ލަގްޒަރީ ރިއަލް އެސްޓޭޓަށް އިންވެސްޓް ކުރުމަކީ ހަމަ އެކަނި ދިރިއުޅުމުގެ ފެންވަރަށް ލިބޭ ކުރިއެރުމެއް ނޫނެވެ. މިއީ މުސްތަގުބަލުގައި ގިނަގުނަ މާލީ ފައިދާތަކެއްވެސް ލިބިގެންދާނެ އިންވެސްޓްމަންޓެކެވެ. އަދި ރާއްޖޭގައި ލަގްޒަރީ ރިއަލް އެސްޓޭޓް މާކެޓް ކުޑަވުމަކީ މިއިންވެސްޓްމަންޓްގެ ފައިދާ ޔަގީންކޮށްދޭ ރިސްކު ކުޑަ އިންވެސްޓްމަންޓެކެވެ.
އެވްރެޖްކޮށް 4 މިލިއަން ދިވެހި ރުފިޔާއަށް ބައްލަވައިގަނެވޭ ލަގްޒަރީ އެޕާޓްމަންޓެއް ކުއްޔަށްދެވޭ އަގަކީ ގާތްގަނޑަކަށް 38,500 ރުފިޔާ (2500 ޑޮލަރު) އެވެ. މިއަދަދަށް ބަލާއިރު މިއީ އަހަރެއްގެ މައްޗަށް 11-12 ޕަސެންޓު ފައިދާ އެވެ. މިއީ އެހެން ގައުމުތަކާ އަޅާބަލާއިރުވެސް ވަރަށް މަތީ އަދަދެކެވެ.
ރާއްޖެއަކީ ބޭންކް ޑިޕޮސިޓްސް މަދު ގައުމަކަށް ވުމުން ގިނަ ބޭފުޅުން ހިޔާރު ކުރައްވަނީ ބޯހިޔާވަހިކަމަށް އިންވެސްޓްކުރުމަށެވެ. މާލެ ސަރަހައްދަށް ގިނަ މީހުން ދިރިއުޅުން ބަދަލުކުރަމުން ދިޔުމާއެކުވެސް ކުއްޔަށްދޭ ތަންތަނުގެ ޑިމާންޑް ކުޑައެއް ނުވެ އެވެ. އަދި ބޯހިޔާވަހިކަން ކުއްޔަށްދީގެން އާމްދަނީ ހޯދާ ބޭފުޅުންނަށް މިކަމުން މެދުނުކެނޑި އާމްދަނީ ލިބޭނެ ގޮތް މަގުފަހިވެ އެވެ.
ސޮލިޓިއާގެ ކުރެހުމެއް: މިތަން ހުންނާނީ ހުޅުމާލޭގައި -- ފޮޓޯ: ސޮލިޓިއާ
މާލެ ސަރަހައްދުގައި ލަގްޒަރީ ހައުސިން މާކެޓްގެ ގިނަ ތަންތަން ހުރި ތަނަކީ ހުޅުމާލެ ފިތުރޯނު މަގެވެ. މިއީ މާލެ ސަރަހައްދުގައި އޮތް އެންމެ ހިތްގައިމު ރީތި މަގެވެ. މީގެ އިތުރުން ފިތުރޯނު މަގަކީ އާންމު ހިދުމަތްތަކާއި ވަސީލަތްތައްވެސް ކައިރިން ލިބެން ހުރި ތަނެކެވެ. ފިތުރޯނު މަގުގައި ހިމެނޭ ލަގްޒަރީ ރެސިޑެންސް ތަކުގެ ތެރެއިން ފާހަގަކޮށްލެވޭ އެއް ތަނަކީ ސޮލިޓެއަރ އެވެ. ސޮލިޓެއަރ އަކީ ދުނިޔޭގެ ފެންވަރުގެ ހިދުމަތްތަކާއި އެކު ލަގްޒަރީ ފަސޭހަ ދިރިއުޅުމަކަށް ބޭނުންވާ ހުރިހާ ކަމެއް އެކުލެވޭހެން ފަރުމާ ކޮށްފައިވާ އިމާރާތެކެވެ. ސޮލިޓެއަރ ގައި ހުންނަނީ 3+1 ކޮޓަރީގެ އެޕާޓްމަންޓާއި ޕެންޓްހައުސް އެވެ.
ސޮލިޓިއާގެ ކުރެހުމެއް: އެތަނުގައި އިސްވެސްޓު ކުރުމުގެ ފުރުސަތު މިހާރު އޮތީ ހުޅުވާލައިފަ -- ފޮޓޯ: ސޮލިޓިއާ
އިންފިނިޓީ ޕޫލާއި ކުޑަކުދިންގެ ޕޫލް އަދި ކުދިން ކުޅޭ ސަރަހައްދުތަކާއި ފިހާރަތަކުގެ އިތުރުން ޕްރައިވެޓް ޕާކިންއާއި ސެކިއުރިޓީވެސް ސޮލިޓެއަރގައި ހުންނާނެއެވެ. މީގެ އިތުރުން ފެންވަރު ރަނގަޅު ކްލަބްހައުސްއެއްވެސް ހުންނާނެއެވެ. ކްލަބްހައުސް އަކީ ސައުންޑް ސިސްޓަމާއި ބޮޑު ސްކްރީންގެ އިތުރުން ޕޫލް ކުޅޭ ތަނަކާއި ހަފްލާތައް ބާއްވަން އެކަށޭނަ ޖާގަތައް ހިމެނޭ ތަނެކެވެ.
ސޮލިޓެއަރ ވެގެންދާނީ ރާއްޖޭގެ ލަގްޒަރީ މާކެޓްގައި ވިދާލާނެފަދަ ކޮލިޓީ ރަނގަޅު ރީތި ތަނަކަށެވެ. އަދި ސޮލިޓެއަރއަށް އިންވެސްޓް ކުރުމަކީ ރާއްޖޭގައި ދެވަނައެއް ނެތް ފަދަ ރަނުގެ ފުރުސަތަކަށް ވާނެ އެވެ.
