ވަދާއީ މެޗު، ވާދަވެރި މާހައުލެއް، ފެޑެރާގެ ލޮލުން ކަރުނަ!

Sep 24, 2022, 2:26 PM
ވަދާއީ މެޗަށް ފަހު ފެޑެރާ ސަޕޯޓަރުންނަށް ޝުކުރު އަދާކުރަނީ.-- ފޮޓޯ: ގެޓީއިމޭޖަސް

ވަދާއީ މެޗަށް ފަހު ފެޑެރާ ސަޕޯޓަރުންނަށް ޝުކުރު އަދާކުރަނީ.-- ފޮޓޯ: ގެޓީއިމޭޖަސް

ލަންޑަން (ސެޕްޓެމްބަރު 24) - އޯލްސްޓާ ޓެނިސް މުބާރާތެއްގެ ގޮތުގައި މަޝްހޫރުވެފައިވާ، ލޭވާސް ކަޕްގައި ރޭ ރަފައެލް ނަޑާލާ އެއް ޓީމެއްގައި ހިމެނިގެން ރޮޖާ ފެޑެރާ ކުޅުނު މެޗަކީ އޭނާގެ ދިގު ޓެނިސް ކެރިއަރުގައި ކުޅުނު ފަހު މެޗެވެ.

ފެޑެރާ، 41، ވަނީ މި ފަހަރުގެ ލޭވާސް ކަޕަކީ އޭނާގެ ޓެނިސް ކެރިއަރުގެ ފަހު މުބާރާތް ކަމަށް ބުނެފަ އެވެ.

Advertisement

ފެޑެރާ ފަހު މެޗުގައި ކުޅެން ޖެހުނީ އޭނާގެ ކެރިއަރުގައި އެންމެ ބޮޑަށް ޗެލެންޖް ދިން ނަޑާލްއާ އެއް ޓީމަކަށެވެ. އެ މެޗުން ބަލިވެގެން ފެޑެރާ އަށް ރޮވިފައި، ބެންޗުގައި އިށީނދެގެން އިންވަގުތު، ކައިރީގައި ލޮލުން ކަރުނަ ފޮހެން އިނީ ނަޑާލް އެވެ. މިއީ ކުޅިވަރަށް ލޯބިކުރާ ގިނަ ބަޔެއްގެ ސަމާލުކަން ފާއިތުވި 24 ގަޑިއިރަށް ބަލާއިރު ވެސް ހުއްޓުނު ފޮޓޯ އެކެވެ. ކުޅިވަރު ތާރީހުގައި ވެސް އެއީ ހާއްސަ ވަގުތެއް ކަމަށް ގިނަ ބަޔަކު އަންނަނީ ބުނަމުންނެވެ.

"މިއީ ކޮންމެ މީހަކު ވެސް ކުރިމަތިލާން ޖެހޭނެ ކަމެއް. އުނދަގޫ ވިޔަސް މިކަން ކުރަން ޖެހޭ،" ރޮވިފައި ހުރެ، ފެޑެރާ ބުންޏެވެ.

"އަހަރެން މި ހުރީ އުފަލުން، އަހަރެން މި ހުރީ ދެރަވެފައެއް ނޫން. އަހަރެން ވަރަށް އުފަލުން ހުރެ އެންމެ ފަހު ފަހަރު ކަމަަށް ބަލާފައި ވެސް ބޫޓުގެ ނާޑުވާ މި އެއްސީ، މި މެޗުގައި ކޮންމެ ކަމެއް ވެސް މި ކުރީ ޕްރޮފެޝަނަލް ކެރިއަރުގެ އެންމެ ފަހު ދުވަހު. މެޗު ވެސް ދިޔައީ ވަރަށް ވާދަވެރިކޮށް ރަނގަޅަށް، އަހަރެން އުފަލާ އެކު މި ނިންމާލީ، ޝުކުރިއްޔާ،"

ރޭގެ މެޗަށް ފަހު ފެޑެރާ ސަޕޯޓަރުންނަށް ޝުކުރު އަދާކުރަނީ.-- ފޮޓޯ: އޭއެފްޕީ

ލަންޑަންގެ އޯޓޫ އެރީނާގައި ރޭގެ މެޗަށް ދިޔަ ހުރިހާ ސަޕޯޓަރުންނަށް ފެޑެރާގެ ވަދާއީ ވާހަކަ ވެގެންދިޔައީ ޖަޒުބާތީ ވަގުތަކަށެެވެ. ފެޑެރާ އަށް އޮތް ސަޕޯޓް ދައްކުވައިދިނުމުގެ ގޮތުން ދެ ޓީމުގެ ކުޅުންތެރިން ވަނީ އޭނާ އަށް ހިތްވަރެއް ދޭން އުރާލައިފަ އެވެ.

ފެޑެރާ، ކެރިއަރު ފެށީ 1998 ވަނަ އަހަރު އުމުރުން 16 އަހަރުގެ ކުޅުންތެރިއެއްގެ ގޮތުގަ އެވެ. ފެޑެރާ ހޯދި އެންމެ ފުރަތަމަ ގްރޭންޑް ސްލޭމް ތަށްޓަކީ 2003 ވަނަ އަހަރުގެ ވިމްބަލްޑަން ޓެނިސް މުބާރާތެވެ. އޭގެ ފަހުން އޭނާ ވަނީ 20 ގްރޭންޑް ސްލޭމް ތަށި ހަމަކޮށްފަ އެވެ. ފެޑެރާ އެންމެ ފަހުން ހޯދި ގްރޭންޑް ސްލޭމަކީ 2018 ވަނަ އަހަރުގެ އޮސްޓްރޭލިއަން އޯޕަން އެވެ. ފެޑެރާ އަށް ވުރެ ގިނަ ގްރޭންޑް ސްލޭމް ހޯދީ ދެ ކުޅުންތެރިއެކެވެ. އެއީ 22 ގްރޭންޑް ސްލޭމް ކާމިޔާބުކޮށްފައިވާ ނަޑާލް އާއި 21 ގްރޭންޑް ސްލޭމް ތަށި ހޯދި ނޮވަކް ޖޮކޮވިޗް އެވެ.

ޓެނިސް ކެރިއަރުގައި ފުރަތަމަ ގްރޭންޑް ސްލޭމް ތަށި ހޯދިތާ 19 އަހަރު ފަހުން ފެޑެރާ ރިޓަޔާކުރާއިރު، ދުނިޔޭގެ ރޭންކިންގެ އެއް ވަަނަ އަށް ފެޑެރާ އެންމެ ފުރަތަަމަ އެރީ 2004 ވަަނަ އަހަރު އެވެ. އޭނާ ވަނީ ރޭންކިން އެއް ވަނައިގައި 310 ހަފްތާ ހޭދަކޮށްފަ އެވެ. އެއީ ވަރަށް ފަހަކާ ޖެހެންދެން ރެކޯޑެކެވެ. އެ ރެކޯޑް މުގުރާލީ މިދިޔަ އަހަރުގެ ފެބްރުއަރީ މަހު ޖޮކޮވިޗް އެވެ.

ޖުމްލަ އެކު 103 އޭޓީޕީ ތަށި ހޯދާފައިވާ ފެޑެރާ ވަނީ މުޅި ކެރިއަރުގައި އެކި ލެވަލްގައި ހޯދީ ކާމިޔާބީތަކަށް ބަލާއިރު، ބޮޑު އަދަދެއްގެ ފައިސާގެ އިނާމެއް ހޯދައިފަ އެވެ. މުބާރާތްތައް ކާމިޔާބުކޮށްގެން ފެޑެރާގެ މުޅި ޓެނިސް ކެރިއަރުގައި އޭނާ އަށް ލިބުނު ފައިސާގެ އިނާމުގެ ޖުމްލަ އަދަދު 130 މިލިއަން ޑޮލަރަށް ވުރެ އިތުރެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox