ޔޫކްރެއިނާ މެދު ހުރި ޗައިނާގެ ކަންބޮޑުވުންތައް ބަލައިގަންނަ ކަމަށް ރަޝިއާގެ ރައީސް ލެޑިމިއަ ޕުޓިން ވިދާޅުވެއްޖެ އެވެ.
މިދިޔަ ފެބްރުއަރީ މަހު ޔޫކްރެއިން ހަނގުރާމަ ފެށި ފަހުން ޕުޓިން އާއި ޗައިނާގެ ރަައީސް ޝީ ޖިންޕިން ފުރަތަމަ ފަހަރަށް ބައްދަލުކުރެއްވީ ބުރާސްފަތި ދުވަހު އެވެ.
އުޒްބެކިސްތާނުގައި އޮތް ބައްދަލުވުމަށް ފަހު ޕުޓިން ވަނީ ޔޫކްރެއިން މައްސަލައިގައި ޗައިނާއިން ގެންގުޅޭ ހަމަހަމަ ވިސްނުމަށް ޝުކުރު ދަންނަވާފަ އެވެ.
ޝީ ވިދާޅުވީ ޗައިނާ އާއި ރަަޝިއާއަކީ ދުނިޔޭގެ ބޮޑު ދެ ބާރު ކަމަށް ބަލައި ރަަޝިއާާއާާ އެކު ކުރިއަށް ދާން ޗައިނާ ތައްޔާރު ކަމަށެވެ.
ޔޫކްރެއިންގައި ކުރާ ހަނގުރާމައަށް ޗައިނާއިން ރަސްމީކޮށް ތާއީދުކުރާކަން އިއުލާން ނުކުރި ނަމަވެސް، ހަނގުރާމަ ފެށި ފައހުން ޗަައިނާއިން ވަނީ ރަޝިއާާއާ އެކު ވިޔަފާރި އަދި އެހެން ގުޅުންތައް ވެސް ވަރުގަދަކޮށްފަ އެވެ.
