ވާހަކަ ދަންނަވަން،" ރައީސް ވިދާޅުވި އެވެ.

ގުދުރަތީ ގޮތުން ރީތި, ނާވައިދޫގެ ފެނުގެ ނިޒާމު އިފްތިތާހު ކޮށްދެއްވަމަށް ފަހު ރައީސް ވަނީ އެ ރަށުގެ އާރްއޯ ފެން ޕްލާންޓު އިމާރާތް ވެސް ބައްލަވާލައްވާފަ އެވެ.

ނައިވާދޫ ފެނުގެ ނިޒާމު ގާއިމުކޮށްފައިވަނީ ސާސީ ކޮންސްޓްރަކްޝަން ޕްރައިވެޓް ލިމިޓެޑާއި ހަވާލު ކޮށްގެންނެވެ. އޮކްޓޫބަރު 2019 ގައި ފެށުނު އެ މަސައްކަތް އެ ކުންފުނިން ނިންމީ މިދިޔަ ޖޫން މަހުގަ އެވެ. އެ ޕްރޮޖެކްޓްގެ އަގަކީ 15,398,304.77 ރުފިޔާ އެވެ.

އެ މަސައްކަތުގެ ދަށުން ދުވާލަކު 40 ޓަނުގެ ފެން އުފައްދާ އާރްއޯ ދެ ޕްލާންޓާއި 4.5 ކިލޯ މީޓަރުގެ ފެނުގެ ނިޒާމުގެ ވިއުގައެއް އެޅުމާއި ފެން ރައްކާކުރުމަށް 185 ޓަނުގެ ދެ ތާންގީ އަދި ވާރޭފެން ރައްކާ ކުރުމަށް 150 ޓަނުގެ ތާންގީއެއް ވަނީ ބަހައްޓާފަ އެވެ.

ރައީސް ދެން މިއަދު ވަޑައިގަތުމަށް ހަމަޖެހިފައިވަނީ, ހދ. ފިނޭއަށެވެ. އެއަށްފަހު ދެން މިސްރާބު ޖައްސަވާނީ ރާއްޖޭގެ އެންމެ އުތުރު އަތޮޅު, ހއ. އަތޮޅަށެވެ. އެ އަތޮޅުގެ އުތީމް އަދި ދިއްދޫއަށް ވަޑައިގަތުމަށް ވަނީ ހަމަޖެހިފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox